|
چاک داوای گۆڕینی هه‌موو ئه‌و یاسایانه ده‌کات که‌ئازادی ڕۆژنامه‌گه‌ری به‌رته‌سک ده‌که‌نه‌وه
ماوه‌یه‌که ڕۆژنامه‌نووسانی باشووری کوردستان، به‌بیانووی سوکایه‌تیکردن به‌سه‌رکرده و نادروستی هه‌واڵه ڕۆژنامه‌نووسییه‌کانه‌وه، ڕوو به‌ڕووی گرتن و سزادان ده‌بنه‌وه. سه‌رجه‌م ئه‌م کارانه له‌دادگاکانی کوردستاندا به‌ناوی ڕێزگرتن له‌یاساوه ئه‌نجام ده‌درێن، به‌ڵام ئه‌م یاسایانه، یاسای ڕژێمه داگیرکه‌ره‌کانی عێراقن و زۆربه‌یان له‌سیسته‌مێکی دیکتاتۆریه‌وه سه‌رچاوه‌یان گرتووه. بۆیه ڕیکخراوی چاک، زۆ ر به‌توندی دژ به‌و شیوه‌مامه‌ڵه‌کردنه‌ی ده‌سه‌ڵاتدارانی کوردستانه له‌گه‌ڵ ڕۆژنامه‌نوسان و پێی وایه ئه‌مه فشارێک و چاوترسانێکه بۆ سه‌ر ئه‌و ڕۆژنامه‌نووسانه‌ی قه‌ڵه‌مه‌کانی خۆیان له‌خزمه‌تی گه‌لدایه، نه‌ک حزب.
هه‌ر بۆیه چاک خوازیاره: 1/ په‌ڕله‌مانی کوردستان به په‌له، گۆرانێکی ڕیشه‌یی له زۆربه‌ی ئه‌و یاسایانه‌دا بکات که له سه‌رده‌می ده‌سه‌ڵاتی داگیرکه‌رانی کوردستاندا ده‌رچوونه، چونکه سه‌رجه‌م ڕژێمه‌کان ئه‌و یاسایانه‌یان له‌خزمه‌تی بیری دیکتاتۆریانه‌ی خۆیان داڕشتووه. 2/ ئه‌گه‌ر یاسا به‌ر قه‌راره له کوردستان ، با یاسا له‌سه‌ر هه‌موو تاکێکی کۆمه‌ڵ ، به‌سه‌رکرده‌سیاسیه‌کانیشه‌وه، په‌یره‌و بکرێت. 3/ چاک جارێکی تریش داوا له‌په‌ڕله‌مان و حکوومه‌تی کوردستان ده‌کات، که سه‌رجه‌م تاوانباران، هه‌ر له ئه‌نفالچی و فایلدار و ئه‌وانه‌ی داهاتی خه‌ڵکی کوردستانیان بۆ قازانجه تایبه‌تیه‌کانی خۆیان به‌کار هێناوه، بدرێنه دادگا. ئێمه له‌ڕێکخراوی چاک، پێمان وایه، ئازادبوونی ئه‌و تاوانبارانه، گه‌وره‌ترین سوکایه‌تیکردنه به‌خه‌ڵكی کوردستان و تا ئه‌وان ئازاد بن نا‌توانین باس له سه‌روه‌ری یاسا له‌کوردستاندا بکه‌ین. ناوةندي هةلَةبجة دذ بة ئةنفالكردن و جينؤسايدي طةلي كورد-ضاك 05/05/2006 www.chak.info chak_org@yahoo.com
|
