وهڵامێك بۆ باڵیۆزی عێراق له هۆڵهندا

رفعت ههڵهبجهیی /سوید

جێگهی داخ وپهژارهیه ،کهگهلی کوردی ستهم لێکراوجگه لهوهی که بهههموو شێوازێك لهلایهن دوژمنهکانیهوه دهچهوسێتهوه ومافهکانی زهوت دهکرێت . زۆر جار وهکو دوپشك خۆیشی بهخۆیهوه دهدات .خهڵکانی نابهرپرس و دور له ویژدان وههڵوێست فرۆش ئهوهنده زۆرنلهناو گهلی کوردداکه مرۆڤ قێزیان لێ دهکاتهوه.یهکێك لهو بهر پرسانهکه خۆکوژی فکری کردو (الانتحارالفکری ) زۆر بێ بهرپرسانه (پارتی کرێکارانی کوردستانی )

بهتیرۆریست ناو زهد کرد باڵیۆزی عێراق بووله هۆڵهندا pkkکهناوی( سیامهند ئهلبهنا )یه وکوردی باشوورهو سهر بهلیستی هاووپهیمانی کوردستانه .من پرسیار له وبهرپرسهکاڵ وکرچه دهکهم چ فشارێکت له سهره ئاوا ههڵوێستی خۆت به ههرزان بگرهبه خۆڕایی بۆدوژمنان دهردهبڕیت نازانی ئهو ههڵوێسته درۆو پڕبوختانه ئهگهر وهکووحیزبهکهی جهنابتان لهسهری نهکهوێت ئهوا ئێمهی گهلی کورد وهکوو نهتهوهیهك زۆر لهسهرمان دهکهوێت وبه گهلێکی تیرۆریست ناو دهبرێین .دواتر چیت لهبهر دهستدایه له بهڵگهو دیکۆمنێت بیسهلمێنی کهواتیرۆریسته بێجگه له بوختان وپڕوپاگهندهی دوژمنهکانی گهلی کوردpkkوه ههروههائهمهریکاوئیسرائیل که ئهوانه بهڕۆژی ئاشکرا لهبهر خاترو فشاری تورکیایه وهیچی تر.من تهنیا لاپهڕهیهکم لهسهر پارتی ناوبراو نهخوێندۆتهوه بهڵام ئهو ڕاستیهش دهزانم که تهنیا حیزبێکی شوڕشگێروخاوهن ستراتیژونیشتمان پهروهرمابێت که بهرگری له ماف ودهست کهوتهکانی گهل ونهتهوه بکات وکلکی لهگهڵ دوژمناندا گرێ نهدابێت تهنیا ئهو پارتهیه .زندووترین بهڵگهشم بۆ قسهکانم ئهوهیه که ههرچوار ووڵاتی دوژمن بهگهلی کورد دوژمنایهتی ئهم پارته دهکهن ولهگهڵی دهجهنگن دواتر ئهگهر جهنابتان بهبیرت بێت کاتێك کهسهرۆکی ئهو پارته به پیلانێك وگهلهکۆمهیهکی نێودهوڵهتی لهوانه ئهمهریکاوئیسرائیل کهلهسوریا دهرکرا هیچ ووڵاتێك نهیتوانی وهکوپهنابهروهری بگرێت لهترسی ئهمهریکا .به ئهسیری تهسلیم به تورکیایان کرد .دواتر بهدهیان ههزار ئهندام و لایهنگرانی پهکهکه لهئهووروپاو ههموو دونیا خۆپیشاندانیان کرد خوێن لهلووتی مرۆڤێك نههات .ئیتر جهنابت ئهم بوختانهت بهچی پشت ڕاست دهکهیتهوه ،یاخوود زۆر گرنگ نیه بهلاتهوه لهسهرت دهکهوێت یا نا گرنگ رازی کردنی ئاغاکانتانه ئهگهر ههموو دونیا بهئێمهی بووتایه تیرۆریست دهبوایه کورد بهکوردی نهوتایه چونکه ههموو دونیا بهڕۆژههڵاتوو ڕۆژئاواوه زوڵم وستهمیان له کورد کردوهوقهرزاری گهلی کوردن ئهوان هیچ ناڵێن کهچی ئێمه به بێ موناسهبه و بێ ئهوهی بیر له قسهکانمان بکهینهوه ههر لهخۆمانهوه بوختان بۆ گهل و نهتهوهی خۆمان دهکهین راسته ووتویانه دار کرمی لهخۆی نهبێت سهد سا ڵ دهژی .