داواکاری له کهمپینی ( دادگایی کردنی موستهشارو ئهنفالچیهکانی کوردستان )بۆبهڕێزان :

مهکتهبی سیاسی و سهرکردایهتی و کۆمیتهی ناوهندی

یهکێتی نیشتمانی کوردستان

پارتی دیموکراتی کوردستان

حیزبی شیوعی کوردستان

حیزبی سۆشیالیست دیموکراتی کوردستان

حیزبی زهحمهتکێشانی کوردستان

خهباتی ڕزگاریخوازانهی خهڵکی کوردستان که حیزب و ڕێکخراوهکانی کوردستان ڕابهرایهتیان دهکرد ،ههر بهتهنها ڕاپهڕینێکی چهکداری نهبوو بۆ بهرپهرج دانهوهی هێرش و پهلاماره سهربازیهکانی داگیرکران ، بهڵکو بزووتنهوهیهکی سیاسی و فکریش بوو بۆ دروستکردنی کهسایهتیهکی نوێی کورد تاوهکوو درک بهو شهڕه تایبهتیهیی ڕژێمی بهعس بکهن که دهیخواست له خودی مرۆڤی کوردا کهسایهتیهکی دووژمنکارانه دروست بکات و پاشانیش بیانکاتهوه بهگژ شۆڕش و پرسه نهتهوهیهکهیدا .

بهعس له ڕێگهی دامودهزگا تایبهتیهکانی خۆیهوه توانی ژمارهیهکی زۆر له سیخوڕ و خۆفرۆشانی کورد له فۆڕم و ناوی جیا جیادا کۆبکاتهوه و ڕێکیان بخات وهکو (فهوجه خهفیفهکان – مهفرهزهی خاسه – مهفرهزهی تهواری ) ئهمانه له بهعس دڵسۆزانه تر و دڕندانهتر کاره چهپهڵهکانیان جێبهجێ دهکرد ،ههر بهچاو ساغی ئهم خۆفرۆشانه ههزاران خوێندکارو گهنج و لاو ڕاپێچی زیندانهکانی بهعس کران و لهسێداره دران،بهئهمهک ترین و دڵسۆز ترین کادرو پێشمهرگهو ڕێکخستنهکان له ڕێگهی ئهمانهوه شههید دهکران ،ئێوه خۆتان وهک حیزب و ڕێکخراوهکانی سهردهمی خهباتی شاخ گهورهترین زهرهرمهندی دهستی ئهم جاش و سیخوڕانه بوون و خۆشتان خاوهنی ئهرشیفێکی دهوڵهمهندن له خیانهتهکانیان .

ئهوهی جێگای داخه ئهو میکرۆبانهی که تا دوێنێ ههوڵی قهڵاچۆکردنتان ئهدان ، ئێستاکه له ناو ڕیزهکانتان دا نهک تهنها بونیان ههیه بهڵکو له دهزگاو ناونده حیزبیهکاندا لێپرسراوهتی و پۆستی گرنگیشیان دراوهتێ که ئهمه تهواو پێچهوانهی بهرنامه و پهیڕهوهی ناوخۆی حیزبهکانتانه ، ئێوه بانگهشهی بنیات نانی حیزبی مۆدێرن و کۆمهڵگای دیموکراسی و هاوچهرخ دهکهن بهڵام بێ پاکردنهوهی ڕیزهکانتان لهم خۆفرۆشانه مهحاڵه بتوانن تهنها ههنگاوێکیش ههڵبهێنن ، وابهسته بهمهشهوه خهڵکی کوردستان به چاوی گومانهوه لێتان دهڕوانیت و هێدی هێدی لێتان دووردهکهونهوه ،بهمهش تهنها حیزبهکانتان زهرهرمهند نابێت بهڵکو پڕۆسهی مێژوویی نهتهوهی کورد تووشی ئیفلیج بوون دهبێت که لێپرسراوی سهرهکی ئێوه دهبن له بهر دهم مێژوودا.

ئێستاکه سهدام و دارودهستهکهی بهتاوانی کارهساتی ئهنفال دادگای دهکرێن ، بهڵام هاوکارانی ئهم کارهساته که موستهشار و جاش و سیخوڕه کوردهکانن ئازاد و ڕههان ، بهپێچهوانهی گهلانی دنیاوه جهزائیریهکان پاش پڕۆسهی ڕزگاری نیشتمانی نهک ههر نهیان هێشت خائینه زیندووهکان له ووڵات دا بژین بهڵکو ڕیگهیان نهدا مردووکانیش لهو خاکهدا بنێژرێن ، ههتا ئێستاش نۆکهره ڤێتنامیهکانی هاوکاری ئهمهریکا ڤیزهی سهفهرکردنیشیان نادرێتێ ،بۆیه مافی گهلی کوردیشه داوی حساب له و تاوانکارانه بکات و سزایی یاسایی و نهتهوهیی بسهپێنێت به سهریان دا.

لهم ڕوانگهیهوه ئێمه وهک کهمپینی به دادگایی کردنی موستهشار و ئهنفالچیهکانی کوردستان داواکارین ئهم خاینانه له ڕیزهکانتانا وهدهربنێن و تهسلیمی دادگایهن بکهن ،بهم ههنگاوهتان دهبنه نموونهیهکی دیاری وهرچهرخاندن و گۆڕانکاری له پێکهاتهی ژیانی حیزبایهتی ، له ههمان کاتیش دا ئهو درزو کهلێنانه پڕ دهکرێنهوه که لهنێوان ئێوهو جهماوهردا ههیه .

لیژنهی کاتی سهرپهرشتی

کهمپینی دادگایی کردنی موستهشار و ئهنفالچیهکانی کوردستان

27-8-2006