مه‌رگه
که‌مال
میراوده‌لی
مناڵ بووم له گونده‌که‌مدا
تۆوی ڕیحانه‌و گوڵ و بیبه‌رو باینجان و
خه‌ون و هیواو وشه‌ی ڕه‌نگاو ڕه‌نگم
چاند
نه‌مامی ترێ و هه‌نجیرو هه‌نارو
سپیدارو گوێزو
به‌ڕووـ و سێوو شارستانیم ناشت.
که ئه‌مجاره‌یان چوومه‌وه
ئاو خنکێنرا بوو
زه‌وی زه‌ڕێندرا بوو
ڕه‌شه‌بایه‌کی گه‌نده‌ڵ
به تاقی ته‌نیا، له‌و شوێنه‌دا،
که 172 ژن و مناڵی ئه‌نفالی تیا ڕه‌قبوونه‌وه،
سه‌مای ده‌کرد.
گهڕام
، گهڕام،
له کارێزه وشکه‌کانا،
له باخه هه‌ڵپروکاوه‌کانا.
له جادده شه‌قبووه‌کانا،
چه‌ند تۆوێکی په‌ره‌وازه‌م دۆزینه‌وه
ئه‌مجاره‌یان، له ترسی دزه گه‌وره‌کان،
له ناو دڵمدا چاندمن.
-----------------------
شه‌هید
زه‌وییه‌کی
دی بکڕه هاوڕێ، خانوویه‌کی دی دروست که،
له‌بیریشت
نه‌چێ، سه‌ری مانگ،
چه‌ند سه‌ری
هه‌ن!
پڕۆژه‌که
به‌وه کۆتایی هات و به‌مه ده‌ست پێده‌کا
ئێمه غه‌ریبین
ناونیشانی
یه‌کتر نازانین
ئه‌و
بیانییانه کێن ئه‌فسانه‌ی ئه‌نفال
بۆ مێژووی
ئێمه دروست ده‌که‌ن!
با شه‌وێکی
دیش به مه‌ستی ڕابوێرین و
له
بیرمان نه‌چێ
په‌نجا
دۆلاره که بۆ مناڵی ئه‌و شه‌هیده به‌رین
که ژنێکی
جوانی بۆ به‌جێ هێشتین!
|
|