سه‌رده‌شت

  

سمکۆ ئه‌حمه‌د




تکایه‌ به‌ با بڵێن
نه‌تۆریت و
ده‌ست له‌م ده‌فه‌ره هه‌ڵنه‌گرێت
به‌ ئاسمان بڵێن
نه‌گۆڕیت و
ڕق له‌ ڕه‌نگی شین هه‌ڵنه‌گرێت
بپاڕێنه‌وه‌ له‌ دار
تا به‌ شوڵکه‌که‌نی
فه‌لاقه‌ی ڕه‌نگی سه‌وز نه‌کات
تکایه‌
به‌قه‌ڵاش بڵێن
چاو له‌ دیمه‌نی شار دانه‌خات‌
به‌حاجی له‌قله‌قه‌که‌ی شێخه‌وڵاش بڵێن
له‌ خوێنی دایکی خۆش نه‌بێت و
له‌ فڕینی ئاسمان بێزار نه‌بێ
به‌ دایکه‌کانیش بڵێن
مه‌مکی خۆیان نه‌که‌نه‌ ‌چه‌‌قۆ و
له‌ باتی سنگی نه‌رم
ئاسن نه‌خه‌نه‌ ده‌می مناڵه‌کان
به‌ هه‌ولێریش بڵین
ئاگر له‌ ده‌شته‌ زه‌رده‌کان به‌رنه‌دات
چونکه‌ ئه‌و شاره‌
به‌ سه‌رده‌شته‌کانه‌وه‌ شاره‌

سمکۆ ئه‌حمه‌د
تۆکێۆ
2010

 

           

 

11/06/2010

 

goran@dengekan.com

 

dengekan@yahoo.com