|
نوسه‌ران و ڕۆشنبیران بۆ ڕه‌خنه له‌ده‌سه‌ڵات ده‌گرن . . ؟ ! م . حه‌مید عه‌زیز ئازادی تاک له‌پێش هه‌موو سیستمه مرۆیی و ڕامیاری و کۆمه‌ڵایه‌تی یه‌کانه چونکه بنچینه‌ی مافی مرۆڤ و پێشکه‌وتن و مه‌ده‌نی یه‌ت له‌سه‌ر ئه‌و بنچینه‌یه کڵێشه ده‌کرێ و به‌و سیستمه کار بۆ تابلۆ جوانه‌کانی خه‌ونی مرۆڤ ده‌کات . نوسه‌ران و ڕۆشنبیران کاریان ڕه‌خنه گرتنه له ده‌سه‌ڵات هۆکه‌ی ئه‌گه‌ڕێته‌وه بۆ چه‌ند خاڵێکی سه‌ره‌کی به‌ڵام هه‌ر چه‌رخه‌و به‌جۆرێ . ئه‌توانین بڵێین خۆ تاڵ کردنی نوسه‌ر لای ده‌سه‌ڵات و گوێ نه‌دان به‌به‌رژه‌وه‌ندی که‌سی ، له‌پێناوی نه‌ته‌وه‌یه ، چونکه نوسه‌رو ڕۆشنبیر دڵسۆزو خه‌مخۆری نیشتمانه زیاتر له ده‌سه‌ڵات ئه‌گه‌رچی ئه‌و ده‌سه‌ڵاته‌ش دیموکراتی بێت . ئه‌وه‌ی که‌پاڵ به‌نوسه‌رێکیشه‌وه ئه‌نێ که بنوسێ ووشه و دنیای هۆشه که‌ئه‌بێته جوانتر بوون و باشتر بوونی خه‌ونه‌کانی ئاده‌میزاد . له‌گه‌ڵ بوونی مرۆڤ چاکه‌و خراپه‌ش سه‌ری هه‌ڵداوه بۆ باشترکردنی چاکه‌کان و نه‌هێشتنی خراپه‌کانیش و پێشبڕکێی ده‌رونی و ڕۆشنبیری لای ئاده‌میزاد دروست بووه ( المنافسة العلمیة او النفسیة ) ، ئه‌م پێشبڕکێیه‌ش له‌پێناوی باشتر بوونی هۆشی مرۆڤه‌کانه و ئه‌و خاڵانه‌ی که نوسه‌رێکیش له‌پێناویا شه‌ونخونی بۆ ئه‌کێشێ و ماندوو ده‌بێ ئه‌و خاڵانه‌یه که‌نه‌ته‌وه‌یه‌ک بۆ ژیان یان ڕۆشنفیکرێک بۆنه‌ته‌وه‌که‌ی شۆڕشی بۆ ده‌کات به‌رامبه‌ر ده‌سه‌ڵات ئه‌و خاڵانه‌ش : 1 – بۆ چاک بوون و باشتر بوونی باری ژیانی خه‌ڵک له‌باری ئابوری و ڕۆشنبیری یه‌وه‌و ژیانی به‌فه‌نتاسی کردن و جوانکاری و مه‌ده‌نی یه‌ت به‌ره‌و باشتر . 2 – بۆ هێنانه‌وه هۆشی ده‌سه‌ڵات و دانانی سنوورێک بۆ دروست بوونی و نه‌ڕوخانی به‌مه‌به‌ستی باش کردنی یان لادانی و هێنانه جێگه‌ی سیستمێکی باشتر بۆ کۆمه‌ڵگاو باشتر کردنی سیستمی به‌ڕێوه بردن له‌ده‌سه‌ڵاتی نه‌خوێنده‌واره‌وه بۆ زاناو پسپۆڕ له‌بواری به‌ڕێوه‌بردندا . 3 – بۆ پێشکه‌وتنی ووڵات و دروست نه‌بوونی دیکتاتۆری یه‌ت و جه‌نگ که‌ته‌نها مرۆڤه‌کان تیایدا زه‌ره‌رمه‌ندن و به‌تایبه‌ت چینی هه‌ژار که‌هه‌میشه له‌چینه تێکۆشه‌ره‌که‌یه . 4 – وه‌ستانی گه‌نده‌ڵی له‌پێناو به‌رژه‌وه‌ندی ووڵات و به‌فیڕۆنه‌دانی به‌روبووم و به‌رهه‌می جوتیارو کرێکارو ڕێز له به‌رهه‌م هێن گرتن . 5 – هێنانه‌دی خه‌ونه جوانه‌کانی هه‌ژاران که زۆرینه‌ی خه‌ڵکه ڕه‌ش و ڕوته‌که‌ی ناو کۆمه‌ڵ گه‌یه و هێنانه‌دی ئاواته‌کانیان . 6 – هه‌وڵدان بۆ یه‌کسانی کۆمه‌ڵایه‌تی و ماف و ئازادی بۆ تاک . 7 – بۆ هه‌وێنی مێژوویه‌کی جوان که سبه‌ینێ نه‌وه‌کان شانازی به‌ئه‌مڕۆوه‌ی بکه‌ن 8 – بۆدروست نه‌بوونی جه‌نگ و ماڵ وێرانی . 9 - بۆدانانی که‌سی شیاو بۆ کاری شیاو . 10 - بۆ سیستمی په‌روه‌رده‌یی نوێ و گرنگی دان به‌منداڵ .
|
|
|
04/07/2007 |