|
حیزبه
عه‌ربیه‌کان به زۆری تێکده‌ر و تێرورسیتن و نمونه‌ی ئه‌وانه‌ش
حیزبوڵای لۆبنان، قائیده و حه‌ماسی فه‌له‌ستینیه که‌چی یه‌ک
عه‌ره‌ب به تێرۆریستیان نازانێ و پارێزگاریشیان لێ ئه‌که‌ن،
مالکی بۆ خۆی وه‌ک عه‌ره‌ب هه‌رگیز ئاماده نیه حه‌ماس یان
حیزبوڵا به تێروریست بناسی نه‌ک له‌به‌ر ئه‌وه پێی وابێ
تێروریست نین به‌ڵکو له‌به‌ر ئه‌وه‌یه عه‌ره‌بن و تێروریستێکی
عه‌ره‌ب له لای مالکی و هه‌موو عه‌ره‌به‌کانی دیکه له
دیموکراترین هاوپه‌یمانی کورد به قه‌در و قیمه‌ت تره.
مالکی
سه‌ره‌ک وه‌زیرانی عێراقی هه‌ڵۆه‌شاوه ناتۆانی کونتروڵی دوو
گه‌ڕه‌کی به‌غدای پایته‌خت بکا و له 80% عێراقا که‌س خه‌تی
ناخۆێنێته‌وه و ئه‌گه‌ر کورد و ئیمریکا نه‌بێ له ماوه‌ی بیست
وچوار کاتژمێرا به داره‌که‌ی سه‌دام حسێنیدا ئه‌که‌ن که‌چی
ڕوو له تورکیه ئه‌کا وپه‌یمانی له ناوبردنی کورد ئه‌به‌ستێ
و جوڵانه‌وه‌ی ڕزگاریخۆازی کورد له باکوری کوردستان به
تێروریست ئه‌ناسێ.
داخدارتر له‌وه هه‌ڵۆێستی دوو وه‌زیری کورده که له‌گه‌ڵیدا
بوون و به پاناوه شه‌رمیان له خۆیان نه‌کرد و ئه‌و
په‌یمانه شومه‌یان په‌سه‌ند کرد، ئه‌وه‌ی مالکی کردی شتێکی
چاوه‌ڕوان نه‌کروا نیه! سه‌دان ساڵه عه‌ره‌ب به ناوی جیاواز
و له کات و سه‌رده‌می جیاوازا کورد ئه‌کوژن، ئه‌گه‌ر سه‌دام
حسه‌ین سه‌دان هه‌زار کوردی ئه‌نفال کرد ده‌سه‌ڵاتی هه‌بوو،
جیاوازی له‌وه‌دایه مالکی له‌و بێده‌سه‌ڵاتییه‌یدا نه‌ک کوردی
باشور به‌ڵکو هه‌وڵی قڕکردنی کورده‌کانی باکور ئه‌دا.
مالکی
پ ک ک ی به تێروریست نه‌ناساند به‌ڵکو ده‌سه‌ڵاتی باکوری
کوردستانی به تێروریست ناساند، ئه‌وه نیه سه‌رۆکح هه‌ریم
ڕیزدار بارزانی و به‌رپرسه‌کانی دیکه‌ی باشور به‌رده‌وام
ئه‌یانوت پ ک ک تێروریست نیه و کێشه‌یه‌کی سیاسی هه‌یه.
که‌وابوو مالکی وه‌ک هاوپه‌یمانی کاک مه‌سعود و کورد له
باشوری کوردستان که‌سێکی دروزن و خه‌یانه‌تکاره و هاوکات که
له هێز و توانی ئێمه که‌ڵک وه‌رده‌گرێ بۆ ده‌سه‌ڵاتی خۆی
بڕوای پێمان نیه و فاشیسته‌کانی تورکیه‌ی له هاوپه‌یمانه
پاک و دڵفراوانه کورده‌کان پێ باشتره.
پ ک ک
حیزبێکی سیاسی کۆمه‌ڵایه‌تی نه‌ته‌وه‌ی و خاوه‌ن ته‌شکیلات و
هێزی تایبه‌تی خۆیه‌تی و به مالکی له‌به‌ین ناچێ وه‌ک چۆن
ده‌یان ساڵه هه‌موو هێزی ناتۆ نه‌یتۆانیوه له‌نیوی به‌رێ
به‌ڵام پرسیار ئه‌وه‌یه که بۆچی ده‌سه‌ڵاتی کوردی ئه‌و
تاوانه‌یه‌یان ده‌رحه‌ق به خۆیان و نه‌ته‌وه‌که‌یان قه‌بوڵ
کرد؟
کورد
له‌به‌رده‌م گه‌مه‌یه‌کی تازه دایه و ئه‌گه‌ر ئاوا بڕوا
په‌یمانی جه‌زایر و لۆزان دووباره ده‌بێته‌وه و ئه‌مریکاش
به یه‌ک ڕۆژ ئه‌تۆانێ هه‌موو کورد بکاته قوربانی سیاسه‌ت و
به‌رژه‌وه‌ندیه‌کانی خۆی و به ئاشکراش نیشانی داوه که تورکی
فاشیستی له کوردی دیموکرات پێ باشتره و که‌م و زۆر په‌یمانی
نوسراوی له‌گه‌ڵماندا نیه و ئه‌وه‌ش وا ده‌کا که ئیمریکا
له‌باری ئێخلاقی زیاتر هیچ پابه‌ندیه‌کی به کورده‌وه نه‌بێ و
ئێخلاقیش له سیاسه‌ت دا حیسابی بۆ ناکرێ.
هاوکات
که مالکی پ ک ک به تێروریست ئه‌ناسێنێ و سه‌فه‌ری ئێران
ئه‌کا هێزه‌کانی سپاسی پاسدارانی ئێرانی په‌لاماری سنووری
ده‌سه‌ڵاتی حکومه‌تی کوردستان له باشور ئه‌ده‌ن و هه‌وڵی
نائارامکردنی ده‌سه‌ڵاتی کورد ئه‌ده‌ن ئه‌وه له کاتێکدایه
هێزه‌کانی پ ژاک و پ ک ک نێزیک به ده ساڵه له‌و ناوچانه‌ن و
هیچ کاتێک په‌لاماری ئێرانیان نه‌داوه.
پیلانه‌که به‌ربڵاوه و ئه‌یانه‌وێ کورد بخه‌نه
ته‌نگانه‌وه و له که‌رکوک پاشه‌کشه‌ی پێبکه‌ن و هاوکات
ده‌ستی تورکیه و ئێران واڵا بکه‌ن بۆ کوشتن و سه‌رکوتی
کوردان و له لایه‌کی دیکه‌وه هێزی کورد له باشور به‌ربه‌ست
و له قاڵب ده‌ن.
شیعه
ئێرانی هه‌یه، تورکمه‌ن تورکیه‌ی هه‌یه و سونه سعودی
پشتیوانی لێئه‌کا ته‌نیا کورده که که‌سی نیه و ته‌نیا خۆی
هه‌یه و ئه‌گه‌ر له هێزی خۆی که‌ڵک وه‌رنه‌گرێ ئه‌وا به
ئاسانی شکه‌ست دێنێ، ئه‌گه‌ر ئێمه قه‌ندیلمان نه‌بێ و ئه‌گه‌ر
کوردی به‌شه‌کانی دیکه‌ی کوردستان سه‌رکوت کران ئه‌وا حکومه‌تی
باشور به‌رگه‌ی بیست وچوار کاتژمێر ناگرێ.
مالکی
دوستی کورد نیه و مانه‌وه‌ی کورد له حکومه‌تی عێراقدا بێجگه
له کات کوشتن بۆ به هێزکردنی ده‌سه‌ڵاتێکی کورد کوژ له
عێراقی به زۆر ڕاگیراوا قازنجی دیکه‌ی بۆمان نیه و هه‌تا
زووه با ئه‌و حکومه‌ته بڕۆخێ و کورد ڕێگای خۆی بگرێته به‌ر،
کۆمه‌ڵگای ناونه‌ته‌وه‌ی و ئیمریکا ئاوڕ له کورد ناده‌نه‌وه
ئه‌گه‌ر خۆمان فه‌رز نه‌که‌ین و به ئاشکرا پاڵپشتی له یه‌کتر
نه‌که‌ین.
22/08/2007
|