سه‌لکه‌ گورگێک فڕىَ ده‌درێته‌ ماڵى هاووڵاتییه‌که‌وه‌

گه‌نجیک له‌ یه‌کێک له‌ گه‌ڕه‌که‌کانى شارى هه‌ولێر "سه‌لکه‌ گورگێک" فرَىَ ده‌داته‌ نێو ماڵى هاووڵاتییه‌ک و له‌ لایه‌ن خاوه‌ن ماڵه‌که‌وه‌ ده‌ناسرێته‌وه‌. بۆیه‌ دادخواز سکاڵاى له‌ سه‌ر تۆمار ده‌کات و دواتر تۆمه‌تبار له‌ لایه‌ن ئاسایشه‌وه‌ ده‌ستگیر ده‌کرێت و ده‌درێته‌ بنکه‌ى پۆلیس.
وه‌ک سه‌رچاوه‌یه‌ک له‌ به‌ڕێوه‌به‌رایه‌تى گشتى پۆلیس ئاماژه‌ى پێدا، دادوه‌رى لێکۆڵینه‌وه‌ به‌پێى ماده‌ى 240 ى سزادان بڕیارى به‌ند کردنى تۆمه‌تبارى ده‌ر کردووه‌. سه‌رچاوه‌که‌ له‌سه‌ر هۆکارى هه‌ستان به‌و کاره‌ له‌ لایه‌ن تۆمه‌تباره‌وه‌ گوتى "تۆمه‌تبار دانى به‌ تاوانه‌که‌یدا ناوه‌ و له‌ ئه‌نجامى لێکۆڵینه‌وه‌کاندا ده‌رکه‌وتووه‌ دواى ئه‌وه‌ى دوو جار چووه‌ته‌ خوازبێنى و داخوازییه‌که‌ى بىَ ئاکام ماوه‌، به‌ قسه‌ى فاڵچییه‌ک بۆ نه‌رم کردنى ماڵى خۆشه‌ویسته‌که‌ى ئه‌و سه‌لکه‌ گورگه‌ى فڕىَ داوه‌ته‌ ماڵیان".