|
ئه‌گه‌ر به‌شی هه‌ره زۆری تیرۆر له دنیادا روبه‌روی
ده‌نگش نه‌بووبێته‌وه ، ئه‌وا به‌شی هه‌ره‌زۆری
خه‌یاڵا و پلانه‌كانی تیرۆر له دنیادا بۆ
بێده‌نگكردنی ده‌نگ بوون ،زۆربه‌ی ئه‌وانه‌ی كه تیرۆر
كراون ئه‌وانه بوون كه ده‌نگێكیان هه‌یه جیاواز
له‌و ده‌نگه‌ی كه فه‌زای ئاینی و سیاسی حه‌زی به
بیستنی كردووه ، ده‌نگ وه‌ك نه‌غمه‌یه‌كی بیسراو و
وه‌ك شتێك كه له مه‌كۆی ژیان جیا ناكرێته‌وه .
خه‌یاڵا و فیزیای گه‌ردوون هیچ نین جگه له ده‌نگو
ده‌نگه ده‌نگ یان به پێچه‌وانه‌وه ، ده‌نگو ژیان
دوانه‌یه‌كن یه‌ك به‌دوای یه‌كدا له ئه‌زه‌له‌وه بۆ
ئه‌به‌د درێژ ده‌بنه‌وه ، هیچیان سه‌ره‌تاو كۆتایی
ئه‌وی تریان نین چونكه هه‌میشه له‌پێش و دوای
هه‌ریه‌كه‌یانه‌وه ئه‌وی تریان ئاماده‌یه ،
هه‌موو شتێك له‌م گه‌ردونه‌دا ده‌نگی خۆی هه‌یه
،تیرۆركردنی هه‌ر شتێك بۆ ئه‌وه‌یه ده‌نگه‌كه‌ی
ته‌واو نه‌كات ..
چجای ئه‌وه‌ی رۆژنامه‌نوسێك تیرۆر بكرێت كه له
جه‌وهه‌ردا ده‌یه‌وێت كه چه‌ند ده‌نگێَكی جیدی بخاته
جیهانه‌وه و جیهان به‌وشێوه‌یه‌ی كه هه‌یه جوانتری
بكات ، تیرۆر كردنی رۆژنامه‌نوس تیرۆركردنی ئه‌و
ئه‌ندازیارانه‌ن كه ده‌یانه‌وێت نه‌خشه‌ی دیكۆر و
بینای ژیان جوانتر بنیاتبنێنه‌وه ، سروشتییه‌كه هه‌ر
له سه‌ره‌تاوه كۆنه خوازو عه‌قڵی دۆگماو ئه‌وانه‌ی
ده‌یانه‌وێت هه‌موو خیاراته‌كانی ژیان و چه‌رخه‌كه‌ی
بۆ خۆیان زه‌وتبكه‌ن رێگربن له به‌رده‌م هه‌ر
هه‌وڵێكدا بۆ سیاغه‌كردنه‌وه‌ی دنیا ، له ئێستایشیدا
كوردستان پڕه له‌و هێزانه‌ی كه ده‌خوازن ئاراسته‌ی
ژیانی خه‌ڵك و ئاینده‌ی لغاو بكه‌ن به‌و جۆره‌ی كه
خۆیانده‌یانه‌وێت و ئه‌و گه‌روانه‌ش پڕده‌كه‌ن له
گولله كه خیارێكی تریان بۆ ژیان هه‌یه ،
هێزێكی گێل له كوردستاندا وجودی هه‌یه كه داوای
بێده‌نگبوون له مرۆڤ ده‌كات و خه‌ون به كه‌ڕبوونی
خۆیه‌وه ده‌بینێت ، داوایه‌ك كه له سه‌رو توانای
مرۆڤه‌وه‌یه و جێبه‌جێ‌كردنی مه‌حاڵه ،ئه‌ڵبه‌ت مرۆڤ
به فیتره و سروشتی خۆی وه‌ك هه‌ریه‌كێك له
(سه‌رده‌شته‌كان)بونه‌وه‌رێكی خه‌یاڵبڵاوه ، خه‌ونی
هه‌یه .. بیرده‌كاته‌وه .. هه‌ڵده‌بژێرێت ..
هه‌ناسه ده‌دات و دواتر دێنه ده‌نگ و له دواجاریشدا
ده‌نگه‌كان ده‌بنه ئه‌و شتانه‌ی له ده‌وروبه‌ماندا
ئاماده‌ن.
مرۆڤ له هه‌ر دۆخێكی ناچالاك و چالاكدا ده‌نگی خۆی
ده‌كات و ده‌بیسترێ ،هه‌موو مۆمێنتێكی مرڤ ده‌ریایه‌ك
ئاواز و ده‌نگی له خۆێدا هه‌ڵگرتووه ، مرۆڤ ته‌نهاو
ته‌نها به ژێیه‌كانی ده‌نك ده‌نگناكات به‌ڵكو مرۆڤ بۆ
خۆی جه‌سته‌یه‌كه له وشه و رۆحیكه له ده‌نگ ...
تیرۆركردنی رۆژنامه‌نوسیش له خه‌یاڵی تیرۆركركردنی
ده‌نگه‌وه دێته واقیع ،له پلانێكه‌وه دێته‌ده‌ر
كه پلانی له گۆخستنی ده‌نگه ، ئه‌و پلانه‌ی كه
هه‌زاران ساڵه نه‌خشه‌كانی خۆی تاقیده‌كاته‌وه و
شكستده‌هێنێت... چونكه سروشتی ده‌نگكردن وه‌ك سروشتی
هه‌ناسه‌دان وایه بۆ مرۆڤ یان خودی هه‌ناسه‌دانیش لای
مرۆڤ هیچ نیه جگه له ده‌نگكردن و وتن له‌باره‌ی
ئه‌و دۆخه‌ی تیایدایه.. هه‌رچی كه مرۆڤ ده‌یكات
ده‌نگه . مرۆڤ له‌و كاته‌وه‌ی كه هه‌یه هیچ نیه
جگه له ده‌نگ واته مرۆڤ خۆی ده‌نگیه‌و هیچی تر ...
بۆئه‌وه‌ی مرۆڤ بین ده‌بێت ده‌نگ بكه‌ین .. ئه‌وانه‌ی
ده‌نگ ناكه‌ن مرۆڤ نین ....مرۆڤ كه‌ڕو لاڵیش بێت
ئاماژه‌ی بۆ ده‌نگكردن و بیستن هه‌یه، نازانم
ئه‌وانه چ گه‌مژه‌یه‌كن ته‌كلیفی ئه‌وه له مرۆڤ
ده‌كه‌ن ده‌نگ نه‌كات .ته‌نانه‌ت خودی تیرۆریش
ده‌نگكردنێكی تره به ده‌نگی به‌رز ،به‌رزكردنه‌وه‌ی
ئه‌م ده‌نگه بۆ ئه‌وه نیه بڵێت شتێكم هه‌یه بۆ وتن
..به‌ڵكو بۆ ئه‌وه‌یه نه‌هێڵێت ده‌نگه‌كانی تر
ببیسترێن ،تیرۆردۆست له سه‌ره‌تادا ده‌نگێكی نزمی
هه‌یه ..ده‌نگیه‌كی هه‌یه كه بێئارگۆمێنت و
مه‌نتیقه .. گومانی له‌وه نیه كه ده‌نگكه‌ی شایانی
گاڵته‌جاڕی و ریسواكردنه ... دڵنیایه له‌وه‌ی كه
ده‌نگی وتنی نیه ... جگه له گرمه‌ی تێنتی و شریخه‌ی
گوله .
له راستیدا ئه‌وانه‌ی تیرۆری ده‌نگ ده‌كه‌ن ئه‌هلی
سه‌رزه‌مینێكی چۆڵ ولاڵن و خاڵیه له مرۆڤی ئاسایی و
سروشتی، خودی خۆیان له جه‌وهه‌ر و سیاقێكی دیكه‌دا
مانیفێستكردۆته‌وه ... ده‌ستیان له مرۆڤبوونی خۆیان
هه‌ڵگرتووه، ده‌نا ئه‌م دنیایه یان ئه‌م سروشته
جێكای ئه‌و مرۆڤانه نیه كه بیر له تیرۆری مرۆڤ و
ده‌نگ ده‌كه‌نه‌وه .. هیچ مرۆڤێك له حه‌قیقه‌تدا
ناتوانێت تیرۆر بكات ... ناتوانێت ده‌نگ بێده‌نگ بكات
.. مه‌گه‌ر ئه‌وكاته‌ی كه خۆی ماڵئاوایی له
حه‌قیقه‌ت و سروشتی گه‌ردوونی خۆی ده‌كات و ناسنامه‌و
لجوئی جیهانێكی تر وه‌رده‌گرێت كه حه‌قیقه‌ت و ده‌نگ
تیایدا لۆگاریتم و مانایه‌كی تری هه‌یه ،
هه‌ر بۆیه هیچ سه‌یر نیه كه تا ئێستا رێككه‌وتنێك
له سه‌ر پێناسه‌و چیه‌تی تیرۆریزم بوونی نیه له
ده‌زگا جیهانی ئونیڤێرساله‌كاندا ئه‌مه‌ش ئه‌وه‌نده‌ی
په‌یوه‌ندی به تێروانینی جیاوازی خودی ئه‌كت و ماناو
مه‌دلوله‌كانی تیرۆر و تیرۆریزمه‌وه هه‌یه به
باوه‌ری من په‌یوه‌ندیه‌كی توندیشی به‌وه‌وه هه‌یه
كه تیرۆر وتیرۆریزم ئه‌وه‌نده ئه‌كت و بوونه‌وه‌رێكی
سرك و عه‌جیبه مرۆڤ به ئاسانی ناتوانێت بیگرێت و
تویكاری بكات و پێناسه‌ی پێبدات ئه‌مه‌ش له‌وه‌وه
سه‌رچاوه‌ده‌گرێت كه هه‌میشه تیرۆر ئه‌گه‌رچی سه‌ری
له‌م جیهانه‌دایه به‌لام چه‌ندین كلكی له جیهانه
غه‌ریب و ناواقیعیه‌كانی تردایه .
تیرۆر به‌ره‌چه‌ڵه‌ك خه‌ڵكی یۆتۆپیا و مه‌مله‌كه‌تێكی
تره كه كه مه‌سافه‌یه‌كی زۆر دوری بریوه تا
ده‌ندوكی بگه‌یه‌نێته ئه‌م جیهانه ، له جیهانێك له
دایكده‌بێت كه تیایدا موقه‌ده‌س مامان و دایه‌نیه‌تی
.. بۆ ئه‌وه له دایك ده‌بێت ببێت به دزێكی گه‌وره‌ی
وه‌ك ئه‌وه‌ی له داستانه ئه‌فسانه‌ییه‌كاندا هه‌یه
تا به هه‌ر باجێكبووه گه‌وهه‌ره‌كانی جیهانی
حه‌قیه‌قه‌ت بدزێت و پێشكه‌شی جیهانی ناحه‌قیقه‌تی
بكات ، ده‌یه‌وێت سه‌ری مرۆڤه راسته‌قینه‌و
حه‌قیقیه‌كان بباته‌وه بۆ به‌رده‌م مه‌لیكه
ئه‌فسانه‌یه‌كانی جیهانه‌كه‌ی خۆی تا به هۆیه‌وه
شه‌فاعه‌ت بۆ كه‌رامه‌ت و ئابرو و ژیانی خۆی بكات ،
كه‌رامه‌ت و ژیان و ئابروی دنیای حه‌قیقه‌ت ده‌خاته
سه‌ر سفره‌ی ئه‌ژدیهاكانی داڵغه.
ئه‌و ده‌ندوكانه‌ی جه‌سته‌ی ئێمه له كوردستان ئاژن
ده‌كه‌ن هه‌رهه‌مان داڵی داڵغه‌ی ئه‌و جیهانه‌ن ،
تیرۆر له هه‌رجێگه‌یه‌كی ئه‌م دنیایه‌دا بێت جیاواز
نیه له‌وه‌ی له كه فه‌نده‌مێنتالیزمی ئاینی ده‌یكات
، ئه‌گه‌رچی به‌ناوی ئابڕو یان ده‌سه‌ڵات و هه‌رچیه‌كی
تره‌وه بكریت .. به هه‌ر هۆ و مه‌به‌ستێك بێت تیرۆر
هه‌ر سوتانی باغه‌كانی حه‌قیقه‌ته ، هه‌ر شكانی
گوڵدانه‌كانی خوایه له‌سه‌ر زه‌مین بۆ ئه‌وه‌ی
میتاڵه‌كه‌ی له گوڵدانێكی تری ئه‌فسانه‌ییدا به‌كار
بهێننه‌وه .
ئه‌وانه‌ی كه ده‌خوازن ده‌نگ ته‌نهاو ته‌نها له
قۆزاخه‌كه‌ی خۆیدا بژی هه‌ڵه‌یه‌كی زۆر گه‌وره
ده‌كه‌ن یان راستتر له حه‌ماقه‌تێكی زۆر گه‌وره‌دا
ده‌ژین ، چونگه هه‌موو مرڤه‌كانی دنیا له
حیكمه‌تێكدا برای یه‌كن ئه‌ویش ده‌نگه ، ده‌نگ له
حاڵه‌تی به‌رجه‌سته و نا به‌رجه‌سته‌دا ، ته‌نانه‌ت
ئه‌و كاتانه‌ی كه ده‌نگیش ناكات ده‌نگیه‌كی له‌سه‌ر
ده‌نگكردن هه‌یه ، شتێكی گرنگی هه‌یه بۆ وتن ، بۆیه
ئه‌و حه‌ماقه‌ته‌ی هێزه تیرۆریسته‌كانی ده‌نگ
ده‌یكه‌ن ئه‌وه نیه كه ئیدراكیان به خه‌ته‌ری
ده‌نگ هه‌یه به‌ڵكو ئه‌وه‌یه كه ئیدراكیان به
خه‌ته‌ری بێده‌نگكردن نیه، من باوه‌رم وایه كه
هه‌موو ده‌نگكانی دنیا له بَیده‌نگكردنا هاتوونه‌ته
كردن ، هه‌موو ده‌نگكانی دنیا له دره‌ختێك
موتوربه‌كراون كه دره‌ختی بێده‌نگكردنه ، له ده‌وری
ناوكێك قۆزاخه‌یانكردووه كه ناوكی بێده‌نگیه ،
هه‌میشه ئه‌وكاته‌ی كه ده‌نگ بێده‌گده‌كرێت دنیایه‌ك
ده‌نگو نه‌غمه گینگڵا ده‌ده‌ن بۆ وتن ، بۆیه له
خۆرا نیه ئه‌گه‌ر هه‌ست به حه‌ماقه‌تی ده‌زگا و
عه‌قله بێده‌نكه‌ره‌كان ده‌كه‌ین .
ئه‌مه به‌و مانایه نیه بۆ ئه‌وه‌ی ده‌نگ بكوژن
ده‌بێت ده‌نگ ئازاد بكه‌ن به‌ڵكو وه‌ك ئاماژه‌مانپێدا
ده‌نگ له دۆخی ئازاددا ده‌نگێكی موجه‌ره‌د نیه‌و به‌س
، به‌ڵكو ده‌نگ له دۆخی ئازاددا خۆی ده‌گه‌یه‌نێته
كه‌ماڵا به‌وه‌ی كه خۆی ته‌رجه‌مه‌ی هه‌موو شته‌كانی
تر ده‌كات ، له باری ئازادیدا ده‌نگ به ته‌نها
ده‌نگنیه و بوترێت و ببیسرێت به‌لكو ده‌نگ كردنێكیشه
كه نه‌ك ته‌واوی كایه‌كانی عه‌قل و خه‌یاڵا به‌رچڤه‌ی
واقیع ده‌كات به‌ڵكو ته‌واوی ئه‌و ده‌زگایانه‌ش كه
ده‌زگای بێده‌نگكردنن هه‌ناسه‌سوار بێبڕستده‌كات ،
ئه‌وانه‌ی ده‌نگ تیرۆر ده‌كه‌ن له جێگایه‌كدا ده‌ژین
كه جێگای راسته‌قینه‌ی خۆیان نیه ، هه‌میشه كاتی
رۆشتنیان له هه‌ربونه‌وه‌رێكی دیكه له‌به‌رێتره ،
ئه‌وان مه‌حكومن به نه‌گه‌یشتنه ئه‌م دنیایه جگه
له‌وه‌ی له شێوه‌ی بومه‌له‌رزه‌یه‌كدا ته‌نها
ده‌توانن بمانورێژنن و وشیارمانكه‌نه‌وه له خه‌ته‌ری
خۆیان ،وه‌لێ ئه‌وه‌ی كه ده‌مێنێته‌وه تا كۆتایی
ئه‌وانه‌ن كه خه‌ڵكی ئه‌م دنیایه‌ن و قاچی رۆشتنیان
بۆ دنیایه‌كی تر نیه له ده‌ره‌وه‌ی راستی و
حه‌قیقه‌ت ،ئه‌وانه‌ن كه ناتوانن بێده‌نگ بن.. شه‌ڕی
ده‌نگ هه‌ر له سه‌ره‌تاوه شه‌ڕێكی دۆڕاوو بێ
عاسه‌لایه.. روبه‌رو بوونه‌وه‌ی گه‌وره له‌گه‌ڵا
تیرۆری ده‌نگدا له‌و جه‌نگانه نیه كه مارش و
ده‌هۆڵا و ئیعلانی جه‌نگ پێشی ده‌كه‌وێت به‌ڵكو بوونی
مرۆڤ خۆی و دان نان به مرۆڤبوونی خۆیدا وه‌ك
بونه‌وه‌رێكی ده‌نگكه‌ر، روبه‌رو وه‌ستان و له
ئه‌نجامیشدا بردنه‌وه‌ی ئه‌م ملاملانێیه‌یه ، مرۆڤ
وه‌ك ئه‌وه‌ی هه‌یه هه‌رواش روبه‌روه‌له‌گه‌ڵا تیرۆری
ده‌نگدا ...
ئه‌م تیرۆره‌ی له‌كوردستاندا هه‌یه مه‌كینه‌یه‌كی
ئاینی و سیاسی و كه‌لتوری به‌رهه‌می هێناوه كه
به‌شێكی دانه‌براو و درێژكراوه‌ی عه‌قلی دۆگماو
دیكتاتۆریزمی به‌ر له راپه‌رینه و دوای رایه‌ڕینه،
ئه‌م دیارده‌یه ئه‌گه‌ر قومێكی له فه‌نده‌مێنتالیزم
خواردبێته‌وه ئه‌وا چه‌ندین جار له حه‌وزی
دیكتاتۆریتی سیاسیدا مه‌له‌ی كردووه .
ته‌نانه‌ت ئه‌و ره‌وته فه‌نده‌مێنتالیزمییه‌ی كه له
جیهاندا مه‌ترسیه‌كی گه‌وره‌یه له سه‌ر ده‌نگ
،به‌شێكی زۆی سه‌ره‌كانی له داوێنی ئه‌و فه‌زا
سیاسیه‌دا جوقاوه كه فه‌زای حیزبسالاری و نا
عه‌داله‌تیه ،هه‌میشه هێلانه سیاسیه‌كه‌ی
كوردستانیش كه‌رمیه‌كی زیاتر داوه‌ته هێلكه‌ی
تیرۆریسته‌كانی تر . به باوه‌ری من ئه‌وه‌ی
پێیده‌وترێت تیرۆریزمی ئاینی و ئوسوڵی شتێكی دابراو و
نامۆ نیه به‌و بارودۆخه‌ی كه له كوردستاندا دوای
راپه‌رین گوزه‌راوه ،ئه‌م خه‌ته‌ی تیرۆر هاوته‌ریب و
ته‌ماسی حاڵی خراپی ئازادیه له كوردستاندا ،
راپه‌رین سه‌رباری ئه‌وه‌ی وه‌رچه‌رخانێكی گه‌وره‌یه
له مێژووی كوردا به‌ڵام له جه‌وهه‌ردا درۆیه‌كی
گه‌وره‌شه له‌گه‌ڵا گه‌لی كوردستاندا كراوه ، له
ته‌ك ئه‌وه‌ی راپه‌رین مێژووی قاره‌مانه‌كانی
ده‌نوسێته‌وه كه‌چی مرۆڤێكی كورد نیه ناوی كۆمه‌ڵێك
كه‌س نه‌زانێت كه تیرۆر كراوه ،جگه له‌و هه‌موو
تیرۆره مه‌عنه‌ویانه‌ی كه له خیزانه‌وه بگره
تاهه‌موو ده‌زگا جۆراو جۆره‌كانی تر كه پێیهه‌ستاون
.،خه‌ونی راپه‌رین نه‌ك ته‌رجه‌مه نه‌كراوه‌ته سه‌ر
واقیع به‌ڵكو مرۆڤی كوردی بۆ خه‌وێنراوه بۆ ئه‌وه‌ی
هه‌ر به خه‌ونی بمێنێته‌وه تا... ره‌نگه تا
ئه‌وكاته‌ی خه‌به‌رمانده‌بێته‌وه و فێری به‌رده‌وامی
ده‌بین له خه‌باتی دیموكراتی و ئازادی .به‌رده‌وامی
به مانای بێده‌نگ نه‌بوون نیه له هه‌فته‌یه‌ك و
دوان و سیاندا به‌ڵكو هه‌ڵبرینی ده‌نگی ئازادیه بۆ
هه‌میشه، به بێئه‌وه‌ی له كاتێكی بیر له‌وه
بكه‌ینه‌وه له جێگه‌یه‌كدا ده‌بێت قوفڵی سۆڵا
دابنێین ..ئه‌گه‌ر كورد ئه‌جێندایه‌كی بۆ ئازادی
هه‌یه پێویسته به‌ر له هه‌ر شتێك ده‌نگبكات ،ده‌نگی
جیاواز .. چونكه ده‌نگ ئه‌گه‌ر جیاواز نه‌بوو،
ئه‌گه‌ر یه‌ك ئاواز و یه‌ك ئیقاعی هه‌بوو ئه‌وا له
زووترین كاتدا جوانه‌مه‌رگ ده‌بێت و ده‌بێته ده‌نگێكی
نه‌بیستراو ، مرۆڤ خه‌ولێده‌خات .. ئه‌و ده‌نگانه‌ی
كه به یه‌ك نه‌غمه ده‌بیسترێن بۆ وه‌نه‌وز دان و
سڕكردنی عه‌قڵا باشن ، ده‌بێت رۆند و بلاشه‌كانی ده‌نگ
، نۆته‌كانی ده‌نگ به‌شێوه‌یه‌ك دارێژرێنه‌وه كه
راچه‌ڵه‌كێنه‌ر بن ، ده‌نگی مرۆڤ و عه‌قڵا له‌وه‌دا
جیاوازه له ده‌نگی مۆسیقا ،كه هه‌میشه‌ییه و هه‌ر
ئامێرێكی به ئاوازی خۆی ئیشده‌كات .. ده‌بێت هه‌مه
چه‌شن و هه‌مه ئاواز و هه‌مه ده‌نگ بێت، ئه‌و
مۆسیقایه‌ی كۆمپازیتۆره‌كان ده‌ینوسنه‌وه ده‌رونمان
ئارامده‌كاته‌وه ،به‌ڵام ئه‌وده‌نگانه‌ی نوسه‌ره‌كان
ده‌ینوسنه‌وه ده‌رونمان ده‌وروژێنێت . له ئوركێسترای
مۆسیقادا ده‌شێ ئامێرێك زیاد و ناساز بێت به‌ڵام له
ئوركێسترای عه‌قڵدا نابێت هیچ ده‌نگێك فڕێبدرێته
ده‌ره‌وه به بیانوی ناسازگاری ،ره‌نگه هه‌ندێك له
ده‌نگه‌كانی عه‌قڵا وه‌جاغكوێربن به‌ڵام هیچ ده‌نگێكی
عه‌قڵا و ئه‌ندێشه‌ی مرۆڤ بیژی و غه‌ریب نیه .. من
باوه‌رم وایه ئه‌وانه‌ی ئه‌مڕۆ ده‌یانه‌وێت تیرۆری
هه‌ندێك له ژێیه‌كانی ده‌نگی عه‌قڵا ونوسین بكه‌ن
ئه‌وانه‌ن كه واحه‌زده‌كه‌ن ده‌نگی عه‌قڵا و نوسین
بكه‌ن به ده‌نگێكی ئارامی مۆسیقا .. به‌ڵام هه‌ر له
سه‌ره‌تاوه تیرۆر ده‌بێت نوچ و شكسته‌كانی خۆی
هه‌ستده‌كات ئه‌گه‌ر!: بێده‌نگ نه‌بین .. ئه‌گه‌ر
بێده‌نگ نه‌بین باوه‌ری ته‌واوم به‌وه‌یه كه تیرۆر
نه‌ك ناتواتنێت براوه‌ی ئه‌م جه‌نگه بێت به‌ڵكو
زه‌حمه‌ته فریای ئه‌رشیفكردنی دۆراندنه‌كانی خۆیشی
بكه‌وێت ... با هه‌موومان ده‌نگ بكه‌ین بۆ ئه‌وه‌ی
چونكه عاسه‌لای بردنه‌وه‌ی ئه‌م جه‌نگه‌یه
،عاسه‌لایه‌ك كه شه‌ری هه‌موو تیرۆری دنیا ده‌كات.
Shakhawan_1979@yahoo.com
|
