موسوڵمانان بۆ کاریکاتێرێک چی ئه‌که‌ن . . ؟
که کوردستان قیامه‌ت و تابلۆیه‌ک بوو له سووتان ، بۆ ده‌ریایه‌ک بوون له
کوێری ؟؟ .
|
چونکه پێنوسی درۆ هه‌ر درۆ ئه‌نوسێ ، بیری ئه‌چێته‌وه که چی نوسیوه . . ! ئای چه‌ند مێژوویه‌کی ڕه‌شتان هه‌یه ، دنیایه‌کن له شمشێرو ئاسمانیشتان سوره له‌خوێن به‌رچاویشتان ئاوێکی پیسی لیخنه ده‌بێ گلێنه‌ی ئێوه چۆن بێت و چی ببینێت ؟ له‌وه‌ناچێ جوانی یه‌کان ناشرین نه‌بن له‌چاوتانا به‌ڵام ته‌می هۆش و به‌ڵخی بنی ده‌ماغتان نه‌هێڵێ ، له‌و ئه‌شکه‌وتی بێ عیلمی یه هه‌ر خه‌ریکی وانه‌ی ڕق و کینه بنۆشن خوایه‌ک که خۆی ئازادی به‌به‌شه‌ردا که‌خۆی ئه‌م ژینه‌ی کرد به شانۆیه‌ک و ڕۆڵی جوان و خراپ بینین سه‌ربه‌ستی بێت ، که‌چی بێئیشێکی وه‌ک و ئێوه له‌نیوه‌ی شانۆکه‌دا میللی شمشێره کۆنه‌که‌ی باپیرانتانمان لێ ئه‌هێننه‌وه‌و ده‌مان کوژن که‌چی ئه‌گه‌ر یه‌کێکی تر که‌سێ بکوژێ ئه‌ڵێن حه‌ڕامه قه‌تڵه خوا لێی خۆشنابێت . ئه‌وکتێبه‌ی دێڕه‌کانی سه‌روچاوم ماندوو بکاو بۆنی ئێوه‌ی لێبێت من دایده‌خه‌م . ئێوه‌ش وابکه‌ن چونکه ئێمه شتێک له‌گه‌ڵ ویستمان نه‌بێت نایخنکێنین ، فه‌توای سڕینه‌وه‌ی بۆ ده‌رناکه‌ین ، هه‌موو که‌سیش ئازاده که چی ئه‌خوێنێته‌وه . به‌ڵام تۆ ئه‌ی نه‌خۆش له‌گه‌ڵ شمشێری خوێنا له‌دایک بوویت به‌و شمشێره‌ش سه‌رمان ئه‌بڕی ، ئه‌بی به‌خاوه‌نی دنیایه‌ک شانازی که مرۆڤێک سه‌رببڕی چی یه ئه‌و غه‌رقی تنوکی یه ئه‌و تاریکی یه ؟ ئه‌ی بۆ شه‌وو ڕۆژو جوانی هه‌یه ، ئه‌ی بۆ جنس و حه‌زو خۆشه‌ویستی هه‌یه ، ئه‌ی بۆ خۆشی و پێکه‌نین و سه‌ما هه‌یه ، ئه‌ی بۆ موحیببه‌ت و میهرو سۆز هه‌یه لای تۆ چی یه واتای بوونی بوونه‌وه‌ره‌کان چی ئه‌به‌خشێ ؟ هه‌ر ئه‌و خوایه بۆی نه‌کردوی جوانی له دڵ یان پاکی یه‌ک له چاوو خوێن یان تۆ سروشتی نیت و نه‌خۆشی ، ئه‌ته‌وێ ده‌رگای زیندانه‌کان هه‌ر داخراوو تاهه‌تایه داخراو بیت ، ئه‌ی داخه‌که‌م چۆله‌که‌یه‌ک سروشتی ئه‌ژی به‌ڵام تۆ کلک و گوێی ئه‌که‌ی ، مه‌ل و دنیای باڵنده‌کان سروشتین و تۆ داری به‌خته‌وه‌رییان ئه‌بڕی به‌تۆبێ هه‌موو ڕۆژێ تشریبی که‌و بخۆی ، ڕێوی ئه‌خۆیت و که‌روێشک به‌خوێنه‌که‌وه که‌چی به‌راز به‌حه‌رام ئه‌زانی ، به‌ڵام سروشتی یه داڵه‌که‌رخۆره که‌ناری بخوات . مرۆڤی ڕۆشن فیکر هه‌رده‌م له‌خه‌می نیشتمانه‌که‌یه‌تی چونکه ته‌نها شتێک وه‌ک سه‌رمایه که شانازی پێوه بکات نیشتمانه‌که‌یه‌تی بۆیه ئاماده‌یه پێنوسی جووتی هه‌موو کێڵگه‌ی ووڵات بکێڵێ بێ ئه‌وه‌ی گوێ بداتێ پاداشت ، ده‌کرێ یان نه یان له‌و به‌رو بوومه‌ی به‌رده‌که‌وێ یان نا ؟ له‌ڕاستیدا مرۆڤ هه‌ر بیرێکی هه‌بێ ئازاده به‌ڵام بۆ هه‌موو بابه‌ته‌‌کانی ژیان هه‌وێنی ڕاستگۆیی بێت ، بۆ هه‌موو ئاهه‌نگێ ئاوازبێت ، بۆ هه‌موو مه‌جلیسێ حه‌کیم بێت ئه‌گه‌ر موسوڵمان باس له هه‌ر باوه‌ڕێک ده‌کات نمونه‌یه‌کی خراپی بۆ دێنێته‌وه‌و له‌ئه‌نجامدا خۆی به‌ڕاست ئه‌زانێ و ئیدی هه‌مووی کافره به‌ڵام ناپرسێ خه‌ڵکی کامه باوه‌ڕ بێت و ڕوبکاته کامه مه‌زهه‌ب و کامه ڕه‌نگ و . . بۆ نمونه . . شیعه ، سونه ، وه‌هابی ، شافیعی ، سه‌له‌فی . . هتد . موسوڵمان به‌رنامه‌کانی که‌باسی لێوه ده‌کات هه‌مووی باش و به‌سوده بۆ مرۆڤ به‌ڵام تا چه‌ند خۆی کاری پێده‌کات . ته‌نها به‌هه‌شت ئه‌بینێ ده‌ماغیان ، بۆ وه‌فایه‌ک نی یه که زه‌وی جوانی و گه‌وره‌یی مێژویه‌ک و سروشتێکی تیایه . ئه‌و ناڕه‌حه‌تی یه‌ی به‌سه‌ر کوردو نیشتمانه‌که‌یدا هات به‌سه‌ر هیج نه‌ته‌وه‌یه‌ک نه‌هات له‌چه‌رخی بیست و بیست و یه‌کدا ، که‌چی ته‌نها یه‌ک موسوڵمان له‌هیج ووڵاتێک نه‌هاته گۆ بڵێ بۆچی به‌عس ئه‌م نیشتمانه جوانه‌ی کرد به‌دنیای قه‌ره برووت ، بۆچی ئازادی خنکێنرا له هه‌ناسه جوانه‌کانی دایکی ئه‌و نیشتمانه بێ ساحێبه ، بۆچی جه‌هه‌نه‌مێک له‌ناوه‌ڕاستی ئه‌م به‌هه‌شته‌دا خوڵقێنرا . باشترین و دڵپاکترین و به‌ڕه‌وشتترین و موسوڵمانترین و له‌خواترسترین نه‌ته‌وه ، نه‌ته‌وه‌ی کورده . . ! ئه‌ی بۆچی ته‌نانه‌ت وه‌ک مرۆڤیش بیری لێناکه‌نه‌وه . ئێوه‌ی موسوڵمان به‌هه‌موو نه‌ته‌وه‌ی عه‌ره‌ب و تورک و فارسه‌وه ئاگاتان له سوتانی ڕۆحی ئه‌م نیشتمانه بێ باوکه بوو که‌چی قومێ ئاویشتان نه‌داینێ ، به‌نزینتان ئه‌کرد به‌گڕی هێلانه‌ی بێ تاوانیمانا ، به‌شدارو هاوبیر بوون له‌گه‌ڵ سه‌دام بۆکوشتنی خه‌وه‌کانی ئازادی بۆ بڕینی زمانه‌کانی گفتوگۆ و ده‌رهێنانی چاوه‌کانی موحیببه‌ت و بینین . بۆتابلۆیه‌ک کاریکاتێر خۆتان گیڤ کرده‌وه و جنێوی پیس بووبه‌ڕوباری خۆ گیڤ کردنه‌وه‌تان ، که‌چی که‌ئه‌نفال کراین ته‌نها یه‌ک پیاوتان تیانه‌بوو ویژدانی له‌په‌نجه‌ره‌ی سۆزه‌وه نیگایه‌کی منداڵانی کورد بکات ، به‌ڵام ئاماده بوون کیژه جوانه‌کانتان بردوو مێردو براو باوکیانتان کوشت . کێ به‌قه‌د ئێوه کێوێک تاوانی له‌چاواندایه ، کێ به‌قه‌د ئێوه ڕه‌شبینه ، کێ به‌قه‌د ئێوه چاوو دڵ تاریکه ، که‌س وه‌ک ئێوه له‌ڕه‌وڕه‌وه‌ی ژیان له‌دنیای نه‌فامی مه‌لله ناکات . ئۆتۆمۆبیلی کێتان له‌ژێرایه و له‌ڕادیۆیه‌که‌وه بیگره هه‌تا ماڵ و ناوماڵتان هه‌مووی هی کێ یه ؟ به‌قه‌و‌لی خۆتان هی (غه‌یره‌دین ) ه ئه‌م ناوه‌ش بۆ ئیهانه به‌کار دێنن . موسوڵمانی ڕاستگۆ به‌رگری له‌نه‌ته‌وه‌و نیشتمانی خۆی ده‌کات و چاویشی به پێڵوی ویژدان هه‌ڵدێ ، بۆ خه‌ڵکی تر قوڕناپێوێ و نێشتمانه‌که‌ی خۆی تابینه‌قاقای قوڕو لیته بێت . کوڕ ئه‌و کوڕه‌یه مێژویه‌کی جوان بۆ خۆیی و نه‌ته‌وه‌که‌ی بنوسێته‌وه ، سبه‌ینێ منداڵی منداڵه‌که‌ت هیچی نابێت شانازی پێوه بکات وه‌ک و ئێستای ئێمه که‌باس له‌شارستانی یه‌ت ده‌کرێ ناوی ووڵاتانی دی ده‌به‌ین . ئاوڕێک به مه‌عریفه‌وه هه‌موو واتا به‌نرخه‌کان گه‌وره‌تر ده‌کات ، مه‌یوه‌ستێنه ئه‌و مێشکه مه‌یچه‌قێنه له‌قوڕو لیته‌ی ده‌به‌نگی دا ، خه‌ڵکیش خزمه‌تت بکات و دنیای ئاسانیت بۆ دروست کات پێیشی بڵێی کافر ، ئه‌و هاوکێشه‌یه سه‌قه‌ته ، له‌خۆتان بپرسن هه‌تا ئێستا چیتان بۆ مرۆڤایه‌تی کردووه ؟ چ خزمه‌تێک به ئاینه‌که‌ی خۆت کردووه ؟ ئه‌و بڵند گۆوانه‌ی که بانگی پێ ده‌ده‌ی ده‌ست کردی کێ یه ؟ ئۆتۆمبیله‌که‌ت ده‌ست و خه‌ت و شه‌که‌تی و هیلاک بوونی کێ یه ؟ ته‌له‌فۆنی ماڵ و مۆبایله‌که‌ت هی کێ یه ؟ تۆ چیت کردووه بۆ مرۆڤایه‌تی ؟ هه‌تا بێیت و قه‌راری کوشتنیشمان بده‌یت ؟ کێ کردیتی به وه‌کیلی خوا ؟ چۆن ڕێگه به‌خۆت ئه‌ده‌یت ببی به خوا ؟ هه‌ر ئاینه‌که‌ته کوشتنی قه‌ده‌غه کردووه که‌چی بۆ خزمه‌تی پاشاو سه‌رانی دوژمنیش کڕنوش ده‌به‌یت ، ده‌با بۆنی دڵڕه‌شیت بڕوا ، پێنج جار هه‌موو ڕۆژێ ده‌ست و قاچ و ده‌م و چاو ئه‌شۆی جار نا جارێ دڵیشت بشۆ ، چاویشت پاک که‌ره‌وه خه‌ڵکی غه‌یری ئێوه کافر نی یه ، زۆر موسوڵمان هه‌یه بۆ پیرۆزی خواکه‌ی یان ئاینه‌که‌ی نوێژ ناکات به‌ڵکو له‌ترسی جه‌هه‌نه‌م نوێژ ئه‌کات ئه‌ی ترسنۆک ، ئه‌وه‌یش لای خوا به‌ئیماندار ته‌واو نابێت . ده‌ره‌قه‌تی که‌سێکیش نه‌هاتن به فیکر و زانست ، شمشێری ئه‌بو جه‌هلی بۆ مه‌خه‌نه سه‌ر پێ ئه‌گه‌ر ئێوه ئیماندارن چۆن دڵتان دێت مرۆڤ سه‌رببڕن ، ئه‌و که‌سه‌ی لای تۆ کافره ئاژه‌ڵ به‌نج ئه‌کات ئینجا سه‌ری ئه‌بڕێ ئه‌و هه‌ست و سۆزه جوانه بۆ لای تۆ نی یه خۆ مرۆڤی خاوه‌ن ئیمان ئه‌بێ به‌به‌زه‌یی تر بێت هه‌ی بێ هه‌ست .
م . حه‌مید عه‌زیز M_Hamidaziz@hotmail.com
|