خۆشه‌ویستی  .. ڕۆژی یه‌کشه‌مه

نزار قه‌بانی

و /به‌ندی علی

 

 (3)

ئه‌یانه‌وێ که‌مێ پشوو بده‌م

له‌خۆشه‌ویستی..ڕۆژی یه‌کشه‌مه

ئه‌ی کێ وتی

من هیلاکم له‌وه‌ی له‌عیشقا بمرم و

ده‌ستم کێشاوه‌ته‌وه‌ له‌سه‌مای سه‌ر کڵپه

ئه‌ی چۆن به‌رنامه‌ڕێژی دڵم بکه‌م

تا خۆشی نه‌وێیت..ڕۆژی یه‌کشه‌مه

ئه‌ی چۆن زارم فێری ئه‌وه‌ بکه‌م

ماچت نه‌کا..ڕۆژی یه‌کشه‌مه‌ و

سه‌برم ڕاهێنم به‌سه‌بر

ڕۆژی یه‌کشه‌مه

وه‌چۆن به‌شیعرم بڵێم

چاوه‌ڕێم که‌،تاکو دوای ڕۆژی یه‌کشه‌مه

که‌ئه‌و ڕۆژه‌ی تێیدا نه‌تبینم

زه‌بوونه

(4)

زۆر..خۆشم ئه‌وێی

وه‌ڕارا‌ ئه‌بم ، ئه‌و ڕۆژه‌ی

ڕاچڵه‌کینێ به‌رپانه‌که‌ی له‌ژیانماو

کوده‌تایه‌ک به‌سه‌ر شیعرما

وه‌گڕ به‌رنه‌ده‌یته‌ وشه‌کانم

 

(5)

زۆر..خۆشم ئه‌وێی

ئه‌وه‌ش ئه‌متۆقێنێ که‌چرکه‌کان

تێپه‌ڕن و ئاوریشمی ده‌ستت

 نه‌که‌م به‌سه‌رین و

له‌سه‌رگۆی مه‌مکه‌کانت

کۆتر ئاسا ، هه‌ڵنه‌کوڕمێم

وه‌به‌تیشکی مانگ..خۆم نه‌شۆم

دووانت شیعره‌و

بێ ده‌نگیت شیعر

خۆشه‌ویستیشت ، بروسکه‌ ئاسا

به‌نێو ده‌ماری خوێنما ڕائه‌کاو

گورز ئه‌وه‌شێنێ

چون قه‌زاو قه‌ده‌ر

 

 یولیی 2008

             

 

 

 
           

 

06/07/2008

 

goran@dengekan.com

 

dangakan@yahoo.ca