|
رفاندنی رۆژنامه‌نووس (سه‌رده‌شت عوسمان) له رۆژی
4-5-2010 له‌به‌رده‌م كۆلیژی زمانی زانكۆی سه‌ڵاحه‌دین
و له‌ناو جه‌رگه‌ی پایته‌ختی هه‌رێمی كوردستان، هه‌موومانی
له‌ناخه‌وه هه‌ژاند. ئه‌وه‌ی زیاتر ئێمه‌ی له‌ناخه‌وه
شڵه‌ژاند و خه‌مباریكردین دۆزینه‌وه‌ی ته‌رمی
ناوبراو بوو له رۆژی 6-5-2010 له‌ناوچه‌ی موسڵ.
شه‌هید كردنی هاوكارمان(سه‌رده‌شت عوسمان) كه به
ناوی(ده‌شتی عوسمان) ئاماژه‌یه‌كی تری ترسناكه بۆ
سه‌ر ژیان و گیانی رۆژنامه‌نووسانی ئازاو بوێر،
چونكه ئه‌م كاره قێزه‌ونترین كاری تیرۆریستییه
له‌دوای شه‌هیدكردنی رۆژنامه‌نووس(سۆران مامه حه‌مه)
له كه‌ركووك.
رفاندنی رۆژنامه‌نووسێك له‌ناو پایته‌ختی هه‌رێم و
دواتر بردنی بۆ ناوچه‌یه‌كی ده‌ره‌وه‌ی هه‌رێمی
كوردستان و شه‌هید كردنی جێگای پرسیارێكی گه‌وره‌یه،
چونكه ئه‌وكاره له توانای كه‌سێك یان گروپێكی
بچوكدا نییه، بۆیه پێمانوایه به پله‌ی یه‌كه‌م
حكومه‌تی هه‌رێم و هێزه‌كانی ئاسایشی هه‌رێم لێی
به‌رپرسیارن و ده‌بێت هه‌وڵی ته‌واو بده‌ن بۆ
دۆزینه‌وه‌ی ئه‌و ده‌سته ره‌شه، چونكه ئه‌ركی
پاراستنی ئاسایشی رۆژنامه‌نووسان و ته‌واوی
هاووڵاًتیان له هه‌رێمی كوردستان له ئه‌ستۆی
هێزه‌كانی پۆلیس و ئاسایشی هه‌رێمدایه. بۆیه
پێویسته حكومه‌تی هه‌رێم به جددی به‌دواداچوون
بۆ ئه‌و مه‌سه‌له‌یه بكات، به‌پێچه‌وانه‌وه بێده‌نگه
كردن و چاونوقاندن له نه‌دۆزینه‌وه‌ی بكوژه‌كان ،
ده‌بێته نه‌نگییه‌كی یه‌كجار گه‌وره بۆ ئاسایشی
هه‌رێمی كوردستان، وه‌ده‌بێته هۆیه‌كی گه‌وره‌ش
بۆ پاشه‌كشێكردن به روتی ئازادی رۆژنامه‌گه‌ری و
ملنان به‌ره‌و دواوه.
ئێمه وه‌ك كۆمه‌ڵێك نووسه‌ر و رۆژنامه‌نووسی هه‌رێمی
كوردستان ، پێمانوایه رفاندن و هه‌ڕه‌شه‌كردن له
رۆژنامه‌نووسان پێیناوه‌ته‌وه قۆناغێكی مه‌ترسیداره‌وه
كه چیتر مایه‌ی قبوڵكردن نییه و بێده‌نگ نابین،
بۆیه ئه‌گه‌ر حكومه‌تی هه‌رێم و لایه‌نه په‌یوه‌ندیداره‌كان
خه‌مساری بكه‌ن له دۆزینه‌وه‌ی ئه‌نجامده‌رانی ئه‌م
كاره تیرۆریستییه، ئێمه خۆپیشاندان ئه‌نجامده‌ده‌ین
و شێوازی دیكه‌ی مه‌ده‌نیانه ده‌گرینه به‌ر.
لێره‌وه داوا له سه‌رۆكایه‌تی هه‌رێم و په‌رله‌مانی
كوردستان و ئه‌نجوومه‌نی وه‌زیران و (UN)و
رێكخراوی (كۆمیته‌ی به‌رگری له رۆژنامه‌وانان) و
(په‌یامنێرانی بێسنوور) و (هیوامان رایتس وۆچ) و (خاچی
سوری نێونه‌ته‌وه‌یی) و هه‌موو رێكخراوه
مرۆڤدۆسته‌كان ده‌كه‌ین كه به‌دواداچوونی جددی بۆ
ئه‌م مه‌سه‌له‌ی بكه‌ن، بۆ دۆزینه‌وه‌ی ئه‌نجامده‌ران
و به‌سزا گه‌یاندنیان.
ناوه‌كان:
1- ئاسۆس هه‌ردی
2- ئه‌حمه‌د میره
3- كه‌مال ره‌ئوف
4- د.فه‌رهاد پیرباڵ
5- به‌ختیار سه‌عید
6- شوان محمد
7- عه‌دنان عوسمان
8- هه‌ڵگورد سه‌مه‌د
9- چیمه‌ن ساڵح
10- كاژاو جمال
11- ئازیز محمود
12- جه‌بار جمال غریب
13- رێبین ره‌سوڵ
14- هێمن مامه‌ند
15- سمكۆ محه‌مه‌د
16- دیار عه‌زیز شه‌ریف
17- دیار عه‌زیز مسته‌فا
18- ئیبراهیم عه‌لی
19- هێمن باقر
20- ده‌شتی سه‌باح
21- كامه‌ران محمد
22- سامان مه‌جید
23- رێبین فه‌تاح
24- عومه‌ر ستار
25- هه‌ژار ئه‌نوه‌ر
26- ئاواره حه‌مید
27- كه‌مال چۆمانی
28- بارزان حه‌سه‌ن
29- مه‌ریوان مه‌لا حه‌سه‌ن
30- بورهان قادر
31- سامان به‌شاره‌تی
32- ئیبراهیم حه‌مه‌دأمین
33- راماڵ رابوو
34- عیماد ره‌فعه‌ت
35- د.مه‌غدید سه‌پان
36- سه‌ڵاح مه‌زن
37- كاوه عبدالكریم
38- نه‌هرۆ عاڵایی
39- ئه‌ڵماس محمد
40- شیلان یاسین
41- شوان تاڤینگ
42- شلێر باپیری
43- ساڵح قادر
44- به‌ختیار پاڵانی
45- نیاز عه‌بدوڵا
46- نزار گزالی
47- ره‌سوڵ سوڵتانی
48- شه‌وقی كانه‌بی
49- هێمن مه‌لازاده
50- ئارام قه‌ره‌داغی
51- هاوكاری حمد
52- ئه‌ڵوه‌ند حه‌مید
53- زانیار ئه‌سعه‌د
54- عیسا خدر
55- هه‌نگاو هاشم
56- سه‌رخێڵ هاشم
57- شه‌ماڵ عه‌قراوی
58- له‌نجه عه‌بدوڵڵا
59- هێمن كه‌ریم مام ره‌ش
60- ئاڤان فارس جاف
61- فه‌رهاد مه‌لا حه‌سه‌ن
62- فه‌رمان سادق
63- وریا باقر
64- سامان فاروق
65- فه‌رهاد هیرانی
66- بێكه‌س حه‌مه‌د قادر
67- نامۆ عبدالله
68- نه‌به‌ز گۆران
69- بڕیار نامیق
70- بارام سوبحی
|