|
هه‌فته‌ی هه‌ڵمه‌تی به‌جه‌نه‌ساید ناساندنی ئه‌نفاله‌كان له
به‌ریتانیا
ناوه‌ندی چاك/ به‌ریتانیا به هاوكاری ڕێكخراوی "هاوكاری
ئه‌رمه‌نیه‌كان" له‌ماوه‌ی هه‌فته‌یه‌كدا سێ ئێواره كۆڕ له
په‌رله‌مانی به‌ریتانیا ساز ده‌كات بۆ كۆمه‌ڵێك نوسه‌ر و
ڕۆشنبیر و قانونی كورد و ئه‌رمه‌نی له‌سه‌ر پرسی شاڵاوه‌كانی
ئه‌نفال و به‌جه‌نه‌ساید ناساندنی ئه‌و شاڵاوانه.
یه‌كه‌م ڕۆژی ئه‌و چالاكیانه‌مان به یاده‌وه‌ری 21 ساڵه‌ی
سه‌رده‌شت ده‌ست پێكرد، كه ڕۆژی هه‌ینی 27ی مانگی شه‌ش له
زانكۆی (SOAS)
به سه‌ركه‌تویی ئه‌نجام درا.
ئێواره كۆڕه‌كانی داهاتوو ڕۆژانی 8 و 9 و 14/7/2008 ساز
ده‌كرێن به ئاماده‌بوونی ژماره‌یه‌كی زۆری په‌رله‌مانتار و
سیاسه‌تمه‌دار و به‌رپرس و خه‌ڵكی تر به‌گشتی.
ئێواره‌كۆڕه‌كان زه‌مینه خۆشكردنن بۆ ئه‌و هه‌ڵمه‌ته‌ی كه
ناوه‌ندی چاك/ به‌رتانیا گرتوویه‌تیه به‌ر بۆ كۆكردنه‌وه‌ی
واژۆی په‌رله‌مانتارانی به‌ریتانیا بۆ به جه‌نه‌ساید ناساندنی
ئه‌نفاله‌كان، كه تا ئێستا هه‌نگاوێكی باشی بڕیوه.
ئێمه داوا له هه‌موو دڵسۆزانی گه‌له‌كه‌مان ده‌كه‌ین كه
پشتیوانی له هه‌ڵمه‌ته‌كه‌مان بكه‌ن بۆ به ئاكام گه‌یاندنی
ئه‌و هه‌ڵمه‌ته و به‌ئاگاهێنانه‌وه‌ی ویژدانی ئه‌و وڵاته بۆ
ئاوڕدانه‌وه‌یه‌ك له پرس و داواكاریه‌كانی گه‌له‌كه‌مان.
شوێنی كۆڕ: په‌رله‌مانی به‌ریتانیا ژووری
P
پارتیكوله‌ر هاوس (ژووری نوسینگه‌‌كانی ئه‌ندامانی
په‌رله‌مان).
ئه‌دره‌سی ته‌واو:
Portcullis House is on Victoria Embankment
Bridge Street corner next to Westminster tube station(facing
parliament)
بۆ زانیاری زیاتر په‌یوه‌ندی بكه‌ن به‌و ئیمێل و ژمارانه‌وه:
عه‌دنان كۆچه‌ر :
07709435998
ئیبراهیم مه‌لازاده : 07515891499
ئیمێل :chakberitania@yahoo.co.uk
ناوه‌ندی چاك/ به‌ریتانیا
03-07-2008
|
