|
من تانیاییم ده‌ڕژێته نێو چۆمی وشه
چرکه‌کانم ئه‌دورێنم به پیته‌وه
ئازیزه‌که‌م
له‌م به‌رزه‌خه
جل و به‌ری ده‌سه‌ڵاتت پێ ده‌ردێنن
روتی ، روتی ، رووت
هه‌ڵتئه‌واسن به سه‌لیبی چاوه‌ڕوانی و
چرکه‌کانت
دانه دانه
یه‌ک ...
دو .....
سێ ....
تۆ که رۆڵه‌ی شه‌وه‌زه‌نگیت
له جه‌هه‌ننم بویی له‌دایک
خازمهه‌ریر گؤشی کردویی و
به ره‌وڕه‌وه‌ی چاره‌ره‌شی...
بۆ پێم ده‌ڵێی
ده‌رزی دوریت
ده‌زۆی سپی دوری له‌سه‌ر شه‌وی قژم
تۆ نه‌زانی ئه‌سپی تووشی خه‌م را بێنی و
له‌شه‌قامی ته‌نیاییدا بیغارێنی
ئه‌بێ ده‌رگای کام خوا لێده‌م
گوڵ ئه‌ستێره‌ی
باخچه‌ی هیوای شه‌وار گه‌سته‌م
له‌به‌سته‌ڵه‌ک بپارێزێ
تۆ ئه‌توانی زۆر بژمێری
دڵت وه‌کو نیشتمانه و
ته‌نیاییشت،
سه‌بوریشت...
من ئه‌زانم زۆر ئه‌ژمێری
به‌ڵام خۆ تۆ به‌ته‌نیا نیت
شه‌ویش ته‌نیا
هه‌ر ئه‌توانێ چاوو که‌ڕ بکات
ده‌نگ هه‌ڵێنه با بت بینم
کازێوه زۆر نزیکتره تا نیوه شه‌و
دۆێنێ و ئه‌مڕۆ و سبه‌ینێمان
په‌لکه ده‌که‌ین
سه‌رپه‌لکه‌که‌ی گوڵی خه‌نده.
|
