ناوهندی چاک کوشتنی بهربهریانهی "دوعا" ی پاک بهتووندی ڕیسوا دهکات

ناوهندی چاک کوشتنی کچه کوردی ئێزدی بێگهرد "دوعا" لهسهر تاوانی خۆشهویستی له لایهن کهسوکاری و لایهنی دیکهوه که بهشێوهیهکی کۆنهپهرستانه گهلهکۆمهکی لێکرا و زۆر نامرۆڤانه بهردباران کرا و گیانگهشکرا، به تووندی ڕیسوا دهکات. ئهوهی روویدا نهک ههر تهنها پێشێلکردنی دڕندانهی مافێکی سروشتی کچه کوردێکی بێتاوان و بێبهرگرییه، بهڵکو تاوانێکه ههڵگری لهکهیهکی رهشه به نێوچاوانی کۆمهڵگهوه، که ناکرێ ههروا ئاسان بهسهر مرۆڤدۆستان و ئازادیخوازانی کوردستاندا تێپهربێت.

ئێمه پێمانوایه کوشتنی کچه کوردێکی پاکو بیگهرد بهو شیوه دڕندانه و بهربهریانهیه تهنها لهسهر خۆشهویستی و ئایینگۆڕین مایهی نههامهتییه بۆ ههموو گهلی کوردستان. ئهوهی لێرهدا روویدا، تهنها نموونهیهکی زهقه له ههزاران تاوانی کوشتن و ههتککردنی ژنان که به بهرفراوانی له ناوچه جیاجیاکاندا درێژهیان ههیه. جگهله باکگراونده خێلهکی و ئایینیهکه، ئێمه بهرپرسیارهتی بوونی ئهو دیاردهیه ڕاستهوخۆ بۆ دهسهڵاتداران دهگهڕێنینهوه، که نهیانتوانیووه مسۆگهر و پارێزگاریی ئازادی مرۆڤهکان بکهن.

بۆیه پێویسته لهبنجوبناونی بوونی دیاردهی دزێوی کوشتنی ژنان بکۆڵدرێتهوه و کۆمهڵگه له قانونی جهنگهڵ دهربازبکرێت، سزای تاوانکاران بێ جوداکاری بدهن، ههموو ئهو ڕێسا و نۆرمه ئایینی و کۆمهڵایهتیانهی ڕێگا بۆ ئهو دیاردهیه یا دیاردهی لهوشێوهیه خۆش دهکهن قهدهغه بکرێن و سزایان بۆ ببڕنهوه.

ناوهندی چاک له لایهن خۆیهوه پهیوهندی به ڕێکخراوی مافهکانی مرۆڤ، ئهمینستی ئهنتهرناسیونال، ڕێکخراوی مافی ژنان و چهندین ناوهندی دیکه کردووه، به مهبهستی گهیاندنی ئهو تاوانه به ئاستی جیهانی و پێشگرتن به ڕهشهکوژی ژنان.

پێمانوایه بێدهنگیکردن له تاوانکاران و بکوژانی دوعا کارهساتێکه ئازارهکهی له خودی تاوانکه زۆر زیاتره.

ناوهندی چاک

25/04/2007