بۆ پشتیوانیکردن له‌م بانگه‌وازه‌ کلیکی ئێره‌بکه‌ن

ڕوون کردنه‌وه‌یه‌ک له‌که‌مپه‌ینی به‌دادگاگه‌یاندنی ‌موسته‌شارو
 جاشه‌ تاوانباره‌کان و ده‌ست و پێوه‌نده‌کانی ڕژێمی به‌عسه‌وه‌

  

 

داخوازینامه بۆ به‌دادگاگه‌یاندنی ‌موسته‌شارو
جاشه‌ تاوانباره‌کان و ده‌ست و پێوه‌نده‌کانی ڕژێمی به‌عس.

ته‌مه‌نی زیاتر له‌ 35 ساڵی ڕژیمی به‌عس به‌خوێنی هه‌زاران قوربانی نوسرایه‌وه‌،ئه‌م ڕژێمه‌ به‌ئاگرو ئاسن و سه‌رکوت و له‌ناوبردن و له‌زینداندا ڕزاندنی هه‌زاران که‌سی تێکۆشه‌رو، دواتر لیستی تاوانه‌کانی به‌کیمیاباران و ئه‌نفال و جینۆسایدی خه‌ڵکی کوردستان گه‌یشته‌ لوتکه‌ی دڕنده‌یی خۆی،له‌هیچ که‌سێکی خه‌ڵکی کوردستان شاراوه‌ نیه‌ که‌ئه‌م تاوانانه‌ به‌بێ هاوکاری و پێش له‌شکری ژماره‌یه‌کی فراوان له‌ تاوانباری  ئه‌ندامانی به‌عس و‌‌ سه‌دان( ئه‌من) و (موخابه‌رات) و (هێزی ته‌واری ) و (جاش) و(موسته‌شار) و سوپای عێراق سه‌دان ده‌زگای تری سه‌رکوت و کوشتن به‌ڕیوه‌چوون،سه‌ره‌ڕا‌ی نیگه‌رانی که‌س و کاری قوربانیه‌کان و ئه‌نفالکراوه‌کان و سه‌دان ڕۆشه‌نبیرو هه‌مووکه‌سێکی ئازادی خوازو ئینساندۆست‌ له‌کوردستان و ده‌ره‌وه‌ش ‌ئه‌م تاوانبارانه‌ تائێستاسه‌ره‌ڕای ده‌ستگیرۆی کردنیان ‌و پاراستنان و پێدانی پۆستی سیاسی و  حیزبی و ئیداری ،له‌به‌رانبه‌ر هه‌مووداواکاریه‌کی ڕه‌وای قانونی و مافه‌کانی قوربانیه‌کاندا له‌دادگاکانی کوردستاندا، تائێستا حکومه‌تی هه‌رێمی کوردستان هیچ هه‌نگاوێکی نه‌ناوه‌ و به‌داخه‌وه‌ش که‌ زۆرێک له‌وتاوانبارانه‌ له‌په‌نای ده‌سه‌ڵات و حیزبه‌ده‌سه‌ڵاتداره‌کاندا خۆیان له‌دادگا پێ به‌رزتره‌و ئاماده‌ی چوونه‌دادگانین و ئه‌و هێزانه‌ش پشت له‌قوربانیه‌کان و پشتیوان له‌تاوانباران،باکیان به‌هه‌نگاوه‌کان و داخوازیه‌کانیان نیه‌،ئێمه‌ ئه‌م ڕێکخراوو که‌سایه‌تیانه‌ی خواره‌وه‌ خوازیاری پێكهێنانی تریبۆنێکی یاساین له‌کوردستاندا بۆسه‌رنج دان و گوێگرتن له‌داخوازیه‌کانی خه‌ڵك و له‌به‌رانبه‌ریشدا ساغکردنه‌وه‌ی تاوانباری و بێتاوانی به‌شداربووانی ئه‌م تاوانه.

داخوازین که‌ په‌رله‌مان و حکومه‌تی هه‌رێمی کوردستان ئه‌م تریبۆنه‌ هه‌مواربکات و له‌ولاشه‌وه‌ گه‌ره‌نتی ئه‌وه‌بکات که‌هیچ هێزێکی سیاسی ده‌ست له‌کاره‌کانی ئه‌م تریبۆنه‌ یاساییه وه‌رنه‌دات، به‌ده‌رله‌مه‌و‌‌‌له‌کاتی درێژه‌دان به‌ ده‌ستیده‌ستی پێکردن و دواخستن و ئه‌م داخوازیانه‌و‌ پشتکردنه‌ داخوازیه‌کانی قوربانیه‌کان و خه‌ڵکی کوردستان ئێمه‌ هه‌مووڕێگایه‌کی شیاو له‌کۆمه‌ڵگای کوردستان و که‌ناڵه‌کانی ده‌ره‌وه‌و ناوه‌وه‌ ده‌گرینه‌به‌ر بۆبه‌د‌یهێنانی ئه‌م داخوازیانه‌و به‌به‌‌سزاگه‌یاندن و لێپرسینه‌وه‌یان له‌داگاکاندا و په‌رده‌هه‌ڵماڵین له‌سه‌رتاوانباران و هاوکاره‌کانیان.

        شوان داودی سه‌رنوسه‌ری هه‌فته‌نامه‌ی هه‌واڵ

        مسته‌فای حه‌سه‌نه‌ گه‌وره‌ - هه‌ڵسوڕاوی چاک-

        ئه‌میر قادر هه‌ڵسوڕاوی مافی مرۆڤ

 

 

بۆ پشتیوانیکردن له‌م بانگه‌وازه‌ کلیکی ئێره‌بکه‌ن

 
           

 

04/07/2007

 

goran@dengekan.com

 

dangakan@yahoo.ca