|
هه‌ژار خۆشناو
كه ئه‌م مانێشته‌ی سه‌ره‌وه ده‌خوێنیته‌وه به‌لات سه‌یر
نه‌بێ ئه‌وه ڕاستیه‌كه كه ڕژێمی ئیسلامی ئێران كاری بۆ ده‌كا، بێجگه
له‌وه‌ی هاوكاری و تیرۆریست ڕه‌وانه‌ی عێراق ده‌كات، له‌گه‌ڵ ئه‌مه‌ش دا
هه‌روه‌ك چۆن گه‌لانی ئێران و به‌تایبه‌تی كوردی ڕۆژهه‌ڵاتی كوردستانی سڕ
كردوه به هۆی بڵاوكردنه‌وه و ڕێگه پێدان به مادده بێ هۆشكه‌ره‌كان له
نێو گه‌نجانه كه ئه‌مه‌ش وا ده‌كا دوور كه‌ونه‌وه له جموجۆڵی سیاسی و
هه‌ست نه‌كردن و به‌لاوه نانی ئه‌و زووڵم و تاوانانه‌ی ئه‌و ڕژێمه
ئیسلامیه به‌رامبه‌ر به گه‌لی كورد ئه‌نجامی ده‌دا. ئه‌گه‌ر كه‌مێكیش بێ
ڕه‌نگه شاره‌زاییمان هه‌بێ له‌مه‌ڕ ئه‌م ماددانه‌ی كه نه‌ته‌وه
یه‌كگرتووه‌كان و هه‌موو پۆلیسی ووڵاتان كار بۆ نه‌مانی ده‌كه‌ن و نرخێكی
به‌رزی هه‌یه و به گرام ده‌فرۆشرێ، سه‌روی هه‌مووی قه‌ده‌‌غه‌یه، به‌ڵام
وه‌ك ده‌بینین ئێران هه‌ر به خۆڕایی سێزده كیلۆ به دوو سێ كه‌س ده‌دا، تا
له شاره‌كانی كوردستانی باشور بڵاوبكرێته‌وه، هه‌روه‌ك چۆن له‌لایه‌ن پۆلیس
و ئاسایشی سلێمانی گیران، به‌ڵام ده‌پرسین ئاخۆ ئه‌مه نرخه‌كه‌ی چه‌نده؟!
ئه‌و پاره‌یه كێ دای؟! ده‌پرسین ئه‌مه گیرا ئه‌ی چه‌ندی تر ده‌ربازبوون و
چه‌ندانی تر به‌ڕێوه‌ن؟! ئه‌م كاره‌ی له پایه‌ی چی؟! به خۆش به‌ختیه‌وه
ئه‌مڕۆ زۆری گه‌نجی كورد له كوردستان و هانده‌ران سه‌ره‌ڕای زۆر كه‌م و
كورتی و به‌شدار پێنه‌كردنیان له زۆر شت به‌ڵام هۆشیاری سیاسی و سته‌مدیده‌ی
نه‌ته‌وه‌كه‌یان ده‌ناسن و هه‌وڵ بۆ به‌رزكردنه‌وه‌ی ئاڵای كوردی و
سه‌ربه‌خۆیی كوردستان ده‌ده‌ن، ئه‌مه‌ش بۆته درك له چاوی دوژمنان، چونكی
ئێران په‌سته به ووزه‌ی تاكی ئێمه و گه‌یشتن به مافه‌كانمانه بۆیه
هه‌ڵده‌ستێ به لێدانی گه‌نجی كورد و گۆش كردنی به‌و مادده‌یه كه وا ده‌كا
به‌كارهێنه‌ر بیر له هیچ نه‌كاته‌وه ته‌نیا به دوا كه‌وتنی ئه‌و مادده
بێهۆش كاره نه‌بێ، هه‌موو مه‌به‌ست و ئاواتی ده‌بێته لاوانه و سۆفیاتی و
بێ ئاگابوون له گۆڕانكاری، وه گشت خه‌رجیه‌ی بۆ كڕینی ئه‌و مادده‌یه
ده‌بێ، ئه‌مه‌ش مه‌ترسیترین داهاتوو ده‌بێ ئه‌گه‌ر په‌رله‌مانی كوردستان
یاساێكی وا ده‌رنه‌كا كه ببێته هۆی بنبڕكردنی گواستنه‌وه و به‌كارهێنانی
له كورستان دا، ئه‌گه‌ر نا ئه‌وه چه‌ند ساڵی داهاتوو ڕێره‌وی كۆمه‌ڵگای
كوردی به‌ره‌و وێران و لێكترازان ده‌چێ له هه‌موو ڕوویه‌كه‌وه به تایبه‌تی
له ئاستی سیاسی و ئابوری و كۆمه‌ڵایه‌تی.
ئیتالیا
١/١/٢٠٠٦
hajarkhoshnaw@hotmail.com
|