|
چه‌ند ڕۆژێک له مه‌وبه‌ر ، به ڕێکه‌وت له سایتی "
کوردستان پۆست " نووسینێکی تاڤگه سابیرم بینی به
ناوی ( پارتی به زمانی خوێن قسه‌مان له‌گه‌ڵ ده‌کات )
ئه‌م تایتله سه‌رنجی ڕاکێشام ، چونکه نزیک بوو له
تایتلی نووسینێکی خۆمه‌وه .. نووسینه‌که‌ی من به
ناوی ( ده‌سه‌لاتی کوردی و زمانی خوێن ) ه‌وه بوو .
کاتی خۆی که شه‌هیدی قه‌ڵه‌م " سۆرانی مامه حه‌مه "
تیرۆر کرا بوو ، له ته‌مموزی 2008 نووسیبووم .
وتاره‌که‌ی تاڤگه‌م خوێنده‌وه .. دوای پێشه‌کیه‌کی
کورت ، وتاره‌که‌ی خۆمم بینی ، زۆر سه‌یرم پێهات ..!
نه بڕگه‌یه‌ک نه دووان ، ته‌واوی وتاره‌که‌می
به‌کارهێنابوو ، له‌وه‌ش سه‌یرتر ئه‌وه بوو ، له
کۆتایی وتاره‌که‌ی نه تێبینیه‌کی نووسیبوو ، نه
ئیشاره‌ی به ناوی من دا بوو ..! من له وتاره‌که‌مدا
، له‌گه‌ڵ ده‌سه‌ڵاتی کوردی قسه‌ده‌که‌م و ده‌سه‌ڵاتی
کوردیم به‌رپرس کرد بوو له تیرۆر کردنی سۆرانی مامه
حه‌مه ، وه مه‌ترسی ئه‌م ده‌سه‌ڵاته‌شم باس کردبوو ،
وه ئاینده‌یه‌کی ڕه‌ش و ترسناکی کۆمه‌ڵگه‌ی کوردیم
له‌ژێر چه‌تری ئه‌م ده‌سه‌ڵاته پێشبینی کرد بوو ..
به‌ڵام تاڤگه سابیر هاتووه وتاره‌که‌می
به‌کارهێناوه ، به‌س هێنده هه‌یه ئه‌م به دژی
تیرۆرکردنی سه‌رده‌شت عوسمان هاتۆته ده‌نگ و ڕووی
ده‌می له پارتیه ، ناوی سۆرانی مامه حه‌مه‌ی
گۆڕیوه به ناوی سه‌رده‌شت عوسمان ، وه ده‌سه‌ڵاتی
کوردی گۆڕیوه به پارتی .. ئیتر جگه له گۆڕینی
ئه‌م دوو ناوه ، ته‌واوی وتاره‌که‌می به‌کارهێناوه
ته‌نانه‌ت له که‌وانه و نوخته و فاریزه‌کانیش
خۆشنه‌بووه ..! دیاره ئه‌م کاره‌ی تاڤگه سابیر
کارێکی نه‌شیاو و نه‌گونجاوه له‌گه‌ڵ به‌ها و پڕنسیپی
نووسین ناته‌با دێته‌وه ..! چونکه ناکرێت تۆ وتاری
که‌سێکی تر به‌ناوی خۆته‌وه باکار بهێنیت به‌بێ
ئه‌وه‌ی ناوی نووسه‌ره‌که بهێنیت ، به‌ڵکو ته‌نها
ئه‌گه‌ر بڕگه‌یه‌ک و ده‌سته‌واژه‌یه‌کیش به‌کار بهێنیت
، خۆ ئه‌گه‌ر ناوی نووسه‌ره‌که‌ش نه‌هێنیت ده‌کرێ
بیخه‌یته نێو که‌وانه‌وه به مانای ئه‌م بڕ گه‌یه
یان ئه‌م قسه‌یه هی خۆم نیه ، وه‌رگیراوه ، به‌ڵام
بۆ وتارێک به کاملی ناتوانیت که‌وانه به‌کاربهێنیت ،
له‌م باره‌دا هیچ ڕێگای تر نیه هه‌ر ده‌بێت ناوی
نووسه‌ره‌که بهێنیت .به‌ڵام تاڤگه ئه‌مه‌ی
نه‌کردووه ..! ده‌خوازم ئه‌وه‌ش بڵێم ، هاتنه ده‌نگ
به دژی کوشتن و تیرۆر کارێکه جێگای ڕێزه ، به‌ڵام
چۆن هاتنه ده‌نگێک ..؟! سه‌یره‌که له‌وه‌دایه ،
تاڤگه ویستوویه‌تی به دژی تیرۆر ده‌نگ هه‌ڵبڕێ
به‌ڵام ، به‌ئاگاهانه و زۆر به ساده‌یی خۆی له
گه‌رده‌لوولی تیرۆرێکی تر ئاڵاندووه ..! ئاخر تیرۆر
به مانا گشتیه‌که‌ی یانی سڕینه‌وه یان ڕه‌شکردنه‌وه
، بۆ نموونه تیرۆری مرۆڤ به‌مانای کوشتنی که‌سه‌که
واته سڕینه‌وه‌ی که‌سه‌که‌یه .. ئه‌م کاره‌ی تاڤگه
سابیریش من ناوی ده‌نێم ( تیرۆری نووسین ) چونکه ناوی
نووسه‌ره‌که‌ی ڕه‌شکردۆته‌وه له ژێریدا ناوی خۆی
نووسیوه .. نازانم ئه‌وه چ جۆره قه‌ڵه‌م و
ویژدانێکه ..؟ من پێمووایه ، ئه‌گه‌ر که‌سێک به خۆی
بڵێ نووسه‌ر لایه‌نی که‌م ده‌بێت ڕاستگۆ بێت له‌گه‌ڵ
قه‌ڵه‌م و نووسینه‌کانی خۆی ..! چونکه به‌ر له‌هه‌ر
شتێک ، نووسین ئه‌مانه‌تێکه به ئه‌ندازه‌ی به‌ها و
پیرۆزیه‌کانی مرۆڤ پیرۆزه ..! باوه‌ڕیشم به‌وه
هه‌یه که ، مه‌رج نیه هه‌ر که‌سێک ده‌ستی دایه
قه‌ڵه‌م و چه‌ند وشه‌یه‌ک یان چه‌ند وتارێکی نووسی ،
ئه‌وکه‌سه به مانا دروستیه‌که‌ی نووسه‌ر بێت . دوای
گواستنه‌وه‌ی وتاره‌که‌ی من بۆ نێو نووسینه‌که‌ی خۆی ،
دوای ئه‌وه نازانم چۆن چاوه‌کانی چوونه‌ته باوه‌شی
خه‌و ..؟! ئایا ده‌یه‌وێ به‌م ئیحساسه‌وه ده‌نگ
هه‌ڵبڕی و به‌رگری له ئازادی بکات ..؟! ئه‌وه چ
به‌رگری کردنێکه داده ..؟! به فێڵ و کڵاو
له‌سه‌رنانی خوێنه‌ران ، ده‌ته‌وێت گیانی سه‌رده‌شت و
گیانبه‌ختکردووانی ئازادی و قه‌ڵه‌م ئارام بکه‌یته‌وه
..؟! به‌رله‌هه‌ر شتێک وا پێویست ده‌کات گیانی خۆت
ئارام بکه‌یته‌وه ..! دوای ئه‌وه ئه‌گه‌ر ده‌زانیت
توانای نووسین له ده‌ره‌وه‌ی وزه‌و تواناکانی تۆیه ،
خۆ مه‌رج نیه ئیڵاوبیڵا هه‌ر ده‌بێت بنووسیت ..! ئاخر
جگه له‌خۆم ، دوێنێ ئیمه‌یلی به‌ڕێزێکم به ده‌ست
گه‌یشت ، بۆی نووسیبوم ( ئایا ئه‌و نووسینه هی
به‌ڕێزتانه یان له‌گه‌ڵ تاڤگه به هاوبه‌شی
نووسیوتانه ..؟! ) منیش وه‌ڵامم دایه‌وه و
ڕاستیه‌کانم بۆی باسکرد . مه‌به‌ستمه ئه‌وه بڵێم که
ئه‌مجۆره کرده‌وه ناشیرنانه به ئاسانی ڕه‌ت نابن
.. وه ئه‌وه‌ی من بیستوومه ئه‌وه یه‌که‌م جاری نیه
، پێموایه له‌گه‌ڵ نووسه‌ر و نووسینی تریش ئه‌مه‌ی
کردووه .. بۆیه ئه‌م ڕوونکردنه‌وه‌یه‌شم نووسی تاکو
خوێنه‌رانی ئازیز له‌م کاره نه‌شیاوه و له
حه‌قیقه‌تی نووسینه‌کانی ئه‌م داده‌یه تێبگه‌ن ..
له‌هه‌مانکاتیش بۆ ئه‌وه‌ی جارێکی تر کاری له‌م
چه‌شنه دووباره نه‌کاته‌وه .. وا له‌خواره‌وه
وتاره‌که‌ی تاڤگه داده‌نێم و له نێویدا ،
ئه‌وشوێنه‌ی وتاره‌که‌ی منه ، شینم کردووه ، به‌دوای
ئه‌ویش وتاره‌که‌ی خۆم داده‌نێم .. به هیوام به
خوێندنه‌وه‌ی هه‌ردوو وتاره‌که ڕاستیه‌کانی ئه‌م
روونکردنه‌وه‌ی منتان بۆ ده‌ربکه‌وێت ، که وه‌ک ڕۆژی
ڕووناک ده‌دره‌وشێته‌وه ، له کۆتایی ڕێز و
خۆشه‌ویستیم بۆ هه‌موو لایه‌ک هه‌یه و به ئومێدم
سه‌رم نه‌یه‌شاند بن .
پارتی به زمانی خوێن قسه‌مان له‌گه‌ڵدا ده‌كات
2010-05-15
تاڤگه‌سابیر:
ده‌كرێت له‌و پرسیار گه‌له‌وه ده‌ست پئ بكه‌م كه
ئاخۆ په‌یوه‌ندی پارتی تیرۆرو چیه؟ ئه‌گه‌ر پارتی
خوازیاری حكومه‌تێكی مه‌ده‌نیه، ئه‌گه‌ر پارتی
خوازیاری سه‌روه‌ری یاسایه، ئه‌گه‌ر پارتی ادعای
دیموكراسیه‌ت ده‌كات ئه‌گەر پارتی ئه‌وا ده‌زگای
تیرۆری بۆچیه ؟ كه‌واته سه‌ره‌تا وه‌لامدانه‌وه
به‌و پرسیاره‌ی كه ئاخۆ په‌یوه‌ندی نێوان (پارتی
وتیرۆر) چیه ؟ ده‌كرێ وه‌ك كلیلی چوونه نێو باسه‌كه
ته‌ماشابكرێ. پرسیاره‌كه ئه‌ویه كه ئایا پارتی
له‌پاڵ هه‌موو ادعاكانی خۆیدا په‌نای بۆ كاری تیرۆرو
تیرۆریستی برودوه ؟ وه‌لامی ئه‌م پرسیاره نه‌ك هه‌ر
ئه‌مڕۆ له زمانی یه‌كێك له‌و كه‌سانه‌وه په‌رده‌ی
له‌سه‌ر لاده‌برێت كه خۆی به فه‌رمانی ده‌زگایه‌كی
ئه‌منی پێی هه‌ڵساوه، به‌ڵكو له ڕاستیدا تیرۆر
چه‌كێكی ته‌مه‌نی درێژو یارو یاوه‌ری پارتی بووه.
كه‌به‌دلنیای به‌شێكی زۆری خه‌ڵكی كوردستان دوورو نزیك
ئاگاداری كارنامه‌ی سیاسی پارتی ئاگادارن كه چۆن
له‌هه‌ر قۆناغیكی جیاوازدا به‌پاساوی جیاواز چه‌كی
تیرۆریان بۆ ده‌سته‌به‌ركردنی ئامانجه‌كانی خۆیان
به‌كارهیناوه. هه‌ربه‌و مانایه‌ش بێ ده‌لیل نیه كه
پارتی و یه‌كیه‌تی له‌به‌رامبه‌ر به تیرۆرو مه‌رگی
سەردەشت عوسمانەدا قۆلترین بێ ده‌نگی و خۆكڕكردنیان
له‌خۆیان نیشانداوه. گروپه هاوشیوه‌كانیان نین كه
به فه‌رمانی ده‌زگا ئه‌منیه‌كانی ئه‌م حزبانه
ده‌كه‌ونه گیانی ئه‌و كه‌سانه‌ی كه له‌سه‌ر
((ئه‌منیه‌تی قه‌ومی)) مه‌ترسیان هه‌یه‌و تیرۆریان
ده‌كه‌ن؟ كه‌واته تا ڕۆشنكردنه‌وه‌و یه‌كلای
كردنه‌وه‌ی فایلی مه‌رگ وتیرۆركردنی سەردەشت عوسمانە
ته‌نیا ڕێگه به‌رپرسی كردنی ده‌سه‌لات و حیزبه
سیاسیه‌كانیانه به‌شێوه‌یه‌ك گوشارێكی گه‌وره
له‌سه‌ر ئه‌م حیزبانه دابنیریت بۆ ناساندنی
تاوانباران به‌رله‌وه‌ی كه چاوه‌ران بكه‌ین له
ئاینده‌یه‌كیتردا.
تیرۆركردنی سەردەشت عوسمانە هه‌ركێیه‌ك پێی هه‌ڵسا بێ
و به‌هه‌ر مه‌به‌ستێكه‌وه بووبێت , راسته‌وخۆ
ده‌سه‌لاتی پارتی لێی به‌رپرسه . راسته‌وخۆ مۆرێكی
ره‌شه به نێوچاوانی ده‌سه‌لاتی پارتی یه‌وه .
تیرۆركردنی سەردەشت عوسمانە به هه‌ر مه‌به‌ستێكه‌وه
بووبێت , ئه‌وه ته‌نها هه‌وڵدانێك نیه بۆ كۆتایی
هێنان به ژیان و به قه‌ڵه‌می مرۆڤێك , به‌ڵكو ئه‌وه
وه‌لامێكی زۆر راشكاوانه‌ی ده‌سه‌لاتی كوردی یه
به‌رامبه‌ر به چه‌مكی ئازادی و به‌رامبه‌ر به
قه‌ڵه‌م و وشه‌ی ئازاد . تیرۆركردنی سەردەشت عوسمانە
به هه‌ر مه‌به‌ستێكه‌وه بووبێت , كۆد و
ره‌هه‌نده‌كانی ئه‌م كاره ناشیرین و ترسنۆكانه‌یه
دوو تابڵۆی زۆر رۆشنمان پێشان ده‌دات . تابڵۆی یه‌كه‌م
ئه‌وه‌مان پێده‌ڵێت : كه‌وا ده‌سه‌لاتی پارتی
ده‌سه‌لاتێكی سه‌ركه‌وتوو و پۆزه‌تیڤ نیه . ئه‌وه‌مان
پێده‌ڵێت , كه‌وا ده‌سه‌لاتی پارتی ده‌سه‌لاتێكی
ترسنۆكه و پرا
له عه‌یب و عار . ده‌سه‌لاتی پارتی ده‌سه‌لاتێكه
ناتوانێت وه‌لام به خواست و ئومێده‌كانی كۆمه‌ڵگه
بداته‌وه . ده‌سه‌لاتێكه ناتوانێت ژیان و ئاسایش و
ئارامی مرۆڤه‌كان بپارێزێت . ده‌سه‌لاتێكه ناتوانێت
جێگای باوه‌ر و متمانه‌ی كۆمه‌ڵگه بێت . به مانای
ده‌سه‌لاتێكی نه‌زۆك و فاشیله . نه‌زۆك و فاشیل به
هه‌موو مانایه‌ك .
تابڵۆی دووه‌م ئه‌وه‌مان پێده‌ڵێت : كه‌وا ده‌سه‌لاتی
پارتی پێی ناوه‌ته قۆناغێكی تازه‌وه . كه به زمانی
خوێن قسه‌مان له‌گه‌ڵ ده‌كات. به زمانی خوێن وه‌لام
به ئومێد و خواست و مافه سه‌ره‌تاییه‌كانمان
ده‌داته‌وه . به زمانی خوێن قسه له‌گه‌ڵ خه‌ون
وخه‌یاڵ و ئاینده‌مان ده‌كات . به زمانی خوێن قسه
له‌گه‌ڵ قه‌ڵه‌م و وشه‌كانمان ده‌كات . ئه‌مه‌ش
قۆناغێكه هه‌موو جه‌لاد و دیكتاتۆر و مرۆڤكوژه‌كانی
مێژوو پیایدا رۆیشتوون . هه‌موو (فیرعه‌ون و قه‌یسه‌ر
و هیتله‌ر و هۆلاكۆ و سه‌دام و بنلادن) كانی پێیدا
رۆیشتوون . قۆناغێكه كۆد و ره‌هه‌نده كارێزماییه‌كان
له نێو تابڵۆ خوێناوییه‌كان به رووتی ده‌بیندرێن .
قۆناغێكه كۆد و ره‌هه‌نده‌كانی فاشیزم له نێو تابڵۆ
خوێناوییه‌كان به رۆشنی قسه ده‌كه‌ن . ئه‌م زمانی
خوێنه زمانێكه له نێو ناخ و خه‌یاڵ و له
نێوبیركردنه‌وه‌كانی ده‌سه‌لاتی پارتی ئاماده‌گی
هه‌یه . ئه‌م زمانه زمانی حه‌قیقه‌ت و زمانی
ناسنامه‌یی ده‌سه‌لاتی پارتیه . ئه‌م زمانه
ناسنامه‌ییه جیایه له‌گه‌ڵ ئه‌و زمانه‌ی رۆژانه
قسه‌ی پێ ده‌كه‌ن . جیایه له‌گه‌ڵ زمانی خیتاب و
رۆژنامه رووزه‌رده‌كان و راگه‌یاندنه
ریاكاریه‌كانیان . ئه‌و زمانه‌ی كه رۆژانه قسه‌ی
پێده‌كه‌ن , زمانی درۆ و فێل و ساخته و ریاكارییه !
بۆیه هه‌ڵه نه‌بووین و زێده‌رۆییمان نه‌كردبوو كه
گوتمان : ده‌سه‌لاتی پارتی, ده‌سه‌لاتێكه پاشماوه‌ی
به‌عسیزمه ده‌سه‌لاتێكه به‌رژه‌وه‌ندیه‌كانی
بنه‌ماڵه و به‌رژه‌وه‌ندیه‌كانی پیاوانی ده‌سه‌لات و
به‌رژه‌وه‌ندیه‌كانی حیزبه‌كانیان ده‌خه‌نه سه‌رووی
به‌رژه‌وه‌ندیه‌كانی كۆمه‌ڵگه‌وه . هه‌ڵه نه‌بووین
كه پراوپر بووین له نیگه‌رانی به‌رامبه‌ر به‌م
ده‌سه‌لاته‌مان . هه‌ڵه نه‌بووین كه گوتمان :
ده‌سه‌لاتی كوردی , ده‌سه‌لاتێكه له په‌نجه‌ره‌كانی
دوێنێوه ده‌روانێته ئاینده . ناتوانێت وه‌لام به
ئومێد و خواسته‌كانمان بداته‌وه و ژیان و بوون و
ئاسایشمان بپاریزێت . هه‌ڵه نه‌بووین كه گوتمان :
ئازادی و دیموكراسی و مافی مرۆڤ ئه‌م چه‌مكانه له
فه‌رهه‌نگی ئه‌م ده‌سه‌لاته بوونی نیه و ته‌نها
چه‌مكگه‌لێكن بۆ ساخته و ریاكاری به‌كاریان ده‌هێنن .
هه‌ڵه نه‌بووین كه گوتمان : هه‌موو ئه‌و قه‌ڵه
ده‌سته‌مۆ بووانه‌ی ژێر چه‌تری ئه‌م ده‌سه‌لاته
هه‌موویان قه‌ڵه‌م جاشن و مڵكه‌چ و زورناژه‌نی
ده‌سه‌لاتن . هه‌ڵه نه‌بووین كه گوتمان : سه‌رانی
ئه‌م ده‌سه‌لاته كه‌سی نیشتیمان په‌روه‌ر و دڵسۆز و
راستگۆ نین له‌گه‌ڵ به‌ڵێن و پۆست و
به‌رپرسیارێتیه‌كانیان , به‌ڵكو چه‌ند مافیا و
بازرگانێكن هاتوون بازرگانی به ژیان و ئاینده و
چاره‌نووسمان بكه‌ن .
تیرۆركردنی سەردەشت عوسمانە.. ئه‌م تابڵۆ خوێناوییه
ئه‌مه سه‌ره‌تای هه‌زاره‌ها و ملیۆنه‌ها تابڵۆی
خوێناویتره ! ئه‌م تابڵۆ خوێناوییه‌ی سەردەشت
عوسمانە, سه‌ره‌تایه‌كه بۆ دووباره‌بوونه‌وه‌ی هه‌موو
تابڵۆ خوێناوییه‌كانی دوێنێ ! ئه‌م تابڵۆ خوێناوییه‌ی
سەردەشت عوسمانە , دووباره كولاندنه‌وه‌ی برینه‌كانی
جه‌سته‌ی كۆمه‌ڵگه‌ی كوردی یه ! دووباره
سووربوونه‌وه‌ی لێوی خاكه به خوێنی برینی
ئومێده‌كانی كۆمه‌ڵگه‌ی كوردی ! ئه‌م تابڵۆ
خوێناوییه‌ی سەردەشت عوسمانە بوو به رمزی قه‌ڵه‌می
ئازاد و وشه‌ی ئازاد , ئه‌م تابڵۆ خوێناوییه‌ی سەردەشت
عوسمانە, ئێمه‌ی له خه‌وێكی قووڵ راچله‌كاند و به
ئاگایهێناینه‌وه بۆیه ئێستا سەردەشت عوسمانە هاوار و
هه‌ڵوێست و رووبه‌رووبوونه‌وه‌ی له ئێمه ده‌وێت .
ده‌سه‌ڵاتی کوردی و زمانی خوێن
لە جیاتی سەرەخۆشی و نوزانەوە با ئەم تابڵۆیە
خوێناوییەی سۆران قەبوڵنەکەین.
ناڵە حەسەن
تیرۆرکردنی سۆران هەرکێیەک پێی هەڵسا بێ و بەهەر
مەبەستێکەوە بووبێت ، ڕاستەوخۆ دەسەڵاتی کوردی لێی
بەرپرسە . ڕاستەوخۆ مۆرێکی ڕەشە بە نێوچاوانی دەسەڵاتی
کوردی یەوە . تیرۆرکردنی سۆران بە هەر مەبەستێکەوە
بووبێت ، ئەوە تەنها هەوڵدانێک نیە بۆ کۆتایی هێنان بە
ژیان و بە قەڵەمی مرۆڤێک ، بەڵکو ئەوە وەڵامێکی زۆر
ڕاشکاوانەی دەسەڵاتی کوردی یە بەرامبەر بە چەمکی
ئازادی و بەرامبەر بە قەڵەم و وشەی ئازاد . تیرۆرکردنی
سۆران بە هەر مەبەستێکەوە بووبێت ، کۆد و ڕەهەندەکانی
ئەم کارە ناشیرین و ترسنۆکانەیە دوو تابڵۆی زۆر
ڕۆشنمان پێشان دەدات . تابڵۆی یەکەم ئەوەمان پێدەڵێت :
کەوا دەسەڵاتی کوردی دەسەڵاتێکی سەرکەوتوو و پۆزەتیڤ
نیە . ئەوەمان پێدەڵێت ، کەوا دەسەڵاتی کوردی
دەسەڵاتێکی ترسنۆکە و پڕاوپڕە لە عەیب و عار .
دەسەڵاتی کوردی دەسەڵاتێکە ناتوانێت وەڵام بە خواست و
ئومێدەکانی کۆمەڵگە بداتەوە . دەسەڵاتێکە ناتوانێت
ژیان و ئاسایش و ئارامی مرۆڤەکان بپارێزێت .
دەسەڵاتێکە ناتوانێت جێگای باوەڕ و متمانەی کۆمەڵگە
بێت . بە مانای دەسەڵاتێکی نەزۆک و فاشیلە . نەزۆک و
فاشیل بە هەموو مانایەک .تابڵۆی دووەم ئەوەمان پێدەڵێت
: کەوا دەسەڵاتی کوردی پێی ناوەتە قۆناغێکی تازەوە .
کە بە زمانی خوێن قسەمان لەگەڵ دەکات. بە زمانی خوێن
وەڵام بە ئومێد و خواست و مافە سەرەتاییەکانمان
دەداتەوە . بە زمانی خوێن قسە لەگەڵ خەون وخەیاڵ و
ئایندەمان دەکات . بە زمانی خوێن قسە لەگەڵ قەڵەم و
وشەکانمان دەکات . ئەمەش قۆناغێکە هەموو جەڵاد و
دیکتاتۆر و مرۆڤکوژەکانی مێژوو پیایدا ڕۆیشتوون .
هەموو ( فیرعەون و قەیسەر و هیتلەر و هۆلاکۆ و سەدام و
بنلادن ) ەکانی پێیدا ڕۆیشتوون . قۆناغێکە کۆد و
ڕەهەندە کارێزماییەکان لە نێو تابڵۆ خوێناوییەکان بە
ڕووتی دەبیندرێن . قۆناغێکە کۆد و ڕەهەندەکانی فاشیزم
لە نێو تابڵۆ خوێناوییەکان بە ڕۆشنی قسە دەکەن . ئەم
زمانی خوێنە زمانێکە لە نێو ناخ و خەیاڵ و لە
نێوبیرکردنەوەکانی دەسەڵاتی کوردی ئامادەگی هەیە . ئەم
زمانە زمانی حەقیقەت و زمانی ناسنامەیی دەسەڵاتی کوردی
یە . ئەم زمانە ناسنامەییە جیایە لەگەڵ ئەو زمانەی
ڕۆژانە قسەی پێ دەکەن . جیایە لەگەڵ زمانی خیتاب و
ڕۆژنامە ڕووزەردەکان و ڕاگەیاندنە ڕیاکاریەکانیان .
ئەو زمانەی کە ڕۆژانە قسەی پێدەکەن ، زمانی درۆ و فێل
و ساختە و ڕیاکارییە ! بۆیە هەڵە نەبووین و
زێدەڕۆییمان نەکردبوو کە گوتمان : دەسەڵاتی کوردی ،
دەسەڵاتێکە پاشماوەی بەعسیزمە دەسەڵاتێکە
بەرژەوەندیەکانی بنەماڵە و بەرژەوەندیەکانی پیاوانی
دەسەڵات و بەرژەوەندیەکانی حیزبەکانیان دەخەنە سەرووی
بەرژەوەندیەکانی کۆمەڵگەوە . هەڵە نەبووین کە پڕاوپڕ
بووین لە نیگەرانی بەرامبەر بەم دەسەڵاتەمان . هەڵە
نەبووین کە گوتمان : دەسەڵاتی کوردی ، دەسەڵاتێکە لە
پەنجەرەکانی دوێنێوە دەڕوانێتە ئایندە . ناتوانێت
وەڵام بە ئومێد و خواستەکانمان بداتەوە و ژیان و بوون
و ئاسایشمان بپاریزێت . هەڵە نەبووین کە گوتمان :
ئازادی و دیموکراسی و مافی مرۆڤ ئەم چەمکانە لە
فەرهەنگی ئەم دەسەڵاتە بوونی نیە و تەنها چەمکگەلێکن
بۆ ساختە و ڕیاکاری بەکاریان دەهێنن . هەڵە نەبووین کە
گوتمان : هەموو ئەو قەڵە دەستەمۆ بووانەی ژێر چەتری
ئەم دەسەڵاتە هەموویان قەڵەم جاشن و مڵکەچ و زوڕناژەنی
دەسەڵاتن . هەڵە نەبووین کە گوتمان : سەرانی ئەم
دەسەڵاتە کەسی نیشتیمان پەروەر و دڵسۆز و ڕاستگۆ نین
لەگەڵ بەڵێن و پۆست و بەرپرسیارێتیەکانیان ، بەڵکو
چەند مافیا و بازرگانێکن هاتوون بازرگانی بە ژیان و
ئایندە و چارەنووسمان بکەن .تیرۆرکردنی سۆران .. ئەم
تابڵۆ خوێناوییە ئەمە سەرەتای هەزارەها و ملیۆنەها
تابڵۆی خوێناویترە ! ئەم تابڵۆ خوێناوییەی سۆران ،
سەرەتایەکە بۆ دووبارەبوونەوەی هەموو تابڵۆ
خوێناوییەکانی دوێنێ ! ئەم تابڵۆ خوێناوییەی سۆران ،
دووبارە کوڵاندنەوەی برینەکانی جەستەی کۆمەڵگەی کوردی
یە ! دووبارە سووربوونەوەی لێوی خاکە بە خوێنی برینی
ئومێدەکانی کۆمەڵگەی کوردی ! ئەم تابڵۆ خوێناوییەی
سۆران بوو بە ڕمزی قەڵەمی ئازاد و وشەی ئازاد ، ئەم
تابڵۆ خوێناوییەی سۆران ، ئێمەی لە خەوێکی قووڵ
ڕاچلەکاند و بە ئاگایهێناینەوە بۆیە ئێستا سۆران هاوار
و هەڵوێست و ڕووبەڕووبوونەوەی لە ئێمە دەوێت !
تەموزی 2008
|
