|
16
ساله له‌کوردستان ، یه‌کێتی و پارتی ، له‌هه‌وڵدانێکی
به‌رده‌وامن بۆ کپکردنه‌وه‌ی ئه‌و ده‌نگانه‌ی که تێڕوانینیان
جیایه ، که له‌م ماوه‌دا شێوازی زه‌بروزه‌نگ ،
تۆقاندن ، تیرۆر ، گرتن ، دابڕان له‌خۆشگوزه‌رانی ، ئابلۆقه‌ی
ئابوری و فشاری سیاسی هه‌مه‌جۆری به‌شێکی گرنگی ئه‌و
فشارانه‌یان بووه . سه‌رجه‌م ئه‌م هه‌وڵانه به سود
وه‌رگرتن له ده‌سه ڵاتی ئیداری وسیاسی مادی حکومه‌ت
وپه‌ڕله‌مان وه‌ریان گرتوه . هه‌ر ئه‌مه‌ش وای کرد
تاراده‌یه‌کی زۆر سه‌رکه‌وتوو بن له‌و کاره دزێوه‌یان،
به‌تایبه‌تی به‌هۆی خراپی باری ئابوری خه‌ڵک و دامه‌زراندن
هاوڵاتیان له پله سیاسی و ئیداریه‌کاندا ، وه ته‌خشان و
په‌خشانکردنی داهاتی خه ڵکی کوردستان له‌بڕی خزمه‌تگوزاری
له ده‌ستکه‌وته حزبیه‌کانیانه‌وه . ئیمڕۆش له‌کوردستان
تاراده‌یه‌کی زۆر ده‌نگێکی پارت ، ڕێکخراوی سیاسی وا نابینی
که هه‌ڵوێست له‌سه‌ر مه‌سه‌له جدیه‌کان وه‌ربگرێت .
چه‌ند
سالێکه به‌هۆی کۆمه‌لێک بواری هه‌مه‌لایه‌نه ی ده‌ره‌کی
وناوه‌خۆیی وه‌ک بونی ده‌زگای ئه‌لکترۆنی سه‌ربه‌خۆ له
ماڵپه‌ر ، رۆژنامه ، ژوره‌کانی پالتاڵک ، ...... که
ده‌سه‌ڵاتی کوردی ناتوانێت هیچ رێگایه‌کی زه‌بروزه‌نگ
له‌به‌رامبه‌ریدا به‌کاربهێنێت ، ئه‌مه جگه له
گه‌شه‌سه‌ندنی بیری هوشیاری ده‌یان و سه‌دان ده‌نگی گه‌نجی
ڕۆشنبیر وڕۆژنامه‌نوس له‌نیشتماندا، ، وه ڕوخانی ڕژێمی
سه‌دام و هاتنی ئه‌مه‌ریکا بۆ ناوچه‌که ، چاودێری کردنی
ده‌یان و سه‌دان ده‌زگای سیاسی و ڕێکخراوه‌یی مافی مرۆڤ و
په‌رله‌مانی ئه‌ورپی له شێوازی به‌ڕیوه‌بردنی ده‌سه‌لاتی
کوردیدا ....... سه‌رجه‌م ئه‌مانه وای کردوه ئه‌و بواره
بۆ ڕۆژنامه‌نوسان زیاتر بێته ئاراوه ، وه ئه‌گه‌ر
به‌راشکاوی بڵێین تاکه هێزێ‌ک که ئیمڕۆ ڕه‌خنه‌گرو
ئۆپزسیۆنی راسته‌قینه‌ی ده‌سه‌ڵاتی کوردی بێت ، زۆرینه‌ی
ئه‌و که‌ناله راگه‌یاندنانه‌یه که له هه‌نده‌ران و
نیشتمان ڕۆژ له‌دوای ڕۆژ له‌گه‌شه سه‌ندن دایه ، که
ده‌تونین بلێین وه‌ک سه‌ره‌تایه‌ک ده‌سه‌لاتی تاکڕه‌وی پارتی
و یه‌کێتی هه‌راسان کردوه.
.
هه‌ربۆیه ماوه ماوه شێوازی زه‌بروزه‌نگ ، ته‌خشان و
په‌خشانی داهاتی گه‌ل بۆ کڕینی ده‌نگه جیاکانی خۆیان ده‌ده‌ن
ئه‌مه‌ش زۆری له‌لایه‌ن ده‌ڵاڵه پێنوس فرؤشه‌کانیانه‌وه
ئه‌نجام ده‌درێت
فشارو
هه‌ره‌سه‌کانی ئه‌م دوایه‌ش بۆ سه‌ر ڕۆژنامه‌نوسان( ڕه‌حمان
خه‌ریب ، ڕزگار کۆچه‌ر ، نه‌به‌ز گۆران ) ده‌گه‌رێته‌وه بۆ
ئه‌و مللانێیه‌ی که ماوه ماوه مامه‌له له‌گه‌ل
ڕۆژنامه‌نوسان ده‌که‌ن تا وه‌ک په‌یامێك ، چاوترسێنی
ڕۆژنامه‌نوسان بکه‌ن ، یان به‌لایه‌نی که‌مه‌وه له‌ئاستێک
رای بگرن که ده‌سه‌لات خۆی بخاته‌وه قۆناخی هێڕش بردنه‌وه.
هه‌ق
وابوو هه‌موو که‌س په‌نا بۆ زه‌برو زه‌نگ ببات
ده‌سه‌ڵاتدارانی پارتی ویه‌کێتی ئه‌م ڕێچکه‌یان نه‌گرتایه‌ته
به‌ر ، ئاخر خۆ ئه‌وان هێشتا زه‌برو زه‌نگی دوێنی ڕژێمه
سه‌دامیان له‌یاده که لوتکه‌ی گه‌یشته جینۆساید کردنی کورد
، که‌چی ئه‌م ڕژێمه‌ش ڕوخاو ئه‌و ده‌سه‌لاته‌ش بۆ کورد هاته
ئاراوه .
ئه‌مه
جگه له‌وه‌ی زۆر که‌سایه‌تی نیشتمانپه‌روه‌ری وه‌ک شه‌هیدان
ره‌ئوف کامل ، ڕێناس ، عه‌لی بۆسکانی ، حه‌مه حه‌لاق و
هاوڕیکانی ومامۆستا ئه‌مینی جوتیاران و نه‌زیر عومه‌ر،
ئه‌بوبه‌کر عه‌لی ....تان تیرۆر کرد، زۆر پارتی گه‌وره‌ی وه‌ک
سۆسیالست ،حزبی شوعیتان بچوک کرده‌وه ، سه‌دان و هه‌زاران
ڕۆشنبیری کوردله‌دژی ڕه‌فتاره‌کانی ئێوه ڕێگای
هه‌نده‌رانیان گرته به‌ر ، زۆر پارت و ڕێکخراوی تریشتان به
داهاتی منالانی هه‌له‌بجه و ئه‌نفال ته‌خشان و په‌خشان کرد
زۆر جاری تریش ڕۆژنامه‌نوستان زیندانی و ئازارداوه ...... زۆر
شێوه ئابلۆقه‌شتاب خستۆته سه‌ر ئه و خه‌ڵکه‌ی که تادوێنی
له‌شاخدا وانه‌ی ئازادیتان دژ به زۆرداران فێر ده‌کرد و
ئیمڕۆش خۆتان بونه‌ته ئه‌و زۆرداره ...زۆرتان کرد زۆر .
به‌لام
ئاکام نه‌تان توانی هه‌موو ده‌نگێک کپ بکه‌نه‌وه ، ئاخر بیری
ئازادی ڕه‌وتێكی مێژویه ، هیچ هێزو ده‌سه‌لاتێک
نه‌یتوانیوه پێشی بگرێت ، ئێوه‌ی ساوای ده‌سه‌لات و بێ
ئه‌زمون چۆن ده‌توانن کپی بکه‌نه‌وه . له‌یادتان نه‌چیت
ئێوه به ئێزگه‌یه‌کی شرو شه‌قه‌وه ، ووته تیۆریه‌کانی
په‌ڕتوکه‌کانتان له‌وانه‌ی ڕاپه‌رین و شؤرشتان کرده
کره‌دوه‌یه‌کی ڕاستی ، که‌چی ئیمڕۆ ده‌یان که‌ناڵی
هه‌مه‌لایه‌نی راگه‌یاندن هه‌یه که هیچ هێزه نیه پێشی
بگرێت وه ئه‌و مینبه‌رانه‌ش له‌سه‌رتاسه‌ری جیهان بۆ
له‌ناوبردنی دیکتاتۆریه‌ت هاتونه‌ته ئاراوه.
|