|
له‌ژێر ناونيشانى گفتوگۆيه‌كى ئازاد سه‌باره‌ت به توندوتيژى
دژ
به ئافره‌ت و له رۆژى 25/11 كه تايبه‌ته به رۆژى
نه‌هێشتنى هه‌موو جۆره
توندوتيژييه‌كى دژ به ئافره‌تان؛ رۆژى يه‌ك شه‌ممه رێكه‌وتى
26/11/2006 به
ئاماده‌بوونى رێزدار ته‌ها به‌روارى وه‌زيرى وه‌رزش و لاوان و
ژماره‌يه‌ك له
نوێنه‌رى رێكخراوه‌كانى ئافره‌تان و كۆمه‌ڵگه‌ى مه‌ده‌نى وNGO
يه‌كان؛ وه‌زاره‌تى
وه‌رزش و لاوان به هاوكارى له‌گه‌ڵ رێكخراوىWADI
له هۆڵى هوتێلى هه‌ولێر پلازا
سيمينارێكيان به‌م بۆنه‌يه‌وه سازكرد.
له ده‌سپێكدا چيمه‌ن ره‌شيد به‌رپرسى
رێكخراوى
WADI
كورته باسێكى سه‌باره‌ت به رێكخراوى ناوبراو پێشكه‌ش كرد و
سوپاسی
خۆى ئاراسته‌ى وه‌زيرى وه‌رزش و لاوان كرد بۆ به‌ده‌نگه‌وه
هاتنيان و بايه‌خدان
به پرسی ئافره‌ت و پاڵپشتى وه‌زاره‌ت له كاراكردنى رۆلى
ئافره‌ت له سه‌رجه‌م
نێوه‌نده‌كاندا و به‌شداريكردنيان له به‌ديهێنان و چه‌سپاندنى
ديموكراسی له
كوردستاندا.
له‌لايه‌ن خۆيه‌وه سه‌ره‌تا وه‌زيرى وه‌رزش و لاوان ئاماژه‌ى
به
گرنگيی ئه‌و رۆژه دا و باسی له سه‌ره‌تاى راگه‌ياندنى كرد
كه به بڕيارى 134/ 54
له رێكه‌وتى 17/12/1999ى ئه‌نجوومه‌نى گشتى
نه‌ته‌وه‌يه‌كگرتووه‌كان رۆژى 25/11
وه‌ك رۆژى جيهانيى بۆ نه‌هێشتنى تووندوتيژى دژى ئافره‌ت
راگه‌ينراوه. له‌لايه‌كى
ديكه‌ش چالاكانى مافى ژن رۆژى 25/11/1981 به يادى كوشتنى 3
خوشك له ساڵ ى1960 له
كۆمارى دۆمينيكان راگه‌ياندووه.
پاشان باسی له چه‌ند خاڵێكى گرنگ كرد و گوتى:
1
- وه‌زاره‌تى وه‌رزش و لاوان به په‌يڕه‌و له به‌رنامه‌ى
ديموكراتیكى ڕێزدار
نێچيرڤان بارزانى، سه‌رۆكى حكومه‌تى هه‌رێمى كوردستان له
7/5/2006 بڕيارى دا
خه‌ڵاتێكى ساڵانه پێشكه‌ش به‌و كه‌سايه‌تی و لايه‌نانه بكات
كه باشترين كاريان
له كوردستان كردووه و هه‌روه‌ها له‌ناو كورده‌كانى
ده‌ره‌وه‌ى وڵاتيش بۆ
نه‌هێشتنى تووندوتيژى و وشياركردنه‌وه‌ى كۆمه‌ڵگه له مه‌ڕ
پرسى تووندوتيژى دژى
خانمان.
2
- وه‌زاره‌ت پشتگيرى له چاپكردنى هه‌موو به‌رهه‌مێكى نووسين
و فیلم و
دۆكیومێنته‌ر ده‌كات لم باره‌يه‌وه.
3
- وه‌زاره‌ت به هاوكارى له‌گه‌ل
وه‌زاره‌ته‌كانى ترى په‌يوه‌ندار ئاماده‌يه كۆرسى درێژخايه‌نى
ئينگليزى و
كۆمپيوته‌ر بۆ ڕێكخراوه‌كانى لاوان بكاته‌وه چ ئه‌وانه‌ى سه‌ر
به پارتيه‌كانن
ياخود له ده‌ره‌وه‌ى ئه‌و ڕێكخراوانه‌ن.
4
- وه‌زاره‌ت پرۆژه‌ى تايبه‌ت
ڕاده‌گه‌یه‌نێت و ده‌رگای بۆ هه‌موو ڕێكخراوه‌كان ئاواڵايه بۆ
زياتر به
ده‌ستخستنى فاكت له‌سه‌ر پرسى تووندوتيژى دژى ئافره‌تان و
چۆنيه‌تى به‌ڕێوه‌چوونى
كارى دادگاكان له پێش گۆرين و دواى گۆرينى ئه‌و ياسايه‌ى به
ناوى نامووس پارێزى
كراوه.
5
- وه‌زاره‌ت ئاماده‌يه كۆرسى تايبه‌ت بۆ ئافره‌تانى چالاك
له بوارى
داكۆكى كردن له مافه‌كانى ژنان بكاته‌وه و هه‌ماهه‌نگيان پێ
بكات له‌گه‌ڵ
وه‌زراه‌ته‌كانى ترى حكومه‌تى هه‌رێمى كوردستان.
6
- ئه‌گه‌ر رێكخراوه‌كانى
داكۆكيكه‌رى خانمان پرۆژه‌ى بچووكى ئابووريان هه‌بێت بۆ
كه‌مكردنه‌وه‌ى لاوانى
هه‌ژارى ژن ئه‌وا وه‌زاره‌ت دواى ديراسه‌تى پرۆژه‌كه،
ره‌زامه‌ندى له سه‌رى
پشتگيرى ئابوورى ده‌كات به رێگاى پێدانى قه‌رزى تايبه‌ت.
7
- وه‌زاره‌ت پشتگيرى
له كردنه‌وه‌ى قاوه‌خانه‌ى تايبه‌ت ده‌كات بۆ لاوان به گشتى
و لاوانى ئافره‌ت به
تايبه‌تى.
8
- وه‌زاره‌ت به نووسراوێكى فه‌رمى داواى له وه‌زاره‌تى
خوێندنى
باڵا و توێژينه‌ه‌وه‌ى زانستى كردووه كه پرسى لاوان له
رێگه‌ى توێژينه‌وى زانستى
هانى كۆلێژه‌كانى په‌يوه‌ندار بدرێت و سێ گۆشه‌ى په‌يوه‌ندى
حكومه‌ت، زانستگه و
بازاڕ به‌هێزتر بكرێت.
9
- بۆ زياتر به هێزكردنى په‌يوه‌ندى رێكخراوه‌كانى
NGO
ى خانمان، وه‌زاره‌تى وه‌رزش و لاوان ئاماده‌يه وێب سايتيان
بۆ بكاته‌وه.
له‌كۆتاييدا ئاماده‌بووان كه بريتى بوون له نوێنه‌رى چه‌ندين
لايه‌ن و
رێكخراوى تايبه‌ت به كاروبارى ئافره‌تان و كۆمه‌ڵگه‌ى
مه‌ده‌نى، پرسيار و پێشنيازى
جۆراوجۆريان ئاڕاسته‌ى وه‌زيرى وه‌رزش و لاوان كرد و به‌ڵێنيان
دا به پاڵپشتى
وه‌زاره‌ت كارى هاوبه‌ش و پرۆژه‌ى هاوبه‌ش ئاماده‌بكه‌ن.
ئه‌و لايه‌نانه‌ى كه
له سيميناره‌كه ئاماده‌بوون ئه‌مانه‌بوون:-
1-
رێكخراوى ئاسوده.
2-
يه‌كێتى
ئافره‌تانى كوردستان.
3-
رێكخراوى په‌رى.
4-
رێكخراوى
روناهى.
5-
مه‌كته‌بی ناوه‌ندى رێكخراوه جه‌ماوه‌ريی و پيشه‌ييه‌كان.
6-
رێكخراوى
نيرۆژ بۆ چالاكى كۆمه‌ڵايه‌تى.
7-
رێكخراوى
هێلان بۆ په‌ره‌پێدانى كه‌سايه‌تى
ئافره‌ت و منداڵ
.
8-
رێكخراوى دايك.
9-
به‌ڕێوه‌به‌رايه‌تى
چاكسازى
نه‌وجه‌وانان و ئافره‌تان.
10-
ڕێكخراوى
ئاشتى.
|