ی. سه‌فایی

وه‌رگێران: عوسمان_م

رۆژێک دیسانه‌که‌ پێکه‌وه‌

سواری شان و ملی خۆر ده‌بین

قوله‌کانی خۆشه‌ویستی هه‌ڵده‌ماڵین و

‌ ده‌سته‌کانی عاتیفه‌ ده‌گوشین و

عه‌بای عه‌شق له‌ که‌مه‌رمان گڕی ده‌ده‌ین. 

رۆژێک دوباره‌ پێکه‌وه‌

ئاوازی

ژنانێک ده‌ڵیینه‌وه‌ که‌ چاوه‌رێی

گوردانی که‌لامی پڕ له‌ مانان و

موژده‌ی خه‌نده‌ێه‌کی پر شکۆ ده‌ده‌ن.

به‌هار

به‌ کراسه‌ سه‌رتاپا‌ سه‌وزه‌که‌یه‌وه‌

له‌گه‌ڵ باڵنده‌کان

سه‌مفونیای نوێ ده‌ست پێده‌که‌ن و

به‌ندیه‌کان

له‌ بزوتنی به‌هاردا

وێنه‌ی باڵغ بونی ئازادی

له‌سه‌ر سنگی چیمه‌نتو

هه‌ڵده‌که‌نن.

ژنانێک که‌

له‌ نه‌به‌ردی سه‌ره‌تادا

به‌ خوێنیان، ئازادییان له‌ ئه‌ندێشه‌ی نه‌به‌رددا

به‌خه‌به‌ر هێنا و

له‌سه‌ر قڵه‌شه‌کانی لێوه‌ سوره‌کانی ژیان پێوه‌ندیاندا.

ژنان

رزگاریی خۆێان

له‌ ده‌ماره‌ سوره‌کانی ته‌جره‌به‌کان

ده‌چنن.

رۆژێک دیسانه‌که‌ پێکه‌وه‌

ئازادی

له‌ کوچه‌ و کۆڵانه‌کانی وڵاتمدا

زه‌مزه‌مه‌ ده‌که‌ینه‌وه‌.

رۆژێک که‌ ژنان

رزگارییان

له‌ ریاڵه‌ی شیرینی ئازادیدا

ته‌جره‌به‌ ده‌که‌ن.

مارسی 2007