دوواین ئیمزایی یاداشتهکانی تهنیایی

من بهردم گرته ئاسمان و ئێوه بهردتان گرته زهوی

له زهماوهندی بووک بردنی مانگدا

جهنگێکتان ههڵگیرسان

قووبهی سووری دڵی مناڵانتان خاشکرد

ئاورنگی چاوانی یارتان کرده موورو

له گهردنی بیری ووشکی بهساڵا چووی

دهستهڵاتدا کۆدبهندتان کرد.

ووڵات.. یارێکم ههبوو

پیاسهی به شهقامهکانتا دهکرد

ئامێزی دهکرد به ههور و چاوهکانی پڕدهکردن لهباران

پایزێ بهدهم شکانی بادهمهوه دیارنهماو دار بهڕوویهک له کن خۆی حهشاریدا

ئیتر موزیکاکانی یار ههر نۆتهیهکی ههزارجار

کهوتنه بهردهم ئافاتهکانی وون بوون بۆ بهبیر هێنانهوهی حوزن

زهمینیان سپی کرد به بهرائهت

منیان پیرکرد به خۆش ویستن

نیشتمان بۆن و ههڵاوی گهردنی یاری لێ ههڵدهستێ

ههنووکه شهمهندهفهرێک له ووشه، له ههموو فارغۆنێکیدا

پڕ بووه له تۆ ئهی یار ،کێ دهزانێ ئهو گۆرانییانه بڵێتهوه

له ژێر گهڵای دارمێوێکا ناودهمی منیان پڕدهکرد لهشیلله

پاسارییهکان بێ تۆ ههتیون ئهی یار

کێ پهشمهکی خۆشهوستی ئهدا بهمنداڵانی شار

کێ له گوێسوانهی ههژاراراندا

چاوه خومارهکانی پێشکهش دهکات

به بهیتهکانی( وهلی دێوانه ) و

به ئاههکانی وێنهی ( شهم ) دهنهخشێنێ

ئهمێستا من لهشیکردنهوهی ووشهیهکا

جهستهم نووقم دهبێت له باران

ووشهیهک خۆی دهکوژێت

( مانایهک ) چایهک باتاڵی نۆش دهکات

کهمێک لهگهڕانهوهتم بدهرێ

بهدهم ئاشوورای مهرگهوه

دهستهکانی تهنیاییم پڕ بکه له بۆنی شهوانی ژووان

به ئاهێک من بهرهو له ژێر چناری عهشقێکا بم نێژه

ئهی یار چی مهریفهتێکه بڕیار دوور لهبینینهوهم

من دڵێکم وهفاتنامهی خۆم

بهشاباڵی شالوورهکان دهنوسمهوه

گهشتێکم له ئازاری سهری خۆم دهگهڕێم

بێ پهساپۆرتی مانهوه

دوواین ئیمزای خۆشهوستی

لهسهر گڵکۆکهت بۆ یادگاری به جێدێڵم

ئهی یار شهوه گهرمهکانی ئێمه بوونه تهمتوومان

ههنووکه جارێکی تر به پاسارییهکان ناڵێم بۆ ئێره وهرنهوه

بهکۆترهباریکهکان ناڵێم بێنهوهو دواین ههوارتان ئهم ماڵهی من بێت

هاوار له هیچ خێڵێک ناکهم بینهوهو لهنیشتیمانی شیعرمدا

ههوار ههڵدهن

ماڵی من دڵێکی کهڵهگهتی تیا کوژرا

هیچ کهسێک پرسهی بۆ نهگرت

شینه و واوهیلایه ئهی یار، له ڕووخساری شاعیرێکا

نهتوانی ههوارێکی ئارام ههڵدهیت

ههموو گوڵهکانی چاوهڕوانی بوهرێنه

وهک وهرانی تواین پهیڤی من وویستن

ناشتنی تهرمی ئاو

ئهزانی چی لێ کهوتهوه

دوریمان پرسیارێکه بۆ مردن

من مردنم قبوڵ دهکهم

مردنی من لهناو دڵدا

ئاسودهییت ئهباته لووتکه ئاهێکی حهسانهوه

( سییهکانت) پڕ دهکهن له وونبوونی من

ههنسکی شهوانی دووری ههڵڕێژه

پهیامێک بۆ خۆشهویستی وهک کهروێشکێک

له بهره بهیانێکا کهوته تهپکهی ڕاووچییهکهوه

سهریبڕی و ئیتر ئهی یار بهجێمای له ئومێد

خهونهکان باڵیان گرت و فڕین

لهودیوو چیای ئهوینهوه نیشتنهوه

فڵچهی دهستی نیگارکێشک نهی توانی

ئهم ههموو ئازاره بنهخشێنێت

که لهمندا خونچه گوڵی خهمیان دهگرت