کۆتای کۆبونهوهی ساڵانهی ناوهندی ههڵهبجه ــ چاك ــ له سویسرا

ڕۆژی 15/4/2007 کۆبونهوهی ساڵانهی ناوهند له شاری Arau بهسترا ، کاتژمێر 11.30 کۆبونهوهکه به خولهکێک بێدهنگی وهستان بۆ ڕێزلێنان له قوربانیان و گیانبهختکردوانی ڕێگای ئازادی و سهرفرازی خهڵکی کورد ڕاگهیهنرا .

کۆبونهوهکه تا کاتژمێر 16.30 ی خایاند که دابهشکرابوو بهسهر چهند تهوهرهیهکهوه .

1 ــ ههڵسهنگاندنێکی ڕهخنهگرانهی دهورهی پێشوی ناوهندی ههڵهبجه بهگشتی و کۆمیتهی سویسرا بهتایبهتی .

2 ــ دۆزینهوهی میکانیزمێک ، که ناوهند بکاته ئهو ڕێکخراوه بهکردهوهیهی که لهئاستی ئهو دروشمهمهزنهدابێت که چهندین ساڵه خهباتی بێوچانی بۆ دهکات . بۆ زیاتر نزیک بونهوه و ڕۆشنبونهوهی زیاتر ئامانجهکانمان ، بانگهوازی سهرجهم کهسانی ئازادیخواز و دڵسۆزان و ڕۆشنبیرانی دهرهوهی ناوهند دهکهین که دهستی بهرپرسیارهتی پێوه بگرن و بهههر شێوهیهک بۆیان دهکرێت هاریکاری بکهن بۆ بهرهوپێشهوهچونی زیاتر .

3 ــ بهشێک له بهرپرسیارهتی دهکهوێته ئهستۆی لایهنه سیاسی وجهماوهری و ڕشتهییهکانهوه ، که لهدیدی مرۆڤانه و نهتهوهییانهوه و چینایهتیانهوه مامهڵه لهگهڵ پرۆسهی بهردهوامی جینۆسایدی نهتهوهی کورد بکهن و بهرژهوهندی ئێسای سیاسی خۆیان نهخهنه سهروی ستراتیژی نهتهوهییهوه . ناوهندی ههڵهبجه ئامێزی هاوکاری ئاوهڵایه بۆ ههموو ئهو لایهنانهی که بهکردهوه لهبهرهی خهڵکی کوردستاندان .

4 ــ کاتژمێری کۆتای کۆبونهوهکه دیاری کرابوو بۆ لێکۆڵینهوهو وهڵامدانهوهی پرسیاره بێ وهڵامهکانی دهورهی ڕابووردوو وه ههڵبژاردنی نوێنهرانی لیژنهکانی دهورهی تازه .

نوێنهرانی لیژنهکان : ــ

1 ــ هێمن ڕهؤوف ڕێکخستن

2 ــ هاوژین عهلی پهیوهندیهکان

3 ــ ئهنوهر عهبدوڵا دارای

4 ــ حاجی ئهنوهر ڕاگهیاندن

لهلایهن دهستهی ههڵبژێردراوهوه هێمن ڕهؤوف وهک بهرپرسی ناوهندی ههڵهبجه ــ چاک ــ له سویسرا ، ههڵبژێردرا .

ناوهندی ههڵهبجه ـ چاک ـ سویسرا 18/4/2007

Chak.schweiz@hotmail.com