(چاک) یه‌که‌مین کۆنگره‌ی زیندووی خۆی ده‌به‌ستێت

ڕێکخراوی چاک، پاش چوار ساڵ له‌ کار و چالاکی به‌رده‌وام و پاش په‌ره‌سه‌ندن و گه‌شه‌کردنێکی به‌رچاو ، بڕیاریدا ئه‌مساڵ یه‌که‌مین کۆنگره‌ی زیندووی خۆی ببه‌ستێت.

دیاره‌ (چاک) ساڵانه‌ گۆنگره‌ی خۆی له‌ پاڵتۆکدا ده‌به‌ست، به‌ڵام ئه‌مساڵ، پاش به‌ده‌ستهێنانی کۆمه‌ڵێک ده‌ستکه‌وت، له‌ بواری ناساندنی جینۆسایدی گه‌لی کورددا و زیاتربوونی ئه‌رکه‌کانی و گه‌شه‌کردنی به‌ش و کۆمیته‌ و شاخه‌ و لقه‌کانی له‌ سه‌رانسه‌ری جیهاندا،  له‌ کۆبوونه‌وه‌یه‌کی گشتیی ئه‌نداماندا، بڕیار درا که‌ ئه‌مساڵ کۆنگره‌ له‌ وڵاتێکی ئه‌وروپیدا بۆ ماوه‌ی دوو ڕۆژ ببه‌سترێت.

یه‌که‌مین کۆنگره‌ی زیندووی چاک، ئه‌مساڵ له‌ وڵاتی ئه‌ڵمانیا ، له‌ مانگی شه‌شدا، به‌ ئاماده‌بوونی نوێنه‌رانی کۆمیته‌ و به‌شه‌کانی چاک ده‌به‌سترێت و پێشوازی له‌ مێوانانیش ده‌کرێت.

له‌ ڕاگه‌یاندنه‌کانی داهاتوودا ڕوونکردنه‌وه‌ی زیاتر له‌م باره‌یه‌وه‌، ڕاده‌گه‌یه‌نین.

بۆ زانیاری زیاتر په‌یوه‌ندی به‌م ئیمه‌یله‌وه‌ بکه‌ن که‌ تایبه‌ت ده‌بێت به‌ کاروباری کۆنگره‌.

chak_kongre@yahoo.com

ناوه‌ندی هه‌ڵه‌بجه‌ دژ به‌ ئه‌نفالکردن و جینۆسایدی گه‌لی کورد- چاک

‏02‏/05‏/2006

www.chak.info

www.nawandihalabja.com