به‌م دواییه‌ ئه‌نتۆلۆگیایه‌کی شیعر له‌ ده‌زگای w . w . Norton & Company له‌ ئه‌مه‌ریکا ده‌رچووه‌ به‌ناوی ( زمان بۆ سه‌ده‌یه‌کی نوێ .... شیعر له‌ ئاسیا و خۆرهه‌ڵاتی ناوین ) ه‌وه‌. کتێبه‌که 734‌ لاپه‌ڕه‌یه‌ و 400 شاعیری سه‌ر به‌ 40 زوبانی جیاجیای ئاسیا و خۆرهه‌ڵاتی ناوه‌ڕاستی له‌خۆگرتووه‌، له‌ غه‌زه‌له‌وه‌ تا هایکۆ، له‌ شیعری ئامازیغییه‌وه‌ تا شیعری کوردی. ئه‌نتۆلۆگیاکه‌ ( کارۆلاین فۆرچ ) پێشه‌کی بۆ نووسیوه‌ و له‌لایه‌ن (تینا چانگ) و (ناتالیا هاندال) و (رای شانکار) ه‌وه‌ ئاماده‌کراوه‌. شاعیرانی کورد: گۆران، کامه‌ران موکری، سه‌لیم به‌ره‌کات، شێرکۆ بێکه‌س، چۆمان هه‌ردی و دلاوه‌ر قه‌ره‌داغی له‌ به‌شدارانی ئه‌و ئانتۆلۆگیایه‌ن. شیاوی باسه‌ ئه‌نتۆلۆگیاکه‌ شیعری ئه‌دۆنیس و عه‌بدولوه‌هاب به‌یاتی و سه‌عدی یوسف و نازک الملائکه‌ و محه‌ممه‌د ماغوت و شاملۆ و سوهرابی سوپهه‌ری و نازم حیکمه‌ت و ئه‌حمه‌د ڕه‌زا ئه‌حمه‌دی و ئیسماعیل خویی و به‌در شاکر سه‌ییاب و چه‌ند شاعیرێکی تری تورک و فارس و عه‌ره‌بی له‌خۆگرتووه‌. بۆ زانیاری زیاتر ده‌توانن ته‌ماشای ماڵپه‌ڕی amazon.comبکه‌ن.

 ده‌توانن له‌م له‌م لینکه‌شدا ڕانانێکی شاعیر (میگان هارلان) به‌ زوبانی ئینگلیزی له‌سه‌ر کتێبه‌که‌ بخوێننه‌وه.‌ ‌

http://jpicforum.info/wide-world-poetry-news/language-new-century-poetry-asia-6033.html