هه‌نووکه‌ له‌ژووره‌که‌مدا ئه‌تبینم تۆ نامبینی

 ئومێد محه‌مه‌د

کزه‌بایه‌ک ئه‌ی کوژێنێته‌وه‌و

منیش دایده‌گرسێنمه‌وه‌

بارانێک ته‌ڕی ده‌کاتوو

منیش که‌زێی داده‌هێنم

له‌م قوبه‌ی عه‌شقه‌دا خۆشه‌ستی

هه‌موو ده‌مێک له‌ماڵه‌که‌مدا ته‌راتێن ده‌کات  و

په‌نجه‌ره‌کان یه‌ک پارچه‌ ده‌کاته‌ هه‌ڵم

من ده‌مه‌وێت سنگم پڕکه‌م له‌ هه‌وای خۆشه‌وستی

گیرفانه‌کانم ته‌ژی که‌م له‌ گوڵه‌ ئه‌ستێره‌ی عه‌شق

بۆن و به‌رامه‌ی نه‌سیمێک بینمه‌ ژووره‌که‌م

به‌ر له‌من که‌س له‌م ژووره‌ ته‌نهایه‌دا

مستی لێ پڕ نه‌کردبێت

گوڵه‌ به‌فرینه‌که‌م که‌ پڕه‌ له‌بۆنی عه‌تر

 ئه‌ی بینم وه‌ژوورکه‌وت

په‌نچه‌کانی له‌سه‌ر پیانۆکه‌م داده‌نێو

وه‌ک گوڵێکی سپی سپی ڕه‌نگی وه‌ک به‌فر

شیرین شیرین وه‌ک و شه‌کر

ئه‌ی بینم به‌ژوورکه‌وت

ده‌ستی له‌سه‌ر دوانۆته‌ی سڵاوێک داده‌نێت

که‌به‌ر له‌ێستا مه‌خلوقێک ده‌ستی له‌سه‌ر دانه‌ناوه‌

گۆرانیه‌ک ده‌بێژێ ڕه‌وان وه‌ک ئه‌و دڵداره‌ی

هه‌تا مرد ده‌ستی له‌ده‌ستی دڵخوازی به‌رنه‌دا

مه‌رحه‌با گوڵه‌که‌م ڕه‌نگه‌ سه‌ره‌تایه‌کی ئه‌به‌دی بێت

بۆ پڕکردنی کاسێک له‌عه‌شق

ڕه‌نگه‌ یه‌که‌مین نۆته‌بێت بم هه‌ژێنێ

ئاوا به‌خورپه‌ ڕام مه‌چڵه‌کێنه‌ پێم مه‌ڵێ ماڵ ئاوا

چاوه‌کانی ڕوانینم به‌سه‌ بۆ گه‌وره‌ترین په‌یام

له‌دڵه‌وه‌ بۆت ده‌گه‌ڕێم ڕۆژی ده‌فنجان قاوه‌و

ده‌قاوه‌گره‌وه‌ سه‌ر ده‌که‌ن به‌ماڵه‌که‌مدا

تولفێک وون بوه‌ هه‌رچه‌ند ده‌که‌ن نایدۆزنه‌وه‌

ئه‌ت بینم له‌سه‌ر نوکی هه‌رده‌په‌نچه‌ خه‌ناوێکه‌ت

به‌به‌رگێکی پۆشلینه‌وه‌

دێیتو و یه‌ک پارچه‌ من پڕ ده‌که‌یت له‌ هۆنراوه

به‌یانه‌که‌م به‌ ته‌لیسمی چاوه‌کانت

ڕه‌ونه‌قی ئارامیت داپێم

به‌ر له‌ خۆم که‌س نیزانی ئای که‌ چه‌نده‌ خۆشم وستی

که‌ون ده‌بیت له‌نێو سۆمای چاوه‌کانما ده‌تبینمه‌وه‌