|
مه‌ته‌ڵ ئه‌نوه‌ری ڕه‌شی عه‌وڵا 1988 هۆنراوه‌م ، ئه‌و که‌نیله‌یه کافووری ڕه‌نگ و بۆیه‌تی زووڵفه‌کانی ، له ئاوریشمه و چاوه‌کانی کووژه‌که‌یه وشه ئارایی و ناسکه‌کانی مه‌وله‌وی ورده‌خاڵ و قۆپه‌نی گه‌ردنی ئه‌وه لێوی لاله و له‌علی و ئه‌رخه‌وانی ده‌بێته:سه‌یوانی شیعری نالی ئه‌و کیژه باڵاهه‌ڵچووه‌ش سرووشی ئه‌حمه‌د موختاره که په‌لکه‌زێڕینه ،خه‌نده‌یه‌تی و مانگ لاگیره‌یه‌تی و خۆر پڵپڵه‌یه‌تی و ئه‌ستێره‌ش گوڵ و گواره ئه‌و فریشته‌یه حه‌زی له کوڕه پاڵه و سه‌پانه چونکه گوڵشه‌نی گوێ که‌پر و کانی شیعری گۆرانه له دیوانه‌کانم پرسی : ئه‌و جوانی جوانانه کێیه ؟ وشه‌کان به‌یه‌ک ده‌نگ وتیان ....؛ ببێ و نه‌بێ هه‌ڵه‌بجه‌یه !
|
|
|
02/09/2015 |