کتێبی (جه‌هاله‌تی ئیسلام و دونیای هاوچه‌رخ) ده‌کرێته‌ کتێبێکی ده‌نگی.
 
 

ئه‌م بابه‌ته‌ له‌ ماڵپه‌ری (دواڕۆژ)ه‌وه‌ وه‌رگیراوه‌

دوای هانابردنی ئیسلامییه‌کان و پاڕانه‌وه‌یان له‌ سه‌رۆکی هه‌رێم و حکومه‌تی هه‌رێم بۆ ئه‌وه‌ی ده‌نگی ڕه‌خنه‌گران ببه‌ستن مافی نووسه‌ران پێشێل بکرێ و ئیدی که‌س نه‌توانێ ڕه‌خنه‌ له‌ ئیسلام بگرێ، دادگا بڕیاڕیدا کتێبی جه‌هاله‌تی ئیسلام و دونیای هاوچه‌رخ له‌ کتێبخانه‌ و بازاڕه‌کانی کوردستان کۆ بکرێنه‌وه‌ و کتێبه‌که‌ قه‌ده‌غه‌ بکرێ.

مژده‌ بۆ خوێنه‌ران له‌ کوردستان، له‌ داهاتوودا کتێبی "جه‌هاله‌تی ئیسلام" ده‌کرێته‌ ده‌نگ، به‌ ده‌نگی گه‌رمیانی ده‌خوێندرێته‌وه‌ و له‌ ماڵپه‌ڕه‌کانی دواڕۆژ و خوداکان بڵاو ده‌کرێته‌وه‌.
کتێبی "جه‌هاله‌تی ئیسلام" به‌ بڕیاری دادگایه‌کی هه‌ڵسوڕاوی ئیسلامی کۆتایی پێ نایه‌ت، به‌ڵکو ده‌ست پێ ده‌کات.

کتێبی جه‌هاله‌تی ئیسلام و دونیای هاوچه‌رخ نووسینی ئارام ڕه‌شید، هیچ کاتێک وه‌ک ئێستا خه‌ڵکی ئه‌وه‌نده‌ تامه‌زرۆی خوێندنه‌وه‌ی‌ کتێبی جه‌هاله‌تی ئیسلام و دونیای هاوچه‌رخ نه‌بوون. له‌وه‌تی دادگای هه‌ڵسوڕاوی ئیسلامی بڕیاڕی کۆکردنه‌وه‌ی کتێبی (جه‌هاله‌تی ئیسلام)ی داوه‌ خه‌ڵکی زۆر تامه‌زرۆی خوێندنه‌وه‌ی کتێبه‌که‌ن.


ئایه‌ ئه‌م کتێبه‌ چی تێدا بێ؟!
ئایه‌ کتێبی "جه‌هاله‌تی ئیسلام" چ ڕه‌خنه‌یه‌کی تێدایه وا ئیسلامیه‌کان که‌وتنه‌ هاوار و پاڕانه‌وه‌، "خوایه له‌ ته‌پڵی سه‌ری ئارام ڕه‌شید بده‌ی؟! خوایه پێش چاره‌سه‌کردنی کێشه‌ی نه‌وت و گاز زمانی ئه‌و نووسرانه‌ به‌بڕین چێ که‌ ڕه‌خنه‌ له‌ دینی ئیسلام ده‌گرن.


کتێبی "جه‌هاله‌تی ئیسلام" ئه‌گه‌ر له‌ بازاڕه‌کانی کوردستانیش به ‌قاچاخی بفرۆشرێ ئه‌وه‌ له‌ ئینته‌رنێت هه‌یه‌، به‌ ئازادی، له‌ دواڕۆژ و خوداکان و زۆر ماڵپه‌ری دیکه‌ش هه‌یه‌ و خوێنه‌رانی کورد ده‌توانن له‌وێ دایگرن و بیخوێننه‌وه‌.
www.xwdakan.com & www.diwaroj.com
 

 
           

 

30/06/2008

 

goran@dengekan.com

 

dangakan@yahoo.ca