|
پالتالک
وه‌کو مینبه‌رێکی ئازاد بۆ ده‌ربڕینی حه‌زو ئاره‌زوو و بۆ
گوزارش کردن له خواستی خه‌ڵک له‌مه‌یداندایه ، مینبه‌رێکه
هه‌موو که‌س ده‌توانێت ده‌نگی خۆی به جیهان بگه‌یه‌نێت ،
ژووری کوردستان یونایتد ده‌یه‌وێت به‌گژ نابه‌رابه‌ریدا
بچێته‌وه ، ده‌یه‌وێت گه‌نده‌ڵیه‌کان بنه‌بڕ بکات ، به‌دوای
چاک سازی کوردستانه‌وه‌یه ، له‌هه‌وڵی ڕیفۆرم دایه
له‌ده‌سه‌ڵاتدا ، ده‌یه‌وێت چاره‌سه‌ری نابه‌رابه‌ریه‌کان
له‌سه‌ره‌وه بکات ، خوازیاری دامه‌زراندنی حکومه‌تێکه هه‌م
ناسیونالیست ، هه‌مان حکومه‌تی کوردی به‌س به ڕابه‌رایه‌تی
کۆمه‌ڵێک سیاسه‌تمه‌داری تر ، هه‌مان شیعار و به‌رنامه‌ی
ساڵانی ڕابوردوو که ناسیونالیسته‌کانی پارتی و یه‌کیه‌تی
خۆڵیان پی ده‌کرده چاوی خه‌لک و خه‌ڵکیان پێ فریو ده‌دا ،
واته حکومه‌تێکی تری قوتابخانه‌ی کوردایه‌تی به‌س به‌هه‌ندێک
فۆرمی نوێوه ، داڕشتنه‌وه‌ی پهیڕهوو پرۆگرامێکی تر به‌س
له‌چاو پهیڕهوو پرۆگرامی ناسیونالیسته ئێکسپایه‌ره‌کانی
پارتی و یه‌کیه‌تی به‌ڵام به ڕه‌نگێکی تر ، واته به‌ڕێز
بۆتین خوازیاری مانه‌وه‌ی سروودی ئه‌ی ڕه‌قیبه به‌س به‌زارو
زمانی کۆمه‌ڵێک که‌سی تر .
ڕاسته
خه‌ڵکی به‌شه‌ره‌فی کوردستان نایانه‌وێت چیتر له‌لایه‌ن
ناسیونالیسته‌کان و ئیسلامیه‌کانه‌وه فریو بدرێن چونکه
خه‌ڵکی کوردستان ته‌جروبه‌ی هه‌ردووکیانیان هه‌یه ، ئه‌مان
خوازیاری حکومه‌تی کوردین به‌س دیموکراتی بێت ( به‌ڵام
ڕاستیه‌کی حاشاهه‌ڵ نه‌گره که باری ئابووری ئه‌م ووڵاتانه و
به‌دیهێنانی دیموکراتیه‌ت له‌سایه‌ی ناسیونالیزم دا قابیلی
قبووڵ نیه ) ژێرخانی ئابووری ئه‌م وڵاتانه ته‌نها
ده‌سه‌ڵاتێکی دیکتاتۆری بێ په‌رده‌ی وه‌کو یه‌کیه‌تی و پارتی
ده‌خوازێت ، چونکه کوشت و بڕو قه‌تڵ وعامی خه‌ڵکی کوردستان
به‌ده‌ستی ئه‌م تاقمه ڕه‌شه له‌سه‌روو ئیراده‌ی
خۆیانه‌وه‌یه و ده‌بێت وابکه‌ن ئه‌گینا ته‌مه‌نیان ناگاته
قۆناغه‌و هه‌ر با ساوایی له لانکه‌دا ده‌مرێت .
خه‌ڵکی
کوردستان به‌دوای باش بوونی گووزه‌رانیانه‌وه‌ن ، به‌دوای باش
بوونی بژێوی ڕۆژانه‌وه‌ن ، به‌دوای ئه‌وه‌وه‌ن که بێکار نه‌بن
، به‌دوای ئه‌وه‌وه‌ن که ده‌ستی هیچ تاقم و ئاغایه‌ک له‌سه‌ر
سه‌ریان نه‌بێت ، که‌س نه‌توانێت له‌ژێر ناوی شه‌ره‌ف و ناموس
و پاراستنی شته پیرۆزه‌کانی ئیسلام ده‌ست بخاته بینه‌قاقایان
، وه‌هه‌ره‌ها ژووری کوردستان یونایتدیش به‌دوای ئه‌وه‌وه‌یه
که ده‌سه‌ڵاتی ڕه‌شی دووده‌سته‌ی بارزانی و تاڵه‌بانی
نه‌مێنێت ، به‌ڵام ئالته‌رناتیڤ و پلاتفۆرمێک بۆ داهاتوو
له‌ده‌ستدا بێت چیه ؟ ، ئه‌مان به‌دوای دیسانه‌وه
دامه‌زراندنی حکومه‌تێکن که‌جارێکی تر ته‌مه‌نی سه‌رکووت درێژ
ده‌کاته‌وه .
ئه‌گه‌ر
بۆمان هه‌بێت له‌سه‌ر ئه‌و ژووره قسه بکه‌ین جارێ به‌ر
له‌هه‌ر شت که‌چوویته ژووره‌که به‌سووری ده‌مێنیته‌وه تا
ئاغای بۆتین ئاره‌زوو ده‌کات شینت بکاته‌وه ، جارێ ئه‌گه‌ر
زوو زوو نه‌چووبیته ئه‌و ژووره‌و نه‌ت ناسن ئه‌وا شینی
نابینیت به‌چاوی خۆت ، چ جای ئه‌وه‌ی بتوانیت ده‌ست هه‌ڵبڕیت
و ڕایه‌ک پێشکه‌ش بکه‌یت ، ژوورێکه به‌حساب بۆ وه‌ستانه‌وه
به‌رامبه‌ر به نابه‌رابه‌ری به‌ڵام ئه‌و ڕسته‌و وشه بێ
جێیانه‌ی له‌لایه‌ن ئاغای بۆتینه‌وه گوێت لێ ده‌بێت قابیلی
گێڕانه‌وه نین ، بۆیه له‌حاڵه‌تێکی وادا ناتوانێت ببێته
ده‌نگێک که‌نوێنه‌رایه‌تی هێزێکی کۆمه‌ڵایه‌تی بکات له
کۆمه‌ڵگه‌دا ، ئێمه بۆ ئه‌وه‌ی بمانه‌وێت نفوزی سیاسی په‌یدا
بکه‌ین و ده‌نگمان بگه‌یه‌نینه ناو کۆشکو ته‌لاری لێپرسراوان
ده‌بێت به‌ر له‌هه‌ر شت شه‌خسیه‌تێکی سیاسی به‌خۆمان بده‌ین ،
وه هیچ بێ حورمه‌تیه‌ک به ئینسانه‌کان نه‌کرێت ، ڕێز
له‌هه‌موو ڕایه‌ک بگیرێت نه‌ک ئه‌وه‌ی که خۆی باوه‌ڕی پێی
نیه ببێته جێگه‌ی مه‌خسه‌ره و ئه‌وه‌شی ئه‌دمین واته (
بوتین ) باوه‌ڕی پێی بێت ئه‌وا وه‌کو سروود هه‌ر ده‌یڵێته‌وه
.
بۆیه
وه‌کو پێشنیار بۆ ئه‌و ژووره به‌ر له‌هه‌ر شت ڕێزوحورمه‌ت بۆ
ئینسانه‌کان بگه‌ڕێنێته‌وه ، خه‌ڵک که‌ئاماده‌ن ببنه میوانی
ئه‌و ئه‌دمینه با زیاتر له‌جاران له‌به‌رابه‌ر نابه‌رابه‌ری
کۆمه‌ڵایه‌تیدا ڕێکخراوتر بن . |