|
(
به‌شی دووه‌م )
قه‌یرانی ده‌روونی :
مرۆڤ له جه‌سته‌و ده‌روون پێکهاتووه ،ده‌روون بریتی یه
له‌و هێزو خواست وئاره‌زووه شاراوانه‌ی ناو جه‌سته ، هه‌موو
خۆشی و ناخۆشی یه‌کان ، هیوا و نائومێدی ، خۆشه‌ویستی و ڕق و
کینه ، ئارامی و بێزاری ، به‌خشنده‌یی و خۆپه‌رستی ، تووڕه
بوون و هه‌ڵچوون و... ده‌که‌وێته ناو جیهانی ده‌روونه‌وه.
بیرورای زانایانی ده‌روون زانی له سه‌ر بنه‌ماو چۆنیه‌تی
مه‌سه‌له ده‌روونی یه‌کان جیاوازه ، هه‌ندێک بۆ ماوه
(وراثت) وهه‌ندێک ژینگه‌و ده‌وروبه‌ر ، قوتابخانه‌ی دیکه‌ش
په‌روه‌رده‌و فێرکردن ، به هۆکاری سه‌ره‌کی ده‌زانن له
گه‌شه‌و چه‌سپاندن و به‌هێزی به‌شێک و سستی له به‌شێکی تردا .
گرنگ
ئه‌وه‌یه کارو کاردانه‌وه‌ی ئاده‌میزاد ، ده‌بێته گۆرانکاری
له به‌شه جیاجیاکانی سیسته‌می ده‌روونی و که‌م تا زۆر له
سه‌ر جه‌سته‌ی خۆی و ده‌ورو پشته‌که‌ی کاریگه‌ری به‌جێ
ده‌‌هێڵێت ، که خۆشی یان ناخۆشی ، باشی یا خراپی لێکدانه‌وه‌ی
تایبه‌ت ده‌خوازێت.
ئه‌وه‌ی ئێستا جه‌ختی له سه‌ر ده‌که‌مه‌وه باس کردنی
ده‌روونی مرۆڤی کۆچ کردووی کورده بۆ ده‌ره‌وه‌ی ووڵات ،
پیشاندانی لایه‌نه زه‌قه‌کانی دونیای ناوه‌وه‌ی که له هه‌ڵس
وکه‌وتی ڕۆژانه‌یدا به شێوازی تر خۆی ده‌نوێنی! ..
هه‌مووان ده‌زانین دوژمنی داگیرکه‌ر له مێژه‌وه تاکو ئه‌مڕۆ
،ئه‌وه‌ی له ده‌ست و هزریدا بووه به زیاده‌وه دژی خاک
وگه‌لی کورد ئه‌نجامی داوه ، ئه‌وه‌ی که نه‌یکردووه هێزی
به سه‌ریدا نه‌شکاوه ، ئه‌گینا کێ هه‌یه وه‌ک کورد شاڵاوی
مه‌رگ و وێران کاری له هه‌موو بوارێکدا به‌سه‌ریدا رژا
بێت؟!.هه‌ر لێره‌وه بڕوانه ناو جیهانی ده‌روونی ئه‌و
خه‌ڵکه‌ی ناوی کورده ، له‌و ڕۆژه‌ی له دایک ده‌بێت تا
مه‌رگی جه‌سته‌یی کۆتایی پێدێنێت له چ
ژیانێکدایه! خۆ به گوێره‌ی ڕای زانایانیش بێت به هه‌موو
تیۆری یه‌ک، کورد له ڕووی ده‌روونیه وه گشت زامێکی سه‌خت و
قوڵ و به‌ژانی تووش بووه، ده‌ربازبوون و چاره‌سه‌رکردنی
کارێکی وا ئاسان نی یه!، سامناک تر له‌وه به‌ره‌و ژینگه
وکۆمه‌لگایه‌کی تر کۆچ بکات و رۆژانی ته‌مه‌نی له گه‌ڵ
خه‌ڵکێکدا به سه‌ر ببات که له هه‌موو ڕوویه‌کی ژیانه‌وه
له یه‌ک جیاواز بن.!
کوردانی په‌نابه‌ر به ووڵاتانی ڕۆژئاوا ، به‌و نیازه به‌ره‌و
تاراوگه ده‌ڕۆن که ئاسووده‌یی بۆ خۆیان و خێزانه‌کانیان
مسۆگه‌ر بکه‌ن ، بێ ئاگا له‌وه‌ی ده‌روون و هه‌ناویان به
جۆرێک تێک شکێنراوه ته‌نها ڕاکردن و نیشته‌جێ بوون له
گۆشه‌یه‌کی دیکه‌ی گۆی زه‌مین، تیمارکه‌ری زامه‌کان نی یه و
ناتوانێت ئاسووده‌یی ده‌روونی ببه‌خشێت،! نموونه‌ی زیندوومان
زۆربه‌ی کوردانی هه‌نده‌رانه که دوای ته‌مه‌نێک ژیانی
غوربه‌ت ، گلله‌ییان له به‌ختی خۆیانه،! تاکو ئه‌مڕۆ
سیماکانی ده‌ردو ژان به نێوچاوانیانه‌وه‌یه ، له
قه‌یرانێکدا شه‌وو رۆژ ده‌به‌نه سه‌ر بۆ خۆشیان جێگای سه‌ر
سوڕمانه!.. ئه‌مانه له ناو ئاگرو ئاسندا چاویان هه‌ڵهێناوه
، یاسای قه‌ڕه‌قوشی به سه‌ریاندا حوکمی کردووه!، له هه‌موو
مافێکی سه‌ره‌تاییش بێ به‌ش بوون!، زیندان و ئازارو له
سێداره دان به‌شیان بووه،خه‌ڵکانێک فه‌رمان ڕه‌واو
به‌رپرسیاریان بوون که له ڕووی ده‌روون زانی یه‌وه
کاراکته‌ری دژه مرۆڤ له ناخیاندا چه‌سپاوه و به کوردی
خۆمان گورگی دوو پێ بوون!.
له
رۆژئاواش کوردی مه‌نفا هه‌مان ده‌روونی پڕ له ته‌نگژه‌ی
له‌گه‌ڵدایه ،سه‌ره‌ڕای ئه‌وه‌ی خودی کۆچ و ژیانی دووری بۆ
هه‌موو که‌سێک له هه‌ر میلله‌ت و ڕه‌گه‌زێک بێت ،ده‌ردی
تایبه‌تی دروست ده‌کات ،که بۆ کوردان به‌سۆتره!، ئالێره‌وه
ئه‌و ڕاستی یه حاشا هه‌ڵنه‌گره خۆی نیشان ده‌دات که ووزه‌و
توانای ڕێژه‌یه‌کی زۆری کورد له هه‌نده‌ران له ده‌ست
ده‌ده‌ین ، چونکه به‌بێ ده‌روونێکی ئارام و ساغ هیچ که‌سێک
ناتوانێت کاره‌کانی خۆی به باشی ڕاپه‌ڕێنێت. بۆ ئێمه‌ی کوردیش
له ده‌ست دانی سه‌رمایه‌یه‌کی به‌نرخ و پڕ به‌های ده‌ره‌وه
هه‌روا بچوک و ساده نی یه و حکومه‌تی کوردستان له
به‌رامبه‌ریدا به‌رپرسیاره.
hushyarosman@yahoo.de
|