دوای تێپه‌ڕینی چه‌ندساڵێک به‌گه‌یشتنی خێزانه‌ کورده‌که‌ به‌هه‌نده‌ران له‌ کێشتان خوانێکی خانه‌واده‌یی دا هه‌موو به‌یه‌که‌وه‌ نانیان ده‌خوارد به‌ده‌میشیه‌وه‌ نوکته‌ و به‌سه‌رهاتیان ده‌گێڕایه‌وه‌ کوڕی ناوه‌نجی‌ هه‌رده‌م قۆشمه‌چی و وروژێنه‌ری زه‌رده‌خه‌نه‌ و پێکه‌نینه‌کان بوو دانه‌ده‌کاسا باسێکی ده‌دیته‌وه‌ بیکاته‌ فرق و هۆڕی پێکه‌نین . کوڕی گه‌وره‌ هه‌لی وه‌رگرت : ئه‌وکاته‌ی گه‌یشتینه‌ ئێره‌ له‌فڕۆکه‌خانه‌وه‌ به‌پاس هاتینه وێستگه‌ی شه‌مه‌نده‌فه‌ره‌که‌ که‌سواربووین یه‌که‌م جارم بوو لام زۆرخۆش بوو فارگۆنه‌که‌ وادوورودرێژبوو وه‌ک پاسه‌ کۆنه‌کانی هێڵی کورانی هه‌ولێر نه‌بوو هیچ کوشینێکی نه‌دڕابوو ! پان و به‌رین هه‌ردوو که‌سه‌ به‌رامبه‌ر یه‌کتری دانیشتبوون منیش کورسیه‌کانم ده‌گۆڕی و ئێره‌و ئه‌وێم ده‌کرد . له‌وێسگه‌یه‌کیان پیاوێکی ڕه‌ش پێست سوار بوو منیش سه‌یرم پێ هات ئه‌و پیاوه‌ لۆ ڕه‌شه‌ ؟ قه‌تم شتی وا نه‌دیتبوو ! به‌درێژایی ڕێیه‌که‌ ته‌ماشام ده‌کرد و منیش زمانم لێ ده‌رده‌هێناوه‌ ، دوایی که‌دابه‌زی بۆم ده‌رکه‌وت ئه‌و زمانی له‌من ده‌رنه‌هێنایه‌ ته‌نیا لچ و لێوی وا ئه‌ستوره‌ من به‌زمان لێ ده‌رهێنانی تێگه‌یشتبووم . کچی گچکه‌ش بواری وه‌رگرت به‌پێکه‌نینه‌وه‌ باسی ئه‌وه‌ی کرد : که‌ تا ماوه‌یه‌کی زۆر و ئه‌م دواییانه‌ش هه‌ر وای تێگه‌یشتووه‌ ! پێش چه‌ند ساڵیک چوون بۆ پایته‌ختی وڵاته‌ خانه‌خوێکه‌‌ له‌وێ له‌کاتی هاژووتنی ماشێنه‌که‌ له‌لایه‌ن باوکیه‌وه‌ کچه‌ له‌دواو دانیشتووه‌ له‌شه‌قامێکدا چه‌ندین ژنی له‌شفرۆشی بینیوه‌ به‌سه‌ر شۆسته‌که‌وه‌ به‌ده‌رپێ قوته‌ و ستیانه‌وه‌ وه‌ستاون خه‌ریکی گوزه‌رانی کاری خۆیان بوون ئه‌ویش له‌باوکی پرسیوه‌ : ئه‌رێ بابه‌ ئه‌و ژنانه‌ لۆ وا خۆیان ڕووت کردیته‌وه‌ ؟ بابه‌ش چی بڵی بێ سێ و دوو ده‌ڵێ : ئاخر ده‌چن بۆ مه‌له‌ !

دڵشاد تاقانه‌

Dlshadtakana@yahoo.com