|
ماردین ڕه‌شید
Mardin82@hotmail.com
ساڵ له
لای من
پێک
نه‌هاتووه له چوار وه‌رز
ساڵی من
سه‌ده‌ها وه‌رزه
وه‌رزه‌کانیشم هه‌ر هه‌موو
ده‌ستکردی
یه‌ک خوداوه‌ندن
نیگای
ئه‌و بۆ من وه‌رزێکه
نێزیک
بوونه‌وه‌ی لێم وه‌رزێک
دوورکه‌وتنه‌وه‌شی وه‌رزێکه
په‌نجه‌کانی و جووڵه‌کانیان
ئه‌مخه‌نه وه‌رزێکی نوێوه
ده‌نگی
وه‌رزێکی گه‌رم و
بۆنیشی
وه‌رزێکی فێنکم
نیشان
ده‌ده‌ن
پێکه‌نینی
ئه‌و وه‌رزێکه
تووڕه
بوونیشی یه‌کی تر
بێده‌نگیی
وه‌رزێکی تایبه‌ت
ووشه‌کانیشی هه‌ر یه‌که‌و
وه‌رزێکی
نوێن
ماچه‌کانی
وه‌رزێکن و
هه‌ناسه‌کانیشی وه‌رزێک
خه‌مه‌کانی وه‌رزێکی سه‌خت
ترسه‌کانی
وه‌رزه‌کی سارد
فرمێسکه‌کانی وه‌رزێکن
دڵۆپه‌ی
ئاره‌قه‌کانی یه‌کێکی تر
له
نووستنیا هه‌ناسه‌و
جووڵه‌و
خورپه‌و
خه‌ونه‌کانیشی
هه‌ریه‌که وه‌رزێکه بۆ خۆ
وه‌رزی
شیرین....ئه‌فسووناوی
زه‌مه‌ن
لای من مانایه‌کی دیکه‌ی هه‌یه
جیاواز
له‌وه‌ی که ئه‌یزانین
له لای
من چرکه‌ی وا هه‌یه
ساڵانێکه
به‌ده‌وامه
ئه‌و
چرکانه‌ی
که
تیایدا یه‌کمان ڕوخاند و
ئه‌و
چرکانه‌ی
که
یه‌کمان تیا دروستکرده‌وه
ئه‌وانه‌ی
که بێ ده‌نگ بووین تیای
له‌وانه‌شدا
که
گوێمان ده‌گرت له ترپه‌ی دلی یه‌کتر
لای من
باران......هه‌تاو
زایین و کۆچ
به‌فر......گه‌نم
گۆیژو بۆنی خۆڵی ته‌ڕ
له
هه‌موو وه‌رزێکا هه‌نه
له
ووڵاتی من
باڵنده
کۆچه‌ریه‌کان
ساڵی
سه‌دان جار کۆچ ئه‌که‌ن
سه‌دان
جاریش ئه‌گه‌ڕێنه‌وه
هه‌ر
دره‌ختێک له باخچه‌ی من
لقێکی وا
خه‌زانیه‌تی
لقێکی
کلۆیه‌ک به‌فری له‌سه‌ر جێماوه
لقێکی
که‌ی هه‌نووکه چرۆ ده‌کات و
یه‌کێکی
دیش میوه‌یه‌کی به‌هه‌شتی گرتووه
ئه‌و
خواوه‌ندی وه‌رزه‌کانمه
وه‌رزی
یه‌ک له یه‌ک
شیرینتر.......ئه‌فسووناوی
|