|
ڕاپه‌رینه‌کانی خه‌لکی له فه‌ره‌نسا ئاسۆ حامدی له‌م رۆژانه‌ی دوای و تائیستا نه‌ک هار پاریس ، مارسیلیا و به ده‌یان شاری تر له فه‌ره‌نسا، له خۆپیشاندان دانی به‌رده‌وام دان، چه‌ندین رۆژه فه‌ره‌نسا به هه‌موو چین و پیکهاته‌کانیه‌و به هه‌موو میلله‌تانی جیاجیا له راپه‌رینی به‌رده‌وام دان، سه‌رمه‌شخه‌ڵی راپه‌رین نه‌وه‌ی نوێ قوتابیان و لاوان له گه‌ڵ هیزی به‌رینی ئیتحادیه کریکاریه‌کان و هه‌موو پارته ئوپۆزیسیونه‌کانن، هاتوونه‌ته سه‌ر شه‌قام بۆ گۆرینی سیاسه‌ت و بریاری سه‌رۆک وه‌زیرانی ئیستای فه‌ره‌نسا سه‌باره‌ت به قانوون کاری نوێ، بریاری قانونکاری نوێی سه‌رۆک وه‌زیران، به‌کورتی خاوه‌نکاران ئازادن له ده‌رکردنی کریکارانی لاو له‌سه‌رکار، ده‌ست ئاوالا کردنی خاوه‌نکار و سه‌رمایه‌داران بۆ ده‌رکردنی کریکارانی نوێ و شانداخزاندنی یان له‌برامبه‌ر گشت داوا و داخوازیه کریکاریه‌کان و مافه‌کانی نه‌وه‌ی نوێ.. ڕاپه‌رین به‌رده‌وامه، ئه‌مه رێک نموونه‌ی گورینی پرۆسێسه‌کانه، ده‌وله‌ت و سه‌رمایه‌داران بریاریان ده‌رکردووه، خه‌لکی نارازین به قرار و بریاره‌کان چونکه له‌به‌رژه‌وه‌ندی گشتی دانیه. خه‌لکی ئازادی خوازو کریکاری فه‌ره‌نسا قانوونی واقعیان ده‌وێ. ئه‌مه ناوه‌رۆکی کێشه‌کانه. لاوان و قوتابیان لێره‌دا ته‌نها نین، گشت هیزه کۆمه‌لایه‌تیه نارازیه‌کانیان له گه‌ڵ دایه. سه‌رۆک کۆماری فه‌ره‌نسا له ته‌له‌فزیۆن پاڕایه‌وه و ووتی ماوه‌ی ده‌رکردنی کریکارانی نوێ له‌لایه‌ن خاوه‌نکاران ده‌که‌ین به ساڵێ و له‌لایه‌کی تری توند و تیژی یاسای بڕیاره‌که لاده‌به‌ین. به‌لام ئه‌مه شفای نه‌وه‌ی دیگۆلی نه‌کرد. لاوان و قوتابیان و کریکاران به سه‌دان هه‌زار رژانه سه‌ر جاده‌کان و داوای هه‌لوه‌شاندنه‌وه‌ی قانوون کاری سه‌رۆک وه‌زیراننیان کرد. له دوایین ئاماری فه‌ره‌نسا به گوێره‌ی رۆژنامه‌کانی هۆله‌ندایی له سه‌دا 40% خه‌لکی له‌فه‌ره‌نسا داوای لابردنی سه‌رۆک وه‌زیرانی ئیستا ده‌که‌ن. ئه‌م هه‌ستانه‌ی خه‌لکی فه‌ره‌نسا بۆ کاریگه‌ر له قانون کاری کۆمه‌لایه‌تی هه‌ستی به‌رده‌وام و هه‌رده‌مه‌یانه، کریکاران و لاوان و قوتابیان له ئه‌وروپا هه‌رده‌م هۆشیارانه مامه‌ڵه له‌گه‌ل ئه‌م پرۆسێسانه ده‌که‌ن. ئه‌گه‌رچی هه‌موو راپه‌ڕینه‌کان به داخه‌وه هه‌ر له مه‌وقعیه‌تی دیفاع داین ، به‌لام مه‌به‌ست له گۆرێنیه‌تی بۆ حاله‌تی هێرشکردن.( ئه‌مه‌ش گرفتی فه‌زای ئه‌نته‌رناسیونالی کریکارانه). فه‌ره‌نساویه‌کان له نێو گه‌لانی ئه‌وروپا وا ناسراون زۆر به ئاسانی شت قه‌بوول ناکه‌ن. به‌لام ئه‌مه ئه‌وه ناگه‌یه‌نێ که‌وا دژی هه‌موو ئاڵوگۆرێکن . به‌لکو نه‌وه‌ی کۆمونارده‌کان به نموونه به هۆشیاریه‌وه له ریفراندۆم بۆ ده‌ستووری ئه‌وروپا وه‌لامی نه‌خیریان دایه‌وه. نوێنه‌ری سه‌رمایه له‌م کاره‌یدا ناتوانێ به‌بێ سه‌رکوت و گرتنی قوتابیان و راپه‌ریوان له هیرشی دوژمنانه نه‌بێ، گیرانی هه‌ر رۆژه‌ی سه‌دان له خۆپیشانده‌ران ئاگری ناره‌زایه‌تی کریکاران و قوتابیان ناکوژێنێته‌وه. به‌لکو ژیله‌مۆی خۆشتر ده‌کات. یاساکانی دیموکراسی و راده‌ربرین، رێگای سه‌رکوتی ئاگرو ئاسنی سه‌رمایه‌دارانی گرتووه، کریکارانی سی،ژ، تی و قوتابیان به‌‌م ئازادیه هۆشدارن. سه‌رکه‌وتنی راپه‌رین له گره‌وی هه‌ماهه‌نگی و یه‌ک ریزی جه‌ماوه‌ری کریکاران و قوتابیان دایه. شاری به‌نده‌ر و ئه‌نته‌رناسیونالی مارسیلیا و پاریسی ئارایش و بۆن به‌رام له نێو ده‌نگی زوڵلاڵی راپه‌رین بۆ چاککردنی پرۆسه‌کانی قانوون کار مێژوویه‌کی سه‌ربه‌رز له نموونه‌ی کۆمونارده‌کان له‌م سه‌ده‌یه تۆمارده‌کات. پاریسیه‌کان له زه‌مانی کۆمونارده‌کانه‌وه تا ده‌گاته ئه‌مڕۆ سه‌ری ڕمی شۆرش و چاککردنی کۆمه‌لگان. ئه‌م مێژووه بۆ فه‌ره‌نسا ده‌ستکه‌وته و هه‌ر ده‌مێنێ.
06 ئه‌پریلی 2006
|
|
|
04/07/2007 |