کۆمیته‌ی ئاماده‌کاری خۆپیشاندان له‌ ستۆکۆڵم

تیرۆری ده‌وڵه‌تی توورکیا له‌ شاری ئامه‌دی باکوری کوردستان به‌ تووندی شه‌رمه‌زار و مه‌حکوم ده‌که‌ین

له‌ ئێواره‌ی 12 ئه‌یلوول له‌ شاری ئامه‌د چه‌ته‌کانی ده‌وڵه‌تی توورکیا ده‌ستیان به‌ خوێنی 11 که‌سی بێتاوان، که‌ حه‌وتیان منداڵ بوون سوور بوو و جارێکی تر دڕنده‌ی و وه‌حشیه‌تی خۆیان تۆمار کرد، بۆ شه‌رمه‌زار کردن و مه‌حکوم کردنی ئه‌م کاره‌ تیرۆرستیه‌ی ده‌وڵه‌تی توورک بانگه‌وازی له‌ هه‌موو کوردان و دۆستانی ئازادیخواز و هه‌موو پارت و ڕێکخراوێک و ده‌زگا سڤیل  ده‌که‌ین له‌ ستۆکۆڵم و چوارده‌وری که‌ به‌ ڕۆحی نه‌ته‌وه‌ی و ئازادیخوازانه‌ به‌شداری چالاکی شه‌رمه‌زارکردن و سه‌رکۆنه‌ کردنی ده‌وڵه‌تی توورکیا بکه‌ین و پاڵپشتی هاوخه‌می خۆمان بۆ گه‌له‌که‌مان له‌ شاری ئامه‌د و کوردستان ده‌ربڕین. بتوانین پاڵپشت بین بۆ به‌رقه‌رار کردنی ئاشتی و ئازادی و دیموکراتی. جارێکی تر تیرۆری منداڵانی شاری ئامه‌د به‌ تووندی شه‌رمه‌زار و مه‌حکوم ده‌که‌ین ده‌ڵین نا بۆ شه‌ڕو کاولکاری و تیرۆر.

شه‌هیدان ڕوناکی ڕێگای ئازادین

سڵاو له‌ شه‌هیدانی ئامه‌د و ته‌واوی کوردستان 

با تێکۆشان له‌ پێناو ئازادی و ئاشتی و دیموکراتی بڵند تربکه‌ین

شوێنی خۆپیشاندان: ستۆکۆڵم مه‌یدانی سه‌رگه‌ستۆری:

Stockholm Sergelstorg  

به‌رواری 20-09-2006

ڕۆژی چوارشه‌ممه‌

کات: 00-16 به‌ کاتی ئه‌وروپا

له‌ گه‌ڵ سڵاو ڕێزماندا