|
ده‌یان
ساڵه خه‌ونی گه‌وره ی هه‌موو مان دامه‌زراندنی قه‌وا‌ره‌یه‌کی
سیاسی کوردیه ، که ده‌توانین بڵێین ئه‌وه‌ی ئێستا له
3پاڕیزگای کوردستان په‌یڕه‌و ده‌کرێت
نزیکه
له‌و خه‌ونه وه .
به‌ده‌ست هێنانی ئم نیمچه ده‌وڵه‌ته و ئه‌و دۆسته زۆره‌ی
ئیمـڕۆ هه‌مانه ، ده‌گه‌رێته‌وه بؤ ئه‌و خه‌باته
نه‌پساوه‌یه ی که 80 ساڵ زیاتره
قوربانیه‌کی بێ ئه‌ژماری له پێناوی دراوه ، که ئاسته
گه‌شه‌داریه‌‌که‌ی ، ده‌کرێت بۆ چه‌ند قۆناخه‌ک
بگه‌ڕێنینه‌وه ، وه‌ک قۆناخی یه‌که‌م دوای کیمیابارانی
هه ڵه بجه و ئه‌نفال ئه‌و ده‌رگا دۆستا‌یه‌تیه له‌نێو
که‌س وگروپ و ڕێکخراوی و دیموکڕاتخواز تاڕاده‌یه‌ک واڵابۆوه.
قۆناخی دووه‌می ئه‌و دۆستایه‌تیه‌ش ، دوای ڕاپه‌ڕینی 1991 و
کۆچ ڕه‌و ی خه‌ڵکی باشووری کوردستان و پیلانه نێو
ده‌وڵه‌تیه‌که‌ی دژ به سه‌رۆکی پارتی کرێکارانی کوردستان
عه‌بدوڵا ئۆج ئاڵان
ده‌ستی پێ کرد، که‌له‌م 19 ساڵه‌دا ، بۆ یه‌که‌م جار کورد
پانتایه‌کی به‌رفراوان له دۆستایه‌تی و هاوسۆزی بۆ کێشه
ڕه‌واکه‌ی به‌ده‌ست هێنا ، دیاره ئه‌م دۆستایه‌تیه‌ش به
کیمیبارانی هه‌ڵه‌بجه و بالیسان و ئه‌نفالکردنی ده‌یان هه‌زار
تاکی کورد و له‌سێداره‌دانی هه‌زاران گه‌نجی کوردو خاپوور
کردنی هه‌زاران دێ و شارؤچکه به‌ده‌ست هاتووه.
ڕاسته
ئیمڕۆ له جیهاندا و له هه‌ر وڵاتێکدا ده‌سه‌ڵاتێك حوکم به
خه‌ڵکه‌که‌ی ده‌کات ، به‌ڵام کۆمه‌ڵێک ڕێکخراوی جیهانیش
له‌مه‌یدانن که ڕۆلیان هه‌یه له که‌م کردنه‌وه‌ی ئه‌و
ده‌سه‌ڵاته دیکتاتۆریانه ی که ڕێز له‌مافه‌کانی مرۆڤ و
ئازادی سیاسی ناگرن وه هه‌ڵسه‌نگاندنی ئه‌م ڕیکخراوه
جیهانیانه ، کاریگه‌ری یه‌کجار زۆری هه‌یه له‌سه‌ر به‌ره‌و
پێش بردن یان به‌پاشخستنی کێشه‌ی کوردا، چونکه ئێمه ،
تائێستاش وه ک مافێکی یاسایی نێو ده‌وڵه‌تی مافی
ده‌وڵه‌تبونمان ، له‌نێوه‌نده یاسایی و جیهانیه‌کان
وه‌رنه‌گرتووه . ئه‌مه جگه‌له‌وه‌ی په‌رله‌مانی ئه‌وڕپی
،که‌به شێکی گرنگه له بڕیاری سیاسی جیهاندا ، چاودێری مافی
مرۆڤی وڵاتان ده‌که‌ن وه پێوه‌ری ڕێز گرتنی هه‌ر وڵاتێک
به دیموکڕاسی و مافی مرۆڤ یه‌کێک له بنه‌ماکانی دۆستایه‌تی
ده‌بێت ، باشترین نمونه‌ش داگیرکه‌ری تورکیایه که رۆژانه
له جیهاندا ڕوبه‌روی ڕه‌خنه وسزادان ده‌بێته‌وه له
به‌را‌مبه‌ر که‌ناڵه‌کانی میدیا ، ڕێکخراوه مرۆڤ دۆسته‌کان ،
په‌ڕله‌مانه‌کان دادگای مافی مرؤڤ ئه‌وڕپیدا. ئاخر
وڵاته‌کی ملهؤر و که‌مالیستی وه‌ک تورکیا ئه‌گه‌ر ئه‌و
فشارانه‌ی له‌سه ر‌نه‌بێت ، چؤن بوار به‌و بارودۆخه‌ی ئێستای
کوردستانی باشوور وباکور ده‌دات؟؟.
ده‌سه‌ڵاتی کوردیش قۆناخی به‌داخه‌وه ی به‌سه‌ر چوو ، چونکه
ئه‌وه‌نده‌ی ئاماژه‌ی به‌ترسناکی ئه‌و مامه‌ڵه‌یان له‌گه‌ل
جه‌ماوه‌ر پێ ده‌درێت ، که‌چی هیچ سه‌نگێک بۆ ئه‌و
ده‌نگانه دانانێت ، که‌له‌په‌رۆشی به‌ره‌و پێشبردنی ئه‌و
ئه‌زمونه‌ی کوردستان دایه، هه‌ر بۆیه ئه‌وه‌ی به‌نده
بیزانێت له‌به‌رامبه‌ر زۆربه‌ی ئه‌و پێشێلکاریانه‌ی دژ با مافی
مرۆڤ ده‌کرێت به‌شێوه‌ی ئاشکراو نهێنی ده‌یان وسه‌دان تاکی
کورد له هه‌نده‌ران و کوردستان ئاگاداری ئه‌و ڕێکخراوانه
ده‌که‌نه‌وه ، که‌به‌نده به‌رده‌وام یه‌کێکم له‌و خه‌ڵکانه
که‌له‌و بروایه‌دام که‌ده‌سه‌ڵاتی کوردی شه‌رم وترس ته‌نیا
له‌زمانی بیانی ده‌کات . وه خه‌ریکه ده‌سه‌ڵاتی کوردی به
و ملهوڕیه سیاسیه‌ی که له به‌ڕێوه‌بردنی کوردستاندا
په‌یڕه‌وی ده‌کات ، ئه‌و دۆستایه‌تیه‌ی له‌سه‌ر قوربانی
تاک و به‌کۆمه‌ڵی کورد له‌کیمیاباران و ئێسک و پڕۆسکی منداڵی
ئه‌نفال و فرۆشتنی کچانی کورد به‌وڵاتانی عه‌ره‌بی به‌ده‌ست
هاتووه ، بیدؤڕێنین ، له‌به‌رامبه‌ر گه‌نده‌ڵی و مافیایی
به‌شێکی زۆر له به‌رپرسانی کورده‌وه، که به ڕۆژی
ڕووناک هه‌موو لایه‌کمان هه‌ست به‌وه ده‌که‌ین ، که‌به‌شێکی
گرنگ له‌داهاتی ئه‌م گه‌له بۆ کۆشکه به‌رزه‌کانی ژیانی خۆیان
و ماڵ ومندال و ژماره سفره زۆره‌کانی پاره‌ی
بانقه‌کانیانه، ئه‌مه جگه له‌و پێشێلکاریانه‌ی مافی مرۆڤ
که ئه‌نجامی ده‌ده‌ن .
بۆ
راستی ئه‌م ئاخافتنانه‌ش ئه‌گه‌ر ته‌نیا وه‌ک نمونه
په‌روندی که‌مالی سه‌ید قادر له شێوه‌ی گرتن و زیندانی
کردنی به 30 سال وه‌ربگرین ، بێ دودڵی ده‌لێم زۆرینه‌ی ئه‌و
ڕێکخراوه جیهانیانه ی که داکۆکی له ئازادی پێنوس و مافی
مرۆڤ ده‌که‌ن ، که‌مپینیان دژ به پارتی دیموکراتی کوردستان
له‌سه‌رتاسه‌ری جیهاندا کرد ، ئه‌مه جگه‌له‌میدیاو هه‌ندێ
په‌ڕله‌مانی جیهانی که‌له‌سه‌رجه‌م ئه‌مانه‌دا، تێك شکانه‌کی
زۆر گه‌وره‌ی سیاسی ڕوبه‌ڕوی کێشه ی کورد کرده‌وه ،
که‌لێره‌دا ته‌نیا ووته‌ی 2 ڕۆژنامه‌نوسی سویدی باس ده‌که‌م
که له دیداره‌کدا ، پێیان ڕاگه‌یاندم ، ئێوه تادوێنێ
خۆتان دژ به‌و سیسته‌مه کارتان ده‌کرد چۆن وا به‌خێرایی خۆتان
هه‌مان سیسته‌م په‌یره‌و دکه‌ن .
وه
ئه‌و ڕاپۆڕته‌ی مافی مڕۆڤی وه‌زاره‌تی ده‌ره‌وه‌ی ئه‌مه‌ریکاش
سه‌ره‌تایه‌کی یه‌کجار مه‌ترسیداره ، که ده‌سه‌ڵاتی کوردی و
کێشه‌ی ڕه‌وای خه‌ڵكی کوردستان ڕوبه‌ڕوی ئاینده‌یه‌کی
مه‌ترسیدار کردۆته‌وه ، که ده‌بێته له‌ده‌ست دانی
ده‌یان و سه‌دان دۆستی کورد له که‌سایه‌تی سیاسی و
ڕۆژنامه‌نووس ،هونه‌رمه‌ند ...... ئه‌مه جگه له دوایین
هه‌ڵوێست که که خه‌لیلزاد له‌کاتی مالئاوایی کردنی له
پله سیاسیه‌که‌ی له عێراقدا وه‌ک زه‌نگێک ، جوانترین
په‌یامی بۆ خه‌ڵکی کوردستان و ده‌سه‌ڵاته سیاسیه‌که‌ی
ڕاگه‌یاند که گه‌نده‌ڵی مه‌هێڵن. ئه‌م وته‌یه بۆ خه‌ڵكێك
که که‌مێك شاره‌زایی سیاسی هه‌بێت ، له‌به‌رامبه‌رکامیرای
میدیاکان په‌یامه‌کی مه‌ترسیداره له‌سه‌رمان .
ئاخرده‌سه‌ڵاتی ئیـمڕۆی کوردستان چی هه‌یه و کام کارتی سیاسی
له‌ناوچه‌که و دۆستی ده‌وڵه‌تی هه‌یه؟ تا ئاوا بێباکانه
له به‌رێوه‌بردنی ده‌سه‌ڵاتدا خۆی قێزه‌وه‌ن بکات له‌جیهاندا
؟ ولاته‌کی وه‌ک ئه‌مه‌ریکا که گه‌وره‌ترین زلهێزی جیهانه
، ترسی خۆی هه‌یه له ڕێکخراوه‌کی وه‌ک ئه‌منستی ، وه‌ک ئه‌و
ره‌خنه توندانه‌ی ئه‌و ڕێکخراوه له‌به‌رامبه‌ر زیندانیانی
گوانتانامۆ گرتیه به‌ر ... که‌چی ده‌سه‌ڵاتی کوردی تائیستا
زۆر بێ باکانه مامه‌ڵه له‌گه‌ڵ پێشێلکاری مافی مرۆڤ ده‌کات؟؟
بۆیه
ئه‌رکی هه‌موومانه فشاری زیاتر و هه‌مه‌جۆرتر له‌به‌رامبه‌ر
ده‌سه‌ڵاتی کوردی ساز بکه‌ین ، تا سه‌رجه‌م ده‌ست که‌وته‌کانی
نه‌کردۆته ، قوربانی پاوانخوازی کۆمه‌ڵێک سه‌رکرده ، که
واده‌زانن ده‌سه‌ڵات ئه‌به‌دیه‌و جیهانیش به‌س سه‌ری ره‌ش و
`قه‌ڵاچؤڵانه .
|