|
وه‌زیری
مافی مرۆڤی حکومه‌تی هه‌ریمی کوردستان ڕۆژی یه‌ک شه‌مه
له‌م هه‌فته‌یه‌دا پیشوازی کرد له وه‌فدێکی کۆمیسونی باڵای
په‌نابه‌ران له نه‌ته‌وه یه‌کگرتووه‌کان (جان ڤیردو )
لیپرسراوی یه‌که‌می کۆمیسونی باڵای عیراق و ( مارک رۆنگرز )
لیپرسراوی باکورو ( چارلز پیپچ ) لیپرسراوی ئه‌منی و فه‌رهاد
سامی به‌ڕیوه‌به‌ری کۆمیسون له هه‌ریمی کوردستان له
کوبونه‌وه‌که‌دا باس له ڕه‌وشی په‌نا به‌ران کرا و وه‌زیری
مافی مرۆڤ باسی ئه‌وه‌ی کرد که ڕۆژانه به ڵیشاو هه‌زاران
خێزانی عه‌ره‌ب ڕوو ده‌که‌نه هه‌ریمی کوردستان ئه‌مه‌ش
بووته هۆی کێشه‌یه‌کی گه‌وره له‌ڕووی ئابوریه‌وه و
هاتنیش ڕوژانه به‌رده‌وامه و داوای کرد له شاره‌کانی
کوردستان که‌مپ بکرێته‌وه بۆ چاره‌سه‌ری ئه‌م کێشه‌یه ،
به‌ڵام وه‌فده‌که به‌م پێش نیاره ڕازی نه‌بوو و ، ته‌نها
ڕه‌زامه‌ندیان کرد به دابین کردنی لایه‌نه مڕوییه‌کان..!!
ڵیره‌دا
مه‌به‌ستم له‌م ڕه‌وشه ترسناکه‌یه ئه‌وه‌یه که
چاره‌نووسێکی خراپ چاوه‌ڕوان ئه‌کرێت تووشی هه‌ریمی کوردستان
ببێت له دوا ڕۆژدا ، به پێ ئامارو سه‌رچاوه‌کان که‌باسی
هاتنی خێزانی عه‌ره‌ب ئه‌کات ته‌نها مانگی ته‌موز زیاتر له
په‌نجا هه‌زار که‌س هاتونه‌ته ناوچه‌ی سلێمانی ئه‌مه جگه
له شاره‌کانی هه‌ولیر و دهوک و ناوچه‌کانی تر که ئاماریان
بوو نه‌کراوه تا ئێستا ، بوویه ئه‌م هه‌ڵویسته چاوه‌ری
ئاکامی خراپی لی ئه‌کرێت ، کیشه‌کانی خه‌لکی کوردستان دوای
پروسه‌ی ئازادی عێراق ، له‌نه‌بوونی کاره‌با و ئاو و بێ
ئیشی و هه‌ڵاوسانی باری ئابووری زیاتر به‌ره‌و ئاڵۆزی و بێ
هیوایی ده‌بات ..!!
ئاکامه‌کانی ئه‌م ڕه‌وشه‌ش له‌م دوایه‌یانه‌دا به ڕونی
ده‌بێنرێت ، سه‌ر هه‌ڵدانه‌وه‌ی کوچی گه‌نجان به‌ره‌و
هه‌نده‌ران و دروست بوونی کیشه‌ی ئابوری و بێ ئیشی و
نه‌بوونی سووته‌مه‌نی وکه‌مبوونه‌وه‌ی پێدانی ڕیژه‌ی کاره‌با
و پیدانی که‌می ئاوی پیویستی ڕوژانه و بیزاری خه‌لک و
خۆپیشاندان له‌زۆر ناوچه‌ی کوردستان بۆ مه‌به‌ستی دابین
کردنی ئه‌م پێداویستیانه‌ی ژیانی ڕۆژانه‌ی خه‌ڵکی به
ڕونی ئاشکرایه که کاردانه‌وه‌ی ئه‌م هه‌ڵویستانه‌ن و
نمونه‌ی ئه‌مانه‌ن بۆیه پێم وایه له‌م کاته‌دا کوچی خیزانه
عه‌ره‌به‌کان به‌م ژماره زۆره به‌ره‌و ناوچه‌و
شاره‌کانی کوردستان هویه‌کی سه‌ره‌کیه له دروست بوونی
ئه‌م کێشانه و له‌وانه‌یه ئاکامی خراپتری لێ
بکه‌ویته‌وه ، ماوه‌ی زیاتر له ١٢ ساڵ بوو کوردستان وه‌ک
هه‌رێمێکی سه‌ربه‌خوو و جیاواز له عێراقی بن ده‌ستی ڕژێمی
سه‌دام و دور له‌چاوی بیگانه نمونه‌یه‌ک و هیوایه‌کی گه‌ش
بوو و تا ڕاده‌یه‌کی باش خه‌لک به‌ئارامی و هیواوه
ئه‌ژیان و باری گوزه‌ران ڕوو له باش بوون بوو له‌گه‌ڵ
ئه‌وه‌ی به‌شێک له هه‌رێمی کوردستان هیشتا ئازاد نه‌کرابوو
له ژیر چنگی ڕه‌شی به‌عس ، به‌ڵام دوای پڕۆسه‌ی ئازادی
عێراق له ماوه‌ی ئه‌م ٣ ساڵه‌ی دوایی دا که
هه‌رێمی کوردستان به ڕه‌زامه‌ندی خۆی و به‌شیوه‌یه‌کی
فه‌رمی جاریکی تر گریدرایه‌وه له‌گه‌ڵ عێراق به
به‌راوه‌کردن له‌گه‌ڵ پێشو تر که باسمان کرد تووشی ئه‌م
نه‌هامه‌تی و گیرو گرفتانه بووه ..!!
کورد
به دریژایی میژوو بن ده‌ست و پارچه پارچه کراو زوڵم
لیکراو بووه‌و به دریژایی مێزوو ئاواره‌و ده‌ربه‌ده‌ر بوه
له‌سه‌ر خاکی خۆی هیج که‌سێک لای لێ نه‌کردوته‌وه‌و
هه‌میشه له هه‌ر پارچه‌یه‌کی کوردستانا بووبێت به‌هاوڵاتی
ده‌رجه دوو دانراوه‌و هه‌لسوکه‌وتی له‌گه‌ڵ کراوه له
باشوردا له دیر زه‌مانه‌وه ته‌عریب کراوه‌و کلتورو ئه‌ده‌بی
لی قه‌ده‌غه کراوه‌و له به‌شه‌کانی تردا به‌زمانی خۆی
نه‌یتوانیوه بئاخفی له ده‌سپێکی شاڵاوه‌کانی سه‌رده‌می
ئیسلامیته‌وه هه‌موو کاتێک فه‌وتان و ماڵ ویرانی ڕووی تێ
کردوه‌و به زه‌بری شمشیر کراوه به ئیسلام ، ماوه‌ی زیاتر
له ٥٠ ساڵه که‌رکوک و چه‌نده‌ها ناوچه‌ی تری کوردستان
ته‌عریب و ته‌بعیس ئه‌کرێت و کوردی ئه‌م ناوچانه ده‌ربه‌ده‌رو
ئاواره ئه‌کرین و به ناهه‌مواری ژیانیان له‌ژیر چادرو ناو
معسکه‌رو خانوی قورۆ ژیر جه‌مالون بردوته سه‌ر له دوای
گه‌ڕانه‌وه‌شیان بۆ ناوچه‌کانی خۆیان ئێستاش زۆربه‌یان هه‌ر
به‌م جوره ماونه‌ته‌وه له خاکی خوشیاندا هه‌ر ئاواره‌ن
نمونه‌ی ئه‌مانه‌ش هه‌زاران ماڵه کوردی که‌رکوکی ناو معسکر
خالد و هه‌زار عه‌لی و یاریگای که‌رکوکه . ئه‌ی بۆچی هه‌تا
ئێستا له لایه‌ن حکومه‌تی عێراقه‌وه هیچ حسابێکیان بۆ
نه‌کراوه‌و وا خه‌ریکین ئه‌گه‌ینه مانگه‌کانی کوتایی ساڵی
دوو هه‌زارو شه‌ش که بریار وابوو له‌م ساڵه‌دا بریاری
سه‌دو چل جێبه‌جێ بکرێ ، به‌ڵام له‌لایه‌کی تره‌وه به
پێچه‌وانه‌وه عه‌ره‌ب ڕیزیان ڵی بگیرێت و به بیانوی
ئه‌وه‌ی ناوچه‌کانی خوارو ناوه‌ڕاستی عێراق نائارامه ئاوا
به ڵیشاو ڕووبکه‌نه شاره‌کانی کوردستان و به‌م
شیوه‌یه ریگایان پێ بدرێت زه‌وی وخانوو ماڵ ودوکان و
ریستورانت بکڕن و له‌سه‌ر حسابی خه‌لک بژین و ببنه هۆی
ئه‌م نه‌هامه‌تی و بارگرانی و هه‌ڵاوسانی باری ئابوری و
ئاڵوزیه ، ئایا گوناهی خه‌لکی کوردستان چیه عه‌ره‌ب خۆیان
یه‌کتر ده‌ربه‌ده‌ر ئه‌که‌ن و شه‌ری تایه‌فگه‌ری له نیوان
سونه و شیعه به‌رپا بووه ، ئه‌گه‌ر که‌مێک ئاوڕ له
ساڵانی ڕابردوو بده‌ینه‌وه هه‌ر ئه‌مانه نه‌بوون ده‌ستیان
له خۆینی خه‌لکی بێ تاوانی کوردستانابوو ، کورد گه‌لیکی
دڵ ساف و به‌به‌زه‌یین هه‌ر زوو هه‌موو کاره‌سات و
ناخۆشیه‌کانمان له بیر ئه‌چێته‌وه ، خۆینی به‌ناهه‌ق ڕژاوی
به هه‌زاران شه‌هید ، زامی ئه‌نفال و جینوساید و کیمیاباران
، خۆینی ئه‌و گه‌نجانه‌ی که به ڕۆژی ڕوناک ئه‌درانه به‌ر
ده‌ست ڕیژی گوله به به‌ر چاوی خه‌لکه‌وه له
شاره‌کانی کوردستاندا کوا ..؟؟
هاتوون
بۆ کوردستان خه‌لک فیری ارهاب و ته‌قینه‌وه‌و توقاندن
بکه‌ن کلتوریان تێکه‌ڵاو کلتورمان بکه‌ن باشه کێ
به‌رپرسیاره و زامنی هاتنی ئه‌مانه ئه‌کات ، گفت و
چاوپیکه‌وتنی که‌ناڵ ومیدیاکان به‌رپرسان هیچ جوره باوه‌ڕو
قه‌ناعه‌تێک لای من دروست ناکات که به ڕوژانه باس له‌م
هاتنه ئه‌که‌ن ، هه‌مووی قسه‌ی کاتیه‌و سودی نیه
ده‌رنجامێکی خراپی لێ ده‌که‌ویته‌وه ، بۆیه قه‌ناعه‌ت به‌و
قسانه ناکه‌م که ئه‌ڵێن هاتنی عه‌ره‌ب بۆ کوردستان ته‌نها
په‌یوه‌سته به‌باروو دوخه‌که‌وه‌و کاتیه ، ڵیره‌دا ته‌نها
خاوه‌نی نووسینگه و دوکانی خانوو زه‌وی فروشه‌کانه که ڕی
دراون ببنه که‌فیلی هه‌ر خێزانێکی عه‌ره‌ب که دینه
شاره‌کانی کوردستانه‌وه به‌رامبه‌ر چه‌ند سه‌د دوڵاریک
ضمیری خۆیان به ئاسانی ئه‌فروشن سودیان لێ وه‌رئه‌گرن
خانوو شوێنی نیشته‌جیبوونیان بۆ دابین ئه‌که‌ن ، ئایا کێ
زامنی ئه‌وه ئه‌کات ئه‌کات ئه‌مانه مرۆڤی چاکن و پیاو خراپ
و گیره شوینیان تێدا نیه و بۆ مه‌به‌ستی تایبه‌ت گیره
شوێنی نه‌هاتوونه‌ته کوردستانه‌وه ، بۆ نموونه له
خۆپیشاندانی ئه‌م دواییه‌ی شاروچکه‌ی که‌لاردا به پێ
هه‌واڵه‌کان شه‌ش عه‌ره‌ب ده‌ستگیر کراون ، ئه‌و
عه‌ره‌بانه‌ی که دێن زۆری ئافره‌ته‌کانیان کاری نابه‌جی
و له‌ش فروشی ئه‌که‌ن که‌ئه‌مه‌ش کاریگه‌ریتی نیگه‌تفی هه‌یه
بۆ سه‌ر گه‌نجان ، له لایه‌کی تره‌وه وادیاره ئه‌و شوقه‌و
ئه‌پارتمه گه‌ورانه‌ی که له کوردستان دروست ئه‌کرێ له
سلێمانی و هه‌وڵیر و دهوك ، زۆربه‌ی بۆ برا
عه‌ره‌به‌کانمانه ، هیشتا کورد له‌هه‌وڵی خۆ ڕزگار کردنی
ته‌عریبی که‌رکوک و ناوچه‌کانی تری کوردستان دایه ،
به‌ڵام بێ ئامانجه و ڕوژانه سه‌دان خێزانی عه‌ره‌ب ڕوو له‌م
ناوچانه ده‌که‌ن به مه‌به‌ستی نیشته جێ بوون ئه‌مه چگه
له‌وه‌ی له‌وه‌ی له زۆربه‌ی شارو ناوچه‌کانی
عێراقدا
له‌دوای پڕوسه‌ی ئازادی وه به‌هه‌زاران خێزانی کورد
ده‌ربه‌ده‌ر کراون و خانوو موڵکیان لێ داگیر کراوه وه‌ک
له ناوچه‌کانی ( فه‌لوجه ، رومادی ، حویجه ، موسڵ ) بگره
له زۆر شوینی شاری به‌غداش ئه‌م کاره قێزوانه به
به‌رده‌وامی په‌یره‌و ئه‌کرێ و وه به‌رده‌وامیشه ، ئه‌م
کوردانه‌ش چه‌نده‌ها ساڵه له‌م ناوچانه له‌گه‌ڵ دانیشتوانی
عه‌ره‌بی ئه‌م شوینانه وه‌ک که‌س و براو دراوسی پیکه‌وه
ژیاون ، پرسیار ڵیره‌دا ئه‌وه‌یه ئایا بۆچی ئه‌م
هه‌ڵویسته له‌گه‌ڵ کوردان ئه‌کرێ ، ماوه‌ی زیاتر له ساڵیکه
ته‌نها کوردێک ناتوانێ به‌ته‌نها بچێته شارێک
له‌شاره‌کانی ناوه‌ڕاست و ناوچه‌کانی تری عێراق چونکه
تیڕور ئه‌کری، ڵیره‌دا مه‌به‌ستم ته‌نها به‌راورد کردنێکی
بچوکه له‌گه‌ڵ شاره‌کانی کوردستان ، که چوون له کاتی ئه‌م
باره ئاڵوزه‌دا کوردستان بووته ناوچه‌یه‌کی ئارام بۆ
عه‌ره‌به‌کان و باوه‌شی بۆ کردونه‌ته‌وه ، ئه‌مجاره‌یان
ته‌عریب به شێوه‌یه‌کی تر سه‌ری هه‌ڵداوه ، ئه‌مجاره‌یان
له‌سه‌ر حیسابی ژیان و گوزه‌رانی خه‌لکه ئه‌مجاره‌یان
ته‌عریبی کوردستان به شێوازیکی تره‌و دوژمن
به‌رامبه‌رمان نایکات ، به ده‌ستێ خۆمان ته‌عریبی کوردستان
ئه‌که‌ین ، بۆیه ئه‌بێ حکومه‌تی هه‌ریمی کوردستان و به‌ر
پرسان و سه‌رکردایه‌تی کورد باش بیر له‌م کاره بکه‌نه‌وه‌و
هه‌ڵویستی شیاو وه‌ربگرن و چاره‌سه‌ری گونجاوی بۆ بکه‌ن ،،
ئه‌گینا کار له کار ئه‌ترازی و کونتروڵ ناکرێت . کوردستانمان
له ده‌ست ئه‌چێت ..!!!
سوید هاوینی / ساڵی دوو هه‌زارو
شه‌ش
|
