|
بابه‌ت: وه‌فیق سامه‌ڕایی، نه‌زار خه‌زره‌جی، جاشه‌کان
ئێمه
وه‌کو ناوه‌ندی چاک یه‌کێ له ئه‌رکه بنچینه‌ییه‌کانمان
گه‌یاندنی به‌شدارانی ژینۆسایدی ئه‌نفال و کۆمه‌ڵکوژیه‌کانی
دیکه‌یه به دادگا. هه‌ر له‌م ڕوانگه‌یه‌وه یارمه‌تی
که‌سوکاری قوربانیان له وه‌ده‌ستهێنانی داددا ده‌که‌ین.
ژماره‌یه‌کی که‌می تاونباران له‌سه‌ر تاوانی ئه‌نفال له
دادگادا داگایی ده‌کرێن، به‌ڵام ئاشکرایه ژماره‌ی تاوانباران
زۆر له 7 که‌س زیاترن. له‌سه‌ر دادگایه هه‌موو به‌شداره
سه‌ره‌کیه‌کان چ ئه‌وانه‌ی دڕندانه خه‌ڵکیان کوشتووه، یا
ئه‌و ئه‌فسه‌رانه‌ی به‌شداریان له ئاست و شوێنی جیادا له
تاوانه‌که‌دا کردووه، ده‌ستگیر بکات و دادگایی بکات.
وه‌فیق
سامه‌ڕایی: ئێمه وه‌کو ناوه‌ندی چاک ، له ڕێکه‌وتی
6-12-2006
سکاڵامان له‌سه‌ر وه‌فیق سامه‌ڕایی تۆمارکردووه، به‌پێی
هه‌واله‌کان هه‌ندێ پێشکه‌وتن له که‌یسه‌که‌دا ڕوویان داوه.
به‌ڵام تائێستا ناوبراو به ئازادی ده‌سوڕێته‌وه و هیچ
هه‌نگاوێکی به‌کرده‌وه نه‌ندراوه. هیوادارین زۆر نه‌بات
ناوبراو وه‌کو تاوانبار لێکۆڵینه‌وه‌ی له‌گه‌لدا بکرێت و
بدرێته دادگا. ئێمه وه‌کو لایه‌نی سکاڵاکه‌ر داواکارین،
که‌وا دادگای باڵای تاوانه‌کان له هه‌نگاوه‌کانی خۆیدا
سه‌باره‌ت به که‌یسی وه‌فیق سامه‌رایی سیسته‌ماتیکیانه
ئاگادارمان بکاته‌وه و ڕوونکردنه‌وه له‌سه‌ر هه‌نگاوه‌کانی
بداته‌ده‌ست.
نه‌زار
خه‌زره‌جی: نه‌زار خه‌زره‌جی سه‌رۆکی ئه‌رکانی سوپا له کاتی
هێرشه سه‌ربازیه‌کانی ئه‌نفالدا، به‌پێی به‌ڵگه‌نامه‌کان و
ئه‌و دوانانه‌ی له دادگادا دران، ناوبراو به‌شداری له تاوانی
ئه‌نفالدا کردووه. ئێمه داواکارین دادگای باڵای تاوانه‌کان
له ڕێگای ئه‌و که‌ناڵه قانونیانه‌ی له‌به‌رده‌ستیدایه
هه‌وڵی ده‌ستگیرکردنی ناوبراو بده‌ن و کار بۆ دادگاییکردنی
بکرێت. وه‌کو ئاگادارن له وڵاتی دانیمارک نه‌زار خه‌زره‌جی
له ساڵی 2002/2003 دا له‌سه‌ر تاوانی جه‌نگ و دژ
به‌مرۆڤایه‌تی و ژینۆساید درایه دادگا، به‌لام له مارسی 2003
دا ڕایکرد و ئێستا خۆی شاردۆته‌وه. به‌پێی زانیاریه‌کان له
وڵاتی ئیماراته.
پێویسته دادگا له‌م باره‌یه‌وه بجوڵێت، ئه‌نفالچی ناوبراو
ده‌ستگیر بکات، خه‌ڵک و که‌سوکاری قوربانیان له هه‌نگاوه‌کانی
ئاگادار بکاته‌وه.
جاشه‌کان: وه‌کو ئاشکرایه ژماره‌یه‌کی زۆری جاش له ژێرناوی
هێزی به‌رگری نیشتیمانی و فه‌وجه سوکه‌کان له چوارچێوه‌ی
هێزه‌کانی ئێراقدا، به‌شداریان له ژینۆسایدی ئه‌نفالدا
کردووه. جگه‌له‌وه‌ی له دادگادا ناوی ئه‌و جاشانه
ده‌شاردرێنه‌وه، تائێستا هیچ یه‌کێک له‌و جاشانه ده‌ستگیر
نه‌کراون و نه‌دراونه‌ته دادگا. له‌سه‌ر دادگایه بڕیاری
گرتنی هه‌موو جاشه به‌شداره‌کان ده‌ربکات، که‌یسی تایبه‌تیان
بۆ دروست بکرێت، که‌سوکاری قوربانیان له سکاڵا له‌سه‌ریان
ئاگادار بکه‌نه‌وه، داواکاری گشتی به‌ئه‌رکی خۆی هه‌ڵسێت و
به‌مجۆره ئه‌وانه‌ی به‌شداریان کردووه بدرێنه دادگا.
داواکارین دادگا سه‌باره‌ت به جاشه‌کان هه‌ڵوێستی خۆی ڕوون
بکاته‌وه.
سوپاس
ناوه‌ندی چاک
2007/3/5 |