|
به‌م گوڵانه سووره بارانێ ئه‌بارێ
و
دڵ پێم ئه‌ڵێ: بچۆ به‌ری
و
هیچ سڵ مه‌که
و
تێر تێر ناخت به خوێنی گه‌شی شه‌هیدان
بشۆره‌وه
ئه‌ڵێم : ئه‌ی دڵ بۆ پێم ناڵێی
چۆن ده‌توانم له‌م دووری دووری دووره‌وه
جارێکی تر به گوڵانی کوردستانا گوزه‌ر بکه‌م؟!
دڵ پێم ئه‌ڵێ: ئه‌ی نابینی هه‌ر ئه‌مێستا
ڕووباری خوێن نزیک نزیک له ناخته‌وه
به‌ره‌و سیروان به‌ڕێوه‌یه
و
هه‌ر له‌ته‌نیشت دوواوانی ڕۆح و گیانداش
ئه‌ڕژێنه ناو یه‌ک گیانه‌وه!
دڵه به‌سیه‌تی خافڵبوون!!
ئه‌و ڕووباره
چه‌پک چه‌پک
له وڵاتی په‌ت و ئیعدام و سێداره
گوڵاڵه‌سووره‌ی هێناوه!
دوودڵ مه‌به و بچۆ
و
تێرتێر له به‌رامه‌یان هه‌ڵمژه وئاوپژێن که گیانی
تینووت.
که گشت گیانت لێوانلێو بوو له نیشتمان
سه‌رهه‌ڵبڕه و به قه‌د به‌رزیی باڵای شه‌هید
له‌سه‌ر گڵکۆی هه‌ر شه‌هیدێک
دانێ چه‌پکێ له گوڵانی ئه‌م گوڵانه.
تاران
23 ی گوڵانی 2710
|