زمانی زبرو بهردی نهرم

هیدایهت مهلا عهلی

ماوهیهکه دهسهڵاتدارانی کوردوستان و قهڵهم بهدهستانی دهوری سفرهی سوڵتان ناڕهحهتی و بێزاری خۆیان دهردهبڕن لهزمانی زبری نوسهران و داوا دهکهن که نوسین و بابهتهکانیان به زمانی پهپوولهو ماچ بنوسن له بری زبری و ڕهقی،دهسهڵاتدارانی کوردوستان زۆر ههوڵیاندا وانیشانیبهن که نوسین و بابهتهکانی نوسهرانی بهرهی خهڵک هیچ قورسایهکی نییهو پشتگوێیان خستوون ، بهڵام کاریگهری ئهم ڕهوهنده ڕۆشنبیری و سیاسی و کۆمهڵایهتیه سهرهڕای ههموو کهموکوڕیهکانی توانی دهورو نهخشی خۆی بهشێوهیهکی بهرفراوان بهرجهسته بکاتهوه ، بۆیه ئیتر دهسهڵات و قهڵهم بهدهستانی شهریکی دهسهڵات نهیانتوانی ئهم واقیعهته غافڵ بکهن و خهریکی چنینی تۆڕی دهمکوت کردن و چهواشهکردنی ڕاستیهکان نهبن ، بهکارهێنانی زمانی زبر وهک بههانه لای دهسهڵات و قهڵهم بهدهستانی هاوچارهنوسی دهسهڵات ، بهمانی بهکار نههێنانی زمانێک نییه که شهخسیهت و حورمهتی ئینسانهکان پارێزراوبێت و ههرکهس بۆ بهرگری کردن لهخۆی ههقی دهنگ ههڵبڕینی ههبێت ،زمانی زبر ئهو چوار چێوه بهدڕک تهنراوهیه که دهسهڵات و قهڵهمهکانی باوهشی دهسهڵات دهیانهوێت بهدهوری ووشهی ئازاد ،خامهی ڕهنگین ،زمانی ههقخوازانهی نوسهر ، پانتای ئازادیدا بیکێشن . زمانی زبر جاران پێی دهوترا تابوری پێنجهم ، زمانی زبر جاران پێی دهوترا دهستی دهرهکی و کۆنه بهعسیهکان ، بهڵام ئێستا ئهم قسانه کۆن بوون و گوێگریان بۆ نهماوه بۆیه زمانی زبر بۆته ئهڵتهرناتیف ، لهکاتێکدا زمانی زبر خهریکه دهکرێته سهرهتای کردنهوهی دهرگای زیندانێکی گهوره ،ڕۆژانه چهندین نوسهرو ڕۆژنامهنوس ڕهوانهی ژوری ئینفیرادی دهکرێن ، دهم و دانیان دهشکێنن ، بهشهوی تاریک دوای کوتهک کاری فڕێ دهدرێن ، کێ ههیه حهز نهکات کێشهکانی به پێکهنین و به خهندهوه بۆ چارهسهر نهکرێت ، کێ ههیه خهو نهبینێت بهوهی له ڕێگهی شای و ههڵپهڕکێوه دهسهڵات ئاڵوگۆڕی پێنهکرێت ، بهڵام واقیعهت ئهو ڕاستییهی دهرخستوه ئهم کارانه لهههر جێگایهکی ئهم دنیایهدا ڕووبدات ئهوا له کوردوستان بهخهیاڵیش نابینرێت ، ههموو دیمان لهکاتی شهڕی ناوخۆدا چۆن دهسته دهسته دایکان و ژنان ڕێگای ههولێر و سلێمانیان دهبڕی بۆ ئهوهی کوڕهکانیان نهبێته سوتهمهنی شهڕو کهس گوێی لێنهگرتن ، ههموو دیمان چۆن لهههموو شارو گهڕهکهکانی کوردوستان لیژنهو کۆمیتهکانی ئاشتی و دژی شهڕ دروست بوون و دهسهڵات ههر حیسابیشی بۆ نهکردن ، ههموو دیمان چۆن خهڵک ئهپاڕانهوه که شهڕ ڕاوهستێت و ئاوڕێک له ژیان و گوزهرانیان بدرێتهوه ، بهڵام تا فیشهکی بهرژهوهندی ههبوو تهقاندیان و ئاوڕیان له زمانی گوڵ و هیلاکی دایکان و پهیامی ئازادیخوازان نهدایهوه ، دهسهڵات و قهڵهمدارهکانیان کاتێک باسی زمانی زبر ئهکهن ههگبهکانیان ، مێژووهکهیان ، جهنگهکانیان ، پهخشان و شیعرهکانیان لێواو لێوه له سوکایهتی و ئیهانه به ئینسانهکان ، کێ بوو شیعرو پیاههڵدانی پهلامارهکانی ئهنوسی ، کێ بوو جامانهی سوری بۆ سۆزانیهکان دادهخست ، کێ بوو موشیری حهمهی سڵێمانی ئهکرده پاڵهوانی بهر دهنوکی ههڵۆکانی ، کێ بوو بۆ شکاندن ، سهرکردهکانی یهکتریان به نێرهموک له قهڵهم دهداو ، بۆ ڕاست نهبونی ئهم قسهیهش هاوسهری سهرکردهکانیان دهکرده شاهید ، ئینسان شهرم دایدهگرێت کاتێک لاپهڕهکانی ئهم مێژووه ههڵئهداتهوه ، چی ههیه لهم زمانه ناشایستهو نائینسانیتر بێت ،کێ بوو شهقام و ماڵهکانی پڕ کرد له ئاگری شهڕ و ساردی سفره و بێ ئومێدی ئینسانهکان ،کێ بوو ههزاران ووشهو ڕستهی ناشیرین و تهئشیر ئامێزی ههڵدایه نێو ژیانی کۆمهڵایهتی خهڵکی کوردوستان ، کاتێک دهسهڵات و قهڵهم کولهکانی دهسهڵات باسی زمانی زبر ئهکهن به بهرچاوی حیزب و حکومهتهکهیانهوه ( دوعای 17 ساڵان له بهعشیقه به بهردی نهرم سهری پان ئهکرێتهوه ) دهسهڵات و قهڵهمدارانی باوهشی دهسهڵات زمانی ڕاستی ووتنی نوسهرانیان بهلاوه زبره ، بهڵام له بێدهربهستی دهسهڵات و بێههڵوێستی قهڵهمهوانهکانیان ( بهردی دوعا کوژیان پێ نهرمه )