له‌ ڕێگای ڕاگه‌یاندنی که‌مپینی پڕۆژه‌ی په‌یکه‌ری ئازادی بۆ "سه‌رده‌شت عوسمان"ه‌وه‌، به‌ڕیوه‌به‌ری ده‌ستگای هاوپشتی، به‌کر عوسمان ناسراو به‌ ئارام عه‌لی ، ڕاگه‌یاندنی ئه‌م که‌مپینه‌ بانگه‌واز ده‌کات.

ئێمه‌ وه‌ک ده‌ستگای هاوپشتی به‌ هه‌موو توانای خۆمانه‌وه‌ به‌رپرسیارێتی به‌ڕێوه‌بردنی ئه‌م که‌مپینه‌ به‌ ئه‌رکێکی هه‌ر ئێستایی و ده‌ستبه‌جێێ خۆمان ده‌زانین و له‌ رێگای ئه‌م بانگه‌وازه‌وه‌ ده‌ستبه‌کاربوونی ئه‌م که‌مپینه‌ ڕاده‌گه‌ێنین.

ئێمه‌ له‌ ڕێگای ئه‌م که‌مپینه‌وه‌:

پڕۆژه‌ی دروستکردنی په‌یکه‌رێک بۆ سه‌رده‌شت عوسمان و به‌ چاپگه‌یاندنی کتێبی سه‌رده‌شت عوسمان به‌ ئه‌ركی سه‌ره‌کی ئه‌م که‌مپینه‌ ده‌زانین له‌ پێناو به‌ ده‌ستهێنانی ئیمکانییاته‌ ماددی و قانوونی و هونه‌رییه‌کانیه‌وه‌، بانگه‌وازی سه‌رجه‌م ئه‌حزاب و کۆمه‌ڵه‌و ڕیکخراوه‌وکانی کۆمه‌ڵگای مه‌ده‌نیی و که‌سایه‌تییه‌ ئازادیخوازه‌کانی کۆمه‌ڵگا ده‌که‌ین کۆمه‌ککاری بردنه‌پێشه‌وه‌ی کار و چالاکییه‌کانی ئه‌م پڕۆژه‌یه‌ بن.

له‌ ڕێگای ئه‌م ئه‌درێس و ژماره‌ ته‌له‌فۆنانه‌وه‌، ده‌کرێ په‌یوه‌ندیمان پێوه‌ بکه‌ن و له‌ سه‌رنچ و پێشنیار و ئه‌رکی له‌ ئه‌ستۆگرتوو بۆ بردنه‌ پێشه‌وه‌ی ئه‌م پڕۆژه‌یه‌ ده‌ستبه‌کار بین.

جاوه‌ڕوانی هیمه‌ت و حه‌ماسه‌ی ئازادیخوازانه‌ی هه‌موو لایه‌کین به‌و هیوایه‌ی له‌م بڕگه‌ مێژووییه‌ چاره‌نووسسازه‌ی به‌رگری له‌ ئازادیی و ئازادیی ڕاده‌ربڕین له‌ کوردستاندا، پانتاییه‌کانی سه‌رکوت و دژی ئازادی له‌ کوردستاندا ، ئاسه‌وارێکییان نه‌مێنێت.

ئێمه‌ له‌ نزیکترین کاتدا زانیاری پێویستتان پێ ڕائه‌گه‌یه‌نین بۆ هه‌موو ئه‌و که‌س و لایه‌نانه‌ی که‌ ئه‌یانه‌وێت هاوکار و ئه‌ندامی که‌مپینه‌که‌ بن. بۆ هه‌ر پێداویستیه‌ک و کار ئاسانی زیاتر له‌ ڕێگای ته‌له‌فۆن و ئیمایل په‌یوه‌ندیمان پێوه‌ بگرن.
له‌ ئێستادا ئه‌توانن له‌م ڕێگایانه‌وه‌ په‌یوه‌ندیمان پێوه‌ بکه‌ن:

عه‌باس ئه‌حمه‌د : 0046736432580
abbasahmad8@hotmail.com
Sardashtosman87@gmail.com

ده‌ستگای ڕاگه‌یاندنی هاوپشتی
2010-05-29