|
ڕاپه‌ڕین و خوێندنه‌وه‌یه‌كی نوێ
شێرزاد خه‌راجیانی
ڕژێمی
به‌عس بۆ یه‌كلایی كردنه‌وه و كۆتایی هێنان
به ململانێ‌ی سه‌ربازی له‌گه‌ڵ شۆڕشی باشووری كوردستان( هه‌ڵه‌بجه)
ی كرده سه‌ره‌تا و به
(ئه‌نفاله‌كان) یش كۆتایی جه‌نگی هه‌ردوو به‌ره‌ی ( ئێران و كوردی) به
سه‌ركه‌وتنی عێراق كرده ئاهه‌نگی كۆتایی جه‌نگ.
كۆتایی جه‌نگ ده‌وڵه‌تی به‌عسی ڕاكێشایه ناو گێژاوی جۆربه‌جۆرو داپۆشراوی نێو (
هه‌‌‌موو شتێك له‌پێناوی سه‌ركه‌وتن).
لاوازی ئابووری و بێكاری و كێشه كۆمه‌ڵایه‌تی‌یه‌كان دوو له‌به‌هێزترین
ئاكامه‌‌قورسه‌كانی شه‌ڕ بوو كه ڕژێمی به‌عس ڕووبه‌ڕووی بوه‌وه.
داگیركردنی
(كوه‌یت) گر‌ه‌وێكی دۆڕاوی
تری سه‌دام بوو له‌سه‌ر خۆپاكردنه‌وه‌ی قه‌رزه‌كانی بۆ هه‌ڵسانه‌وه و
به‌رزبونه‌وه‌ی توانای
ئابووری داڕووخاوی شه‌ڕی ئێراق - ئێران.
ڕاپه‌ڕینی خه‌ڵكی كوردستان له‌ئاكامی
شكان و پاشه‌كشه‌ی سوپای ئێراق له به‌ره‌ی كوه‌یتدا، ڕمان و ڕووخانی
یه‌كه‌م شورا و په‌رژینی(كۆماری ترس)و به‌زین و هه‌ڵهاتن وخۆبه‌ده‌سته‌وه
دانی سوپای تۆقین و دڕ و هاری
( ئه‌نفاله‌كان) بوو كه‌كوردستانی كردبووه دوورگه‌یه‌كی دابڕاوی جیهان و
ده‌وروبه‌ر و ده‌نگی نه‌ته‌وه‌یه‌كیشی تیا خنكاندبوو.
كۆڕه‌وی خه‌ڵكی كوردستان گه‌رچی
پاشه‌كشه‌ی ڕاپه‌ڕین بوو به‌ڵام كۆتایی نه‌بوو.
تراژیدیای ( كۆڕه‌و) به‌و ئێش و ئازار و ژانه‌وه
كه مه‌رگه‌سات وكاره‌ساتێك چاوه‌ڕوانی بوو
جیهانی ده‌ره‌وه‌ی ناچاری هاوكاری و یارمه‌تی كرد و ئه‌م به‌هاناهاتنه‌وه‌ش
به‌ها پیرۆزه‌كانی ده‌وڵه‌تی عێراقی كرده فه‌رشی ڕاخراو بۆ هێز و ڕێكخراوه
ئه‌وروپی و ئه‌مریكی‌یه‌كان.
ڕاپه‌رین
دووباره‌ی نه‌ورۆزێكی تر
بوو له‌باشووری
كوردستان گه‌رچی بازووی ڕاپه‌ڕین نه‌بووه
كێردی گه‌ردنی ئه‌ژده‌هاكی به‌غداد، به‌ڵام پایه و كۆڵه‌كه‌كانی په‌رله‌مان
و حكومه‌تی هه‌رێمی كوردستانی ئێستا وده‌وڵه‌تی كوردستانی داهاتووی
له‌سه‌ر وه‌ستاوه.
ڕاپه‌رین پاش پانزه ساڵ ناكرێت وه‌ك ساڵانی
سه‌ره‌تا نمایش بكرێت
و بخوێنرێته‌وه. هه‌ڵبه‌ت ڕاپه‌رین و كۆڕه‌و مێژووی كوردستانی دابه‌شی دوو
سه‌رده‌می جیاواز كردوه، به‌ڵام ئێستاو
پاش ڕووخانی یه‌كجاری به‌عس له‌نیسانی 2003 دا ڕاپه‌ڕین له‌ده‌ره‌وه‌ی (
یادكردنه‌وه) كه شانازی نه‌ته‌وه‌یی و
مێژوویی‌یه‌كی پیرۆزی
هه‌موومانه. ده‌كرێت ده‌سه‌ڵاتی كوردی شوێن وه‌ڵامی پرسیاره زۆر و
جیاوازه‌كانی خه‌ڵك و به‌تایبه‌ت( نه‌وه‌ی ئیمڕۆ) بكه‌وێت‌و مه‌ستی ڕابردوو
نه‌بێت به‌ته‌نیا. ئیمڕۆ و نه‌وه‌ی ئیمڕۆ به‌كه‌شكۆڵێك
گله‌یی و ڕه‌خنه و بێ‌نازی له‌ده‌سه‌ڵاتی كوردی سه‌رگه‌ردانی پرسیاره‌كانی ووڵاتێكی
كاسه‌پڕی پڕ كێشه‌یه. ده‌نا چی واده‌كات گله‌یی و گازنده له گه‌نده‌ڵی
لایه‌نه جوانه‌كانی ( سه‌ربه‌خۆ بوونی)
لاكاڵ بكاته‌وه و دایپۆشێت.
ڕاپه‌ڕین
و كۆڕه‌و
تابلۆی
هاوبه‌شی
لایه‌نه‌كان و خه‌ڵكی كوردستانه جا
با ڕه‌نگه‌‌كانی
كاڵ و تێریش بێت.
2006-03-07
|