|
بزووتنهوهی خوێندکاری کورد وه‌کوو ویژدانی کۆمه‌ڵگا و به‌شێک
له بزووتنهوهی رزگاریخوازی کوردستان هه‌ر له سه‌رهتای
پێکهاتنیه‌وه تایبه‌تمه‌ندیێکی ئامانج خوازانه و به دوور له
هه‌ر جۆره به‌رژهوه‌ندی و قازانجێکی مادی هه‌بووه. لهمێژه
ئه‌م تایبه‌تمه‌ندییه بۆته هۆی وروژاندنی که‌سانێک و تاقم
گه‌لێک که ده‌یانهه‌وێ خوێندکار بکه‌ن به ئامێرێک بۆ گه‌یشتن
به ئامانجه مادی و باندێکانی خۆیان. ئامانجی ئێمه لێره‌دا
لێکدانه‌وه و باسکردنی ئه‌م ده‌س تێوه‌ردان و هۆکاره‌کانی
نیه. به‌ڵکوو مه‌به‌ست باس کردن له دوایین نموونه‌ی
ده‌ستێوه‌ردانی تاقمێکی نامه‌سوول واته "جامعه کردهای مقیم
مرکز"ه.
ده‌ستێوه‌ردانی تاقمی "جامعه کردهای مقیم مرکز" که هیچ
چه‌شنه به‌رپرسیارێتێکی سه‌باره‌ت به نێو و ئامانجه‌کانی
دامه‌زراندنی نیه. به شێوه‌یه‌ک که ئه‌م شوێنه بۆته
بنکه‌یه‌ک بۆ په‌ره‌پێدانی روانگه‌یه‌کی سوننه‌تی له کوردی
پاستۆرێزه، به پێناسه‌یه‌کی پانئێرانیستی، که خۆی ته‌نیا
وه‌ک که‌مینه‌یه‌ک ته‌نیا له لیباس، مۆسیقا، گۆرانی، سنوور
پارێزی نه‌سره‌وتوو و .... دا ئه‌بینه‌ته‌وه. ئه‌م شوێنه به
شێوه‌یه‌کی ناراسته‌وخۆ بۆته هۆی چه‌واشه و دابه‌زاندنی
خواست و مافه‌ره‌واکانی بزووتنهوهی رزگاریخوازی کورد بۆ
چه‌شنێک له (محافظه‌کاری) و چه‌مکێکی فۆلکلۆریک.
هه‌ر وه‌ک ئاگادارن له به‌هاری 83 دا فستیڤاڵی مۆسیقای کوردی
له لایه‌ن خوێندکارانی زانکۆی به‌هه‌شتیوه بهرێوه چوو.
هه‌ر چه‌ند گێڕانه‌وه‌ی چۆنیه‌تی وه‌رگرتنی موجه‌وز و
ده‌رده‌سه‌ریه‌کانی به‌رێوه‌بردنی ئه‌م پڕۆگرامه خوێندکاریه
چ له باری ئابووری و چ له بابه‌ت ماوه‌ی جێبه‌جێ کردنی
لێره‌دا مه‌به‌ست نیه به‌ڵام چه‌ند روونکردنه‌وه‌یه‌ک
پێویسته.
1-
کێشه‌ی ئابووری و لاوازی شێوه‌ی بهرێوه به‌رایه‌تی
پرۆگرامه‌که بوو به هه‌ڵێک بۆ ده‌س تێوه‌ردانی که‌سێک به
ناوی (مصطفی.ر)
خوێندکاری پزیشکی. که دواتر ده‌رکه‌وت ناوبراو سه‌ر به
ده‌زگا ئه‌منیه‌تێه‌کانه و به‌ره‌خنه کردن له نێو
خوێندکاران بوو به هۆی گه‌نده‌ڵی ماڵی و به‌لاڕێ دابردنی
فستیڤاڵه‌که، که له دێره‌کانی داهاتوو دا زیاتر باسی لێ
ده‌کردرێ. هه‌روه‌ها بوو به هۆی ئاسته‌نگ کاری حه‌راسه‌تی
زانستگا له به‌ڕێوه‌بردنی پرۆگرامه‌که.
2-
له‌و نێوه‌دا ئه‌نستیتۆ فه‌رهه‌نگی کوردیش به یارمه‌تی "مصطفی.ر"
ده‌یه‌ویست به‌ڕێوبه‌رایه‌تی فستیڤاڵه‌که به نێوی خۆی
تۆمارکا. هه‌ر چه‌ند که خوێندکاران پێشیان به چاپ و بڵاو
کردنه‌وه‌ی پۆستێڕی ئه‌نستیتۆ گرت به‌ڵام له ئاخری
پرۆگرامه‌که دا لهوحی تهقدیری فستیڤاڵ، که خوێندکاران بۆ
سوپاس و پێزانین له هونهرمهندان دابینیان کردبوو، له لایان
ناو براوهوه درا به "بهرام ولدبیگی" بوو به هۆی نارهزایی
ودهنگ ههڵبڕینی خوێندکاران.
3-
له ههموویان دڵته‌زێنتر، رۆڵی "جامعه کردهای مقیم مرکز"
بوو. که به رواڵه‌ت هاتبوون تا له‌م ره‌و‌شه نالهباره‌دا
یارمه‌تی خوێندکاران بده‌ن، به‌ڵام ئه‌وانیش بوون به
له‌مپه‌ڕێک له‌به‌رده‌م خوێندکاران.
له حاڵیکدا پێشتر بڕیار وا بوو که ڤه‌شانی ئه‌م
CD
و فیلمانه له‌لایان خوێندکاران و به
یارمه‌تی "جامعه کردهای مقیم مرکز" بێت و له‌ماوه‌ی ئه‌م
دووساڵه‌دا خوێندکارانی زانکۆی" به‌هه‌شتی" زۆریان هه‌وڵدا تا
فیلم و
CD
كانی ئه‌م پرۆگرامه راده‌ست که‌نه‌وه، به‌ڵام به داخه‌وه
"جامعه کردهای مقیم مرکز" ده‌ستیان به‌سه‌رفیلم و
CD
كانی پرۆگرامه‌که داگرت، ئیستاش گه‌ره‌کیانه بۆ پرۆپاگاندا و
ناساندنی خۆیان که‌ڵکی لێ وه‌رگرن.
دوایین هه‌وڵی خوێندکاران بۆ ئه‌م مه‌به‌سته، له‌گه‌ڵ
دژه‌کرده‌وه‌ی ناله‌بار و سووکایه‌تی پێکردن به خوێندکاران
له‌لایه‌ن یه‌کێک له به‌رپرسانی "جامعه کردهای مقیم مرکز"
به‌ناوی "مهندس جمال طه" رووبهڕوو بووه.
ئیمه وه‌ک خوێندکارانی کوردی زانکۆی "به‌هه‌شتی"
بڵاوکردنه‌وه‌ی هه‌ر چه‌شنه به‌رهه‌م و فیلم و وێنه‌یه‌ک له‌م
فستیڤاڵه به بێ ره‌زامه‌ندی خوێندکاران وه‌ک به‌تاڵان بردنی
به‌رهه‌می هه‌وڵ و تێکۆشانی خوێندکاران ده‌زانین.
ئه‌م ئه‌زموونه تاڵه ئێمه‌ی هاندا که چیتربێ ده‌نگ
دانه‌نیشین و خوێندکارانی شوێنه‌کانی دیکه و به‌تایبه‌ت
زانکۆکانی تاران ئاگادار که‌ینه‌وه که ئه‌م جۆره
رێکخراوانه و هاوکاری کردن له گه‌ڵ ئهوان به ته‌نیا و
ته‌نیا له ناوبردنی سه‌ربه‌خۆیی بزووتنهوهی خوێندکاری و
به‌لاڕێدا بردنی ئامانجه‌کانی ئه‌م بزووتنه‌وه یه‌ی
به‌دواوه‌یه.
خوێندکارانی
کوردی زانکۆی به‌هه‌شتی (تاران)
30/2/1385
|