|
سه‌ره‌ڕای جه‌ختکردنی ده‌سه‌ڵاتدارانی باشووری کوردستان
له‌سه‌ر ڕێزگرتن له ڕۆژنامه‌ونان و سه‌روه‌ری یاسا، به‌ڵام
ده‌ستدرێژیی، گرتن و سووکایه‌تی کردن به ڕۆژنامه‌وانی
کوردستان به‌رده‌وامه له لایه‌ن خودی هێزه‌کانی ئاسایشه‌وه.
ڕۆژی پێنجشه‌ممه‌ی ڕابوردوو له ناو شاری هه‌ولێردا کۆمه‌ڵێک
چه‌کدار ده‌چنه سه‌ر ئوتۆموبیلی بێژه‌ری زاگروس تیڤی به‌ختیار
جاف و له سه‌یاره‌که‌ی داده‌به‌زێنن و گولله له نزیک
سه‌ریدا ده‌ته‌قێنن. سه‌ره‌ڕای پێشاندانی ناسنامه‌ی
ڕۆژنامه‌وانی ، به‌ڵام چه‌کداره‌کان گوێیان نه‌داوه‌ته
قسه‌کانی به‌ختیار و ڕاپێچی بینایه‌یه‌ک ده‌که‌ن له نزیک
باره‌گای لقی 16 ی پارتی دیموکراتی کوردستان و له‌وێ
به‌رپرسیارێک به چه‌کداران ده‌ڵێت که که‌سێکی هه‌ڵه‌یان
گرتووه. هه‌ر چه‌نده به‌خیتار جاف ئازاد کرا به‌ڵام تاوه‌کوو
ئێستا هۆی گرتنه‌که‌ی ئاشاکرانه‌کراوه و داوای لێبوردنیشی لێ
نه‌کراوه.
ئێمه
له کۆمیته‌ی به‌رگریی له ڕۆژنانمه‌وانانی کوردستان ئه‌م
کاره‌ی هێزه‌کانی ئاسایش به ده‌ستدرێژی داده‌نێین له‌سه‌ر
یاساکانی ڕۆژنامه‌وانی و مه‌ده‌نی و داوا ده‌که‌ین هێزه‌کانی
ئاسایش ڕۆژنامه‌وانان بپارێزن نه‌ک ده‌ستدرێژی بکه‌نه سه‌ریان
و سووکایه‌تیان پێ بکه‌ن. هه‌روه‌ها داوا له سه‌رۆکایه‌تی
ئه‌نجوومه‌نی وه‌زیران و وه‌زاره‌تی ناوخۆی کوردستان ده‌که‌ین،
بڕیارێکی وه‌زاری له‌سه‌ر هه‌موو داموده‌زگاکانی حکومه‌ی و
حزبیدا دابه‌ش بکه‌ن تیایدا داوا بکرێت هه‌موو ده‌زگاکانی سه‌ر
به وه‌زاره‌تی ناوخۆ ڕێز له ڕۆژنامه‌وانی کوردستان بگرن و
بیان ێپارێزن.
سه‌رچاوه‌ی زانیاریه‌کان هه‌فته‌نامه‌ی جه‌ماوه‌ر
سه‌رچاوه‌کانی
کۆمیته له هه‌ولێر
کۆمیته‌ی به‌رگریی له ڕۆژنامه‌وانانی کوردستان
http://www.ymek.org/journalists.htm
ko_b_r_ku@yahoo.se
2006-11-23
|