(1)

"گوڵ" ده‌توانێ،    

        هه‌ر گوڵاڵه‌و بۆن و شیله‌ت

پێببه‌خشێ!

"مه‌ل" هه‌ر نه‌غمه‌و په‌ڕی جوان جوان!

"ماچ' هه‌ر حه‌زو

نه‌ختێ هه‌نگوین له‌سه‌ر لێوان! 

"نه‌ی" ده‌توانێ

هه‌ر هونه‌رو

ناسکه‌سۆزی(قاله‌پیره)ت

پێبنۆشێ!

به‌ڵام ! یه‌ک تاقه‌ گولله‌ی ڕه‌ش،

له‌ده‌ستی دێ: 

(2)

خۆێنی که‌له‌نه‌بردێک و

ئاهی جه‌رگی سووتاوی بێوه‌ژنێک و

نه‌هاماتی شه‌ش حه‌وت جووته‌چاوی

کاڵی هه‌تیوان و

یه‌ک گه‌ره‌ک ڕه‌شپۆشی تازه‌ت

پێببه‌خشێ.....

ئای، له‌ به‌هره‌ی:

گوڵ ومه‌ل و ماچ و شمشاڵ !

وای له‌ زوڵمی:

گو‌لله‌ی ده‌جاڵ !