کورد کهی رزگاری دهبێ؟

عوسمان- م

23.09.2006

به رای من خهڵکی کورد ئا بهم شێوهێه نهک ناتوانی بڵێی ئهوهنده ساڵیتر، بهڵکوو ههتاههتاێه رزگاری نابێت. خوێندنهوهی مێژوو ئهم راستیهمان پێ دهڵێ. خهباتی کورد، دروشمی نهتهوی کورد و ئالای کورد بازاری بهشه دهسهڵاتخوازی و پله و قازانجی ناسیونالیست-ئیسلامیستی کورد و دهوڵهتانی ناوچهکه و ئهمپریالیستهکان بوه و ههێه.

ژیان و خواسته ئینسانی و کۆمهڵاێهتیهکانی خهڵکی کورد به بیانوی نهبونی ئاڵا و نهتهوهی رزگار و سنور پێشێل کراوه و دهکرێ. به ههمان شێوه که ئیسلامیهکان و خوای ئیسلام به ئینسان دهڵێن که ئهم دنیا گوزهراێه و خوا له دنیاێهکیتر ژیانی خۆشی بۆ ئێوه دیاری کردوه، ئهوهی دهست لهم دنیا ههڵدهگرێ و ئهمری خوا بهجێ بێنێ دهچێته بهههشت. لێگهرێن ئهم دنیا بۆ دهوڵهمهندهکان و خوا گهورهێه. سهرانی ناسیونالیست-ئیسلامیستی کوردیش دهڵێن کورد جارێ کاتی ئهوه نییه باسی مافه ئینسانی و کۆمهڵاێهتیهکانیان بکهن چونکه کاری گرنگترمان له پێشي، ئهویش رزگاری نهتهوهیه. دهبێ خهڵکی کورد دهست لهم دنیا ههڵبگرێ تا خوا و سهرانی لێ رازی بێت، بهڵام خۆێان له ناز و نهعمهتدا بژین.

ئیسلامیهکان بهتایبهت ئهوانهی له دهسهڵاتدان، نهک دهستیان لهم دنیا ههڵنهگرتوه، دهستیان لهو دنیا ههڵگرتوه و لهوپهری خۆشی و لهزهت و خۆشگوزرانیدان، له ئیمکاناتی تهواوی ژیان بههرهمهندن و ئهوه تهنیا مۆسۆڵمانه ساده و فریو خواردوهکانه که ئهگهر ههوڵ بدهن بۆ باشتر بونی ژیانیان و داوای مافه ئینسانیهکانیان بکهن، یهکسهر له لاێان حاکمانی ئیسلامی وسهرانی حیزبه ئیسلامیهکانهوه به بێ ئهخلاق، موشرێک، رافزی، مهلعون و شهیتان تاوانباریان دهکهن.

سهرانی کوردیش به ههمان شێوه و بهتایبهت 17 ساڵه بهشێک لهم نهتهوه رزگاره، بهشێک له کوردستان رزگاره و که چی کورد ههر زهلیل و بێ ئاسۆ و ماڵوێرانه و دهبێ ههر چاوهرێی بهرهکهتی خودا و بهزهیی سهرانی خۆی بێت که کهی رۆژی حهشری کورد بێت و رزگاری دهبێ. لهم 17 سالهدا سهرانی حیزبه ناسیونالیستهکانی کورد جیاواز له بهرێوه بردنی سیاسهتی رژیمی ئیسلامی ئێران و رژیمی فاشی تورکیه دژ به میللهتی کورد و کۆشتاری کوردهکانی پارچهکانیتر، له کوردستانی ژێر حاکمیهتی خۆشیان له سهدام سهفاکتر و خوێن رێژتر بون. له زۆر بارهوه روی سهدامیان سپی کردوه. ئهگهر سهدام عهرهب و رهگهز پهرهست بوو و لهبهر ئهمه کوردی دهکهوشت، ئهمان به ناوی پاراستتنی دهستکهوتهکانی شۆرشی کورد و به ناوی کوردهوه زیاتر له 9000 ژنی کورد و 16000 کوردیان به یهکتر به کۆشت دا. ئهگهر سهدام له زیندانهکان ئامرازهکانی شکهنجهی وهک بتڵ و هێلکه و هتد بۆ تێک شکانی وره و خهباتی خهڵکی کورد بهکهر دهبرد، ئهمان بوری ئاو و داریان له ههمان زیندانهکان بهکار بردوه. ئهگهر سهدام پێی دهوهتن موخهرێب، ئهمان دهڵێن تێکدهر و گێره شێوێن. ئهگهر سهدام ئاو و کارهبای بۆ کورد دابین دهکرد، ئهمان نهک ههر لێان بریوه، بهڵکو تهنیا لهبهر دهربرینی نارهزاێهتی بۆ نهبونی ئاو و کارهبا، رۆڵهکانیان دهدنه بهر دهسترێژ و دهێانکۆژن. ئهگهر ملازمهکان شکهنجهگهرانی دهزگای زانیاریی سهدام بون، شێخ زاناکان نهک ههر شکهنجه، بهڵکوو دهستدرێژی ناموسیشیان به ژنان و کچانی کورد دهکهن و بۆ کاری تیرۆریستی کهرامهتیان دهشکێنن. ئهگهر سهدام زانیبای بهرپرسێک تهنیا بۆنی مهوادی بێهۆشکهری لێ دێت دهیکۆشت، بهلام بهرپرسانی ئهمان خۆێان ئهو مهواده دێنن بۆ ئالوده کردنی لاوانی کورد.

لهمانه سهیرتر ئهم حاکمانهی کورد بهرانبهر به داگیرکهران زهلیل و ماساوچی و پێ و لامل ماچکهری بکۆژانی کوردن، بهڵام دژ به کورد قارهمان و ئازا و بهجهرگن.

مهسهلهکه ئهوهێه که میللهتی کورد پاش ئهو ههمو خهباته خوێناوییه و پاش ئهو ههمو سات و ساودای رێبهرانی دینی عهشاێریی کورد و به بونی ئهو ههمو تهجرهبه و ئهزمونانهی شکست و بێ ئاکامی، جار له دوای جار عیبرهت وهر ناگرێ و دیسانهکه چاوهرێی بهرهکهتی خودا و بهزهیی زلهێزهکان و سرانی ههلپهرهستی خۆێهتی رزگاری بکهن.

واێان لێ کردوین و به جۆرێک وروکاسیان کردوین که تا کارهساتهکان نهگاته ئهوپهری خۆی بیر له ئاکامه زیانبارهکانی ناکهیناوه. له دوای ههر شکست و دۆرانێکیش، سران میللهت به تاوانبار دادنێن و خۆێان وک بهرزهکی بانان له ژێر بهرپرساێهتیهکهی دهر دهچن. بۆ نمونه سرانی ناسیونالیست-ئیسلامیستی کورد به قوستنهوهی ستهمی نهتهواێهتی لهسهر کورد، ناورۆکی دیکاتورانهی خۆێان داپۆشیبو که تهواوی مێژوی ئهم میللهتهی ژاراوی کردوه. پاش گۆرینی سهدامی دیکتاتۆر، به کردهوه ناوهرۆکئ دیکتاتۆرانهی خۆێان نمایش کرد و ئێستبدادی دینی-ئیسلامیی خۆێان له سهدامی دیکتاتۆر زیاتر و بهرینتر کوردیان سهرکوت کردوه و دهیکهن. بێجگه لهمهش جارێکیتر کوردیان کرده ئامرازێک بۆ بهرژهوهندی ئهمپریالیستهکانبه تایبهت ئهمریکا و دهوڵهتانی ستهمگهری سهرماێهداریی ناوچهکه و خۆیان.

بهر له شهری ئهمریکا و داگیر کردنی عێراق، زۆر به رونی ئهم راستیه تاڵانهی عێراق و کوردستان و ناوچهکه له لاێان کۆمۆنیستهکان و کورده ئازادیخوازهکانهوه باس کرا. بهڵام سرانی ناسیونالیستی کورد له راستیهکانی ئامانجی ئهم شهره کهوتنه چهواشهکاری. له عێراق مهبهسته شاراوهکانی داگیرکهرانی ئهمپریالیستی و ریاکاریهکانیان که ئیدیعاێان دهکرد دهێانهوێ دێموکراسی و شارستانیهت به دیاری ببهن بۆ ئهو ولاتانه که داگیری دهکهن، کوردیان فریودا و کردیانه شهریکه تاوانی ئه وهحشیگهرییه که ئێستا له ئاراداێه. ئێستا ئێراق ویران کراوه و مانگانه زیاتر له 4000 جنازهی لهت و کوت کراو و سهربرا و که زۆربهیان منداڵ و خهڵکی بێتاوانن له شهقام و کۆڵانهکان بهره و گۆرستانهکان بهرێ دهکرێن.

له مێژه ئهم راستییه دوپات دهکهینهو که میللهتێک که خۆی ئهسیری تهعهسوباتی کهس پهرهستی و موقهدهساته دهستکردهکانی میللی و قهومی و کولتوری دهکا، ناتوانێ ئازاد بێ و به ئازادی بژی. ناسیونالیست-ئیسلامیستی کورد لهبهر دهسهڵات و بهرژهوهندی خۆی بهردهوام ئامرازی تێکدان و سهرکوتی بزوتنهوهی رزگاری خوازیی کورد بوه و له مانهوهی دیکتاتورهکانی ناوچهکه دهوری کاریگهریان گێراوه، تا وای نیشان بدهن که کورد خۆی ناتوانی خۆی رزگار بکا و دهبێ هێزێکی دهرهکی بێت و نهجاتی بدا. ههر ئهمهش بو که یان دهبونه داردهستی رژیمهکانی داگیر کهری کوردستان یان ئهمپریالیستهکان.

به شاهیدی میژوو ههموو جارێکیش ئهمپریالیستهکان و لهسهرهوهی ههموان دهوڵهتی ئهمریکا له رێگای سهرانی ناسیونالیست-ئیسلامیستی کوردهوه بزوتنهوهکانی کوردیان بۆ بهرژهوهندی خۆێان فهشهل پێ هێناوه و تیجارهتیان بهسهرهوه کردوه. تهنانهت بهڵینیهکانی تری وهک ئیمکاناتی مادی که بۆ کوردیان دیاری کردوه، له لاێان سهرانی کورد و دارودهستهکانیانهوه حهیف و مهیل کراوه و ههر بۆ خۆشیان تیجارهتیان بهسهرهوه کردوه.

مهسهلهکه ئهوێه که ناسیۆنالیستی کورد به رونی نیشانیان داوه و به کردهوهش سهلماندویانه که کورد و ئالای کورد و خاکی کوردستان بازاری سات و سهودا و بهدهست هێنانی بهشه دهسهڵاتن. به چهواشهگهری و بهلارێدا بردنی بیر و هۆشی خهڵک توانیویانه خۆێان بسهپێنن.

بۆ نمونه ههمیشه ههوڵیان داوه ئهم حهقیقهته مێژوییه که ههر ئێستا به زهقی داپۆشن و حاشای لێ بکهن که خهباتی نهتهوهی کورد بۆ بهدهست هێنانی مافی خۆی، به شێوهی ئاشکرا، بهردهوام لهگهڵ نیزامی ئهمپریالیستی و دهوڵهتانی سهرماێهداریی ناوچهکه بهرهورو بوه. ئهمپریالیستهکان به پێک هێنانی دهوڵهتانی بهکرێگیراو له ناوچهکه له لاێهک و له لاێهکیتر به کهڵک وهر گرتن له سهرانی بۆرژوا ناسیونالیستی کورد که دهوری دهڵاڵی سیاسی دهگێرن، رێگاێان له سهرکهوتن و به سهرهنجام گهیشتنی ئهم خهبات و بزوتنهوانه گرتوه.

تهنیا رێگای ئازادی و رزگاری میللهتی کورد خۆ دهرباز کردن لهم بازنه داخراوه دهستکردهی سهرانی ناسیونالیست-ئیسلامیستی کورد و پیلان گێریی ئهمپریالیستهکانه که له بابهتی داهاتودا باسی دهکهین. ئهم بابهته درێژهی ههێه.