|
شۆڕشی ئیسلامی ساڵی
79 ئێرانی شای كرده نه‌یاری ئه‌مریكا و ڕۆژئاوا و دروشمه
ڕادیكاڵه‌كانی ئه‌و شۆڕشه ناوچه‌كه‌ی به‌ره‌و هه‌ژانێك برد كه
سه‌دام قۆستیه‌وه بۆ جه‌نگی 8 ساڵه. كۆماری ئیسلامی بانگه‌شه‌ی
( نه‌ڕۆژهه‌ڵاتی و نه‌ڕۆژئاوایی) ی كرده بنه‌مای ڕامیاری
ده‌ره‌وه‌ی خۆی ، به‌ڵام به‌رژه‌وه‌ندی‌یه‌كانی خۆی گرێدا به
ووڵاتانی( ڕووسیا و چین و ئه‌ڵمان و..) و دژایه‌تی سه‌ختی (
شه‌یتانی گه‌وره) و ( ڕزگاركردنی قودس) كردی‌یه دوژمنی
ئه‌مریكا.
وه‌ستانی جه‌نگی عێراق- ئێران و گۆڕانه‌كانی ( سۆڤیه‌ت
و داگیركردنی كوه‌یت و ڕووخاندنی سه‌دام) ململانێی له‌گه‌ڵ
ئه‌مریكا به
دۆخی به‌رز و نزم‌دا تێپه‌ڕیوه به‌ڵام
نه‌بۆته كۆتایی هێنان به ئابڵوقه‌ی ئه‌مریكی(سه‌ربازی و
دیبلۆماسی و ئابووری و بازرگانی).
داگیركردنی عێراق له 2003 دا بۆ ئێران بووه هاتنه‌ناوه‌وه‌ی
و ئاماده‌بوونی ئه‌و له‌پشت ( شیعه) وه كه زۆرینه‌ی
ده‌سه‌ڵاتیان وه‌رگرتووه پلان و به‌رنامه‌كانی ئه‌مریكای
به‌ره‌و سه‌رنه‌كه‌ووتن بردووه.
به‌رژه‌وه‌ندی ئێران دوولایه‌نه‌یه و هه‌ڵوێستیشیان دوو دیووه
له باری ئاشكرا و نهێنی‌دا بۆ ( حكومه‌تی نوێ‌ی‌عێراق و
به‌ره‌ی به‌عس و
سونه
و گرووپه‌كانی دۆستیان).
گه‌ر ناچاربوونی ئه‌مریكا به ئێران و سوریا له‌عێراقدا بكاته
گه‌ور‌ه‌یی قه‌یران و مه‌ترسی‌یه‌كانی به‌رده‌وامی ئه‌و
بارودۆخه خوێناویه‌ی كه ڕۆژانه قوربانیه‌كانی زۆر و تۆقێنه‌رن
و
ژیانی كردۆته دۆزه‌خێكی
داخراو بۆ ناوچه‌كانی ده‌كه‌ونه جوگرافیای سه‌ربازی ( جه‌نگی
ژێر به‌ژێری شیعه و سونه) به‌ڵام گه‌ر تێگه‌یشتنی ئێران
وا بێت عێراق ببێته كارتی مۆڵه‌ت وه‌رگرتنی ( چه‌كی ئه‌تۆم) و
له‌گه‌ڵ ئه‌مریكا گۆڕینه‌وه‌ی پێبكات هه‌ڵه‌یه‌كی ستراتیژی
چاره‌نووساز ده‌كات.
گره‌وه‌كانی ئێران بۆ
مانه‌وه و پاراستنی له هه‌ر په‌لامارێكی ئه‌مریكا و
ئیسرائیل ئه‌مانه‌ن:
قه‌یرانی ئه‌مریكا له عێراق و ڕۆڵی باڵاده‌ستی
ئێران له‌عێراق
و باشووری لوبنان، ناكۆكی به‌رژه‌وه‌ندی نێوان ڕووسیا
و چین
-
ئه‌مریكا و ئه‌ورووپا، نه‌وت ، حیزبوڵڵای لوبنانی ، دۆستایه‌تی
سوریا ،
نزیك بوونه‌وه
بۆ هاوپه‌یمانی به‌ستن له‌گه‌ڵ
ئه‌نجومه‌نی كه‌نداودا، هه‌ڵبژاردنه‌كانی ئه‌مریكا و
بردنه‌وه‌ی دیموكراته‌كان.، كۆریای‌باكوور.. هتد.
ئه‌مانه گه‌ر ئه‌و فاكته‌رانه
بن كه ڕامیارانی ئێرانی هه‌ڵوێستی
ووڵاته‌كه‌یانی پێ توند
و ڕه‌ق بكه‌ن و گووتاره‌كانی ( ئاغای نه‌ژادیش) پێ ئاگراوی
بكه‌ن
و ئه‌زموونی سه‌دام دووباره بكه‌‌نه‌وه به‌ڵام به‌دیووی
به‌هێزی و ڕه‌تكردنه‌وه‌دا دژی ئه‌مریكا و نه‌ته‌وه
یه‌كگرتووه‌كان ئه‌وا له‌گه‌ڵ
ئه‌و باكگراونده مێژوویی‌یه كه ده‌وڵه‌تی ئێران هه‌یبووه بۆ
مانه‌وه‌ی سه‌ربه‌خۆیی ناگوونجێت.
ململانێی ئه‌مریكا و ئێران له‌نێوان هه‌ڵكشاندن و داكشاندا
ده‌جوڵێته‌وه به چه‌سپاوی و گۆڕاوی دوو پنت له
سه‌ره‌وه‌ی ململانێكه‌یه:
*
تاچه‌‌ند ئێران ئاماده‌یه ده‌ستبه‌رداری
به‌رنامه‌ی ئه‌تۆمی بێت ئه‌مه
له ئێستادا شاراوه‌یه
گه‌رچی ئێران تادواسات هه‌وڵی په‌یداكردنی چه‌کی ئه‌تۆم
ده‌دات. بڕیاری ئێرانی ده‌توانێت كاربه‌مه بكات و ئاڵوگۆڕی
پێبكات.
**
پنتی سه‌ره‌كی و نه‌گۆڕ و چه‌سپاووی نێوان ئێران
-
ئه‌مریكا و ناوچه‌كه و جیهان به‌ئه‌تۆم نه‌بوونی ئێرانه واتا
نابێت ( چه‌كی ئه‌تۆمی) هه‌بێت و ئه‌م خاڵه‌ش به‌ره‌ی ئه‌وبه‌ر
ئێران نه‌ك سازشی بۆ ناكه‌ن به‌ڵکو هه‌موو شێواز و جۆرێكی
دیپلۆماسی و ڕامیاری و ئابووری بۆ تاقی ده‌كه‌نه‌وه‌و
له‌كۆتایشدا به هێرش و په‌لاماری سه‌ربازی خاپووری ده‌كه‌ن.
ئێران دوو ئه‌زموونی ناوچه‌كه‌ی له‌به‌رده‌مدایه و ده‌توانێت
هه‌ڵیانبژێرێت، عێراقی سه‌دام یان لیبیای قه‌زافی به‌ڵام بۆ
چه‌كی ئه‌تۆمی
گره‌وی دۆڕاو ده‌كه‌ن. |