|
له‌وه بێزار ببووین که به‌سه‌ره نانمان ده‌خوارد و
به‌سه‌ره پێڵاوه نوێکه‌مان له‌پێده‌کرد !
هه‌ر به‌منداڵی باوکمان مرد و دایکمان به‌زوخاوی نه‌هاتنه‌وه‌ی
برا ئه‌نفاله‌که‌مانه‌وه چاوه‌کانی کوێربوون ،،
بژێویمان سه‌ختر باڵی لێده‌سوین و هه‌ژاری بوو به ئاینده و
نه خۆشیه‌کی هه‌میشه‌یی بۆمان ، که بووین به مێرد منداڵ
هه‌ریه‌که‌مان به‌ڕێکه‌وت و ئاره‌زووی ڕۆژگار
گواستراینه‌وه بۆ گوندێک و شارێک .،
من
ئاگام له‌هه‌واڵی ئه‌وان نه‌ما که ڕۆژگار به‌کام ده‌وراندا
ده‌یان سووڕێنێت .
گه‌وره بووم و له ژێر چه‌تری گومان و بــــاراندا ده‌گه‌وزام
ژیان به‌لامه‌وه هیچ مانایه‌کی نه‌ده‌به‌خشی ته‌نیا له شکانی
پارچه‌کانی خۆزگه‌کانم زیاتر .، هاوڕێکانم له خۆم ماندو
ترده‌هاته پێش چاو ،
تۆش بیان بینه !-
ئه وه ئازاد بوو مه‌ستییه‌کی هه‌میشه‌یی سه‌ری خزاندبوویه
کۆشیه‌وه ،
بارام بوو وێڵی عاشقێکی یه‌کلایی په‌نجه‌کانی پێده‌گه‌زت ،
نه‌وزاد عه‌وداڵی هه‌واڵێکی تازه‌ی سارته‌ر *و خوێندنه‌وه‌ی
کۆتای چیرۆکی ئه‌و شه‌وانه‌ی خۆمم تیا کوشت بوو سه‌رقاڵی
کردبوو ،
په‌یام به‌دیار په‌یامی خۆره‌وه ده‌نوستوو و ڕۆژنامه نوسێکی
درۆزن و بێبه‌ڵێن و
بێهه‌ڵوێست ده‌ناسرا .
هیوا فه‌رته‌نه
تێکه‌ڵاو کردنی پێکه‌نین و گریان به پێکه‌نینی- کورد ئاسا*
ڕقمان لێهه‌ڵده‌ستاو به‌گریانی هاو به‌شیمان ده‌کرد ،
داخی عه‌لی کڵۆڵیش با بووه ستێ هیوایه‌تی جگه‌ره وه‌رگرتن و
داگیرسانی جگه‌ره هێمای سه‌رمایه‌یه‌کی مه‌زنی ده‌به‌خشی به‌و
! . عومه‌ریش ئه‌گه‌ر قه‌بریش به‌لاش بووایه بۆ ساتێکیش
بووایه له‌ناویدا ڕاده‌کشا .....
منیش به مانایه‌کی تر :
ورد ورد چاوی ژیان حه‌زی ده‌گه‌زتم و بۆ ئه‌وینی کێشده‌کردم
ته‌مه‌نم له چل لایدا و وه‌ک بارام عه‌شق گه‌زتمی
وه‌ک باران به‌خوڕ ده‌گریام بۆ دوری و ناسکی ئه‌و
وه‌ک به‌فر له‌شم ده‌یبه‌ست بۆ بینینی
که‌ده‌مبینی
ده‌یووت خۆشم ده‌وێیت و به‌جوان تێیته‌به‌رچاوم
یان ده‌یووت هه‌ڵۆ
له هه‌رمێیه‌کی کاڵ ده‌چیت له‌وه ده‌چێ که‌س قه‌پی
لێنه‌گرتبی !؟ .
یان : ته‌وای نه‌ده‌کرد و ده‌مزانی ئه‌یه‌وێت بڵێ :
تۆ کۆیله‌یت و زینجیری چاوه‌کانم زمانی به‌ستوویی .
به‌ڕاستی ده‌مبه‌رست
له‌باوکمه‌وه ڕاهاتبووم که ئافره‌تم خۆش بوێ
باوکم تامرد وێنه‌که‌ی دایکمی له‌باخه‌ڵابوو
یه‌ک ژنی هێنا ، بۆیه‌ک ژن ده‌ژیا ، گه‌ر بژمایه هه‌ر یه‌ک
ژنی ده‌هێنا ّ !
ئێواره که گه‌ڕامه‌وه بۆ ماڵه‌وه !
ته‌ڵاق نامه‌که‌ی نوسی بوو بۆم و له‌سه‌ر ڕه‌فه‌شکاوه‌که‌ی
هۆڵه‌که جێیهێڵابوو
نوسیبووی -
به‌پێی ئه‌و بڕیاره‌ی 322 مافی ئه‌وه‌م هه‌یه شویه‌کیتر
بکه‌مه‌وه و ئاره‌زوم لێتنه‌ماوه و کۆن بوی له‌لام و سوواویت
لام ، ،
کۆنه ژنت ... ئاڵا ،
منیش به‌دوای بارامدا ده‌گه‌ڕام تا ئه‌م ته‌ڵاق نامه‌یه‌ی
ئاڵای بۆیبخوێنمه‌وه و دڵنه‌واییه‌کم باته‌وه ، به‌ر له‌من
ئه‌و ماری ئه‌وین گه‌زتبویی ! ، بارامم ده‌ستنه‌که‌وت !
دوایی چه‌ند ڕۆژێک نامه‌یه‌کی بۆناردبووم
نوسیبویی : هه‌ڵۆ
دوایی چه‌ندساڵ دابڕان من و به‌فرین به‌یه‌ک گه‌یشتینه‌وه
ژیان به‌کێشه‌وه‌وه خۆشه برا شیرینه‌که‌م هه‌ر ماچه
به‌یه‌کترمان شادده‌کاته‌وه
بیرت ده‌که‌م به‌ڵام ببوره سه‌رقاڵم هه‌رئه‌وه‌نده
پێڕاگه‌شتم ئه‌م نامه‌یه‌ت بۆ بنوسم و ئه‌م هه‌واڵه‌خۆشه‌ت
پێڕابگه‌یه‌نم .
... هاوڕێت بارام !؟ .
به‌پێکه‌نینه‌وه نامه‌که‌م خوێنده‌وه‌و چومه‌ده‌ره‌وه
به‌سه‌رهاته‌کانی ئه‌و ڕۆژانه‌م بۆ پیاوێکی برسی و به‌ردێکی
ڕه‌ق ده‌گێڕایه‌وه که ته‌نــــیــا ئه‌وان له‌وشاره‌دا
پێڵوه‌کانیان دانه‌که‌وتبوو بۆخه‌و .
--------------------------------------------------
*ئه‌م چیرۆکه‌م له کوردوستان نێتدا له ساڵی 1995دا
بڵاوکردۆته‌وه بۆ پێشبرکێی چیرۆک به‌ڵام هیچه‌م نه‌بووم .! .
|