وه‌ک هه‌موو لایه‌ک ئاگادارن ده‌وڵه‌تی ڤاشی تورکیا ڕۆژ به‌ڕۆژ هه‌ڕه‌شه‌و هه‌ڵمه‌ته‌ سه‌ربازیه‌کانی تووند ده‌کاته‌وه‌ له‌سه‌ر خه‌ڵکی کۆردستان و ده‌یه‌وی به‌بیانووی شه‌ڕ دژی پارتی کرێکارانی کوردستان،هێرشێکی کاولکاریانه‌ی سه‌ربازی ئه‌نجام بدات وژیان وئه‌منیه‌ت و سه‌لامه‌تی و گشت هه‌وڵ و کۆششێک که‌له‌ماوه‌ی چه‌ندان ساڵداخه‌ڵکی کوردستان داویه‌تی بۆ گه‌یشتن به‌ ماڤی دیاریکردنی چاره‌نووسیان،به‌سه‌ر یه‌کدا بهاڕێ و تێکی بدات .

ئه‌م هه‌وڵانه‌ په‌یامێکی ڕۆشن و ئاشکرا به‌یان ده‌کات که‌ له‌م سه‌رده‌مه‌ی ئێمه‌دا ده‌بێت کۆمه‌ڵگای ئینسانی له‌ئاستی دنیاییدا ده‌وڵه‌ت و حکومه‌تی ڤاشی تورکیا شه‌رمه‌زار بکات،ئه‌ویش هه‌وڵ و په‌یامی ئاشکرای قه‌تل و عامکردنی خه‌ڵکی کوردستان و داروخانی ته‌واوی ژیانی مه‌ده‌نی ئینسانی کۆمه‌ڵگای کوردستانه‌.

ده‌بێ بۆ هه‌موان هه‌ستیاری، تاوان وتراژدیای گه‌وره‌ی شه‌ڕی تورکیا له‌به‌رچاو بگرین ،ده‌بێ به‌رپرسیاریه‌تی بنوێنین له به‌رامبه‌ر ژیان و چاره‌نوسی خه‌ڵکی کوردستان،ده‌بێ به‌گڕوتینی قایمه‌وه‌ بێینه‌ سه‌ر شه‌قامه‌کانی ئه‌م ووڵاته‌ و پیشانی ڕایگشتی و ده‌سه‌ڵاتدارانی بده‌ین،دۆستان وبه‌ره‌ی ئینسانی و پێشکه‌تنخواز بێنین له‌گه‌ڵ خۆمان وبه‌یه‌ک ده‌نگ بڵێین،‌ نابێ به‌به‌رچاوی هه‌موانه‌وه‌ خه‌ڵکی کوردستان قه‌تل وعام بکه‌ن،ئه‌م سیاسه‌تی له‌شکرکێشیه‌ بۆئێمه‌ هیچ به‌رهه‌می نیه‌ بێ له‌ کوشتاروکاول کاری.

هه‌ربۆیه‌ ده‌بێ یه‌ک ده‌ست له‌مه‌یداندابین و بانگه‌وازی به‌ره‌ی ئینسانی و ڕادیکاڵ بکه‌ین تابه‌ ده‌وڵه‌تی تورکیای ڤاشی بڵێین ،نابۆ له‌شکرکێشیت،نابۆته‌ده‌خولکردن له‌ کوردستانی عێراق،به‌ڵێ بۆ ڕایگشتی خه‌ڵکی کوردستان بۆ دیارکردنی چاره‌نوسی خۆی به‌بێ زه‌خت و ته‌ده‌خولی هیچ ده‌وڵه‌ت و لایه‌نێک.

                                    ده‌سته‌ی چالاکی ڕۆشنبیری له‌ ئۆستڤۆڵد/نه‌رویج

                                                24/10/2007