|
یه‌که‌م: کوردستانی عێراق هه‌روه‌ک به‌ناوه‌که‌ی خۆێدا دیاره؛
به‌شێکی دانه‌بڕاوه له نیشتمانی عه‌ره‌بی و ئیسلامی.
باسکردن له جیابوونه‌وه پێچه‌وانه‌ی ده‌ستووره، مانه‌وه
له چوارچێوه‌ی عێراقدا پۆستی چه‌وری تێدایه له به‌غداد که
تاکو ئێستا هیچ مه‌سوول و ده‌سته‌ڵاتدارێکی کورد به خه‌ویش
نه‌یبینیوه!
دووه‌م:
مێژووی به‌ئیسلام بوونی خه‌ڵکی کوردستان بۆ پێش ئیسلام
ده‌گه‌ڕێته‌وه، به‌م هویه پێویسته خه‌ڵکی کوردستان سه‌ریان
بچێ نوێژیان نه‌چێ، لانی که‌م پێویسته له ماوه‌ی
ته‌مه‌نیاندا حه‌جێک و عه‌مره‌یه‌کیش بکه‌ن!
سێیه‌م:
ئاینی ئیسلام و په‌ندی پێشینان دوو بنچینه‌ی سه‌ره‌کی
یاسادانانن له حکومه‌تی هه‌رێمی کوردستاندا!
چواره‌م: سه‌باره‌ت به ژنهێنان: ژنی یه‌که‌م فه‌رزه؛ دووه‌م
سونه‌ته، سێیه‌میش ده‌می مه‌لایه‌ک چه‌ورکه. له کاتی
به‌ئه‌نجامگه‌یاندنی پرۆسێسی ماره‌به‌جاشیشدا پێویسته کۆندۆم
به‌کاربهێنرێت! سه‌رپێچی که‌ریش سزاکه‌ی به‌پێی یاسا
رێکده‌خرێت!
چواره‌م:سه‌رۆکی هه‌رێم و جێگره‌که‌ی خۆشه‌ویستی خودان
وپێویسته که‌س قسه له قسه‌یاندا نه‌کات، له‌کاتی
ناوهێنانیاندا پێویسته پاشگری(خوا ده‌ست به‌باڵیانه‌وه‌بگرێت)
به‌کاربهێنرێت!
پێنجه‌م: سیمبول و ئامراز و ده‌زگاکانی بزووتنه‌وه‌ی
کوردایه‌تی پیرۆزن؛ ئه‌وه‌ی به‌خراپ ناویان بهێنێت
به‌شێوه‌یه‌کی دیموقراتیانه ئه‌نفال ده‌کرێت!
شه‌شه‌م: دایک وباوک پێویسته منداڵه‌کانیان به‌خێو بکه‌ن تا
گه‌وره‌ده‌بن؛ پاشان به‌پێچه‌وانه‌وه منداله‌کان دایک و باوکی
په‌ککه‌وته‌یان به‌خێوبکه‌ن؛ چونکه حکومه‌ت ئیشی تری زۆره و
نابێت سه‌رقاڵی ئه‌م ئه‌رکه بچووکانه بێت!
حه‌وته‌م: سۆرانی و بادینی، که‌ڵهوڕی، هه‌ورامی، زازایی له‌پاڵ
زمانه‌کانی کلدانی، ئاشوری، یه‌زیدی، عه‌ره‌بی، تورکمانی؛
ره‌سمین و قوتابخانه و زانکۆیان بۆ ده‌کرێته‌وه و پێویسته
به‌خێرایی بیردۆزه‌کانی فیساگۆرس، ئه‌نیشتاین و ئه‌و‌انی تر
به‌خیێرایی بۆ ته‌رجه‌مه بکرێت!
هه‌شته‌م: سامانی گشتی له هه‌رێمدا موڵكی
حیزبه‌کانی نێو په‌رله‌مانه، ئه‌مه‌ش به‌پێ
یاسای "ئۆخه‌ی ئۆخی هه‌رکه‌س بۆ خۆی" رێك ده‌خرێن.
نۆیه‌م:
رِاپرسی
مافێكی رِه‌وای
هاوڵاتیانی
كوردستانه، به‌ڵام مه‌رج نییه به قسه‌یان بکرێت!
ده‌یه‌م:مافه‌کانی مرۆڤ پارێزراوده‌بێت و پێویسته له لایه‌ن
ده‌زگاکانی ئاسایشه‌وه به شێوه‌یه‌کی نهێنی چاودێری بکرێت!
یانزه:
هه‌رێمی کوردستان ئاڵایه‌کی هه‌یه، که رۆژێکی گه‌وره‌ی
تێدایه، له‌کاتی نه‌بوونی کاره‌با بۆ روناککردنه‌وه و و
له‌کاتی نه‌بوونی نه‌وت بۆ خۆگه‌رمکردنه‌وه به‌کارده‌هێنرێت!
دوانزه: هه‌رێمی كوردستان پشت به سیسته‌می
ئابووری ئازاد ده‌به‌ستێت و هه‌ربۆیه قوش نییه رِێگا
به قۆرخكردن و چه‌وسانه‌وه بگرێت.
|