|
ده‌قێكی ئه‌ده‌بی پڕ جوانی و پڕ تێفكرین ده‌چێته لای
ره‌خنه‌گرێك ، مه‌به‌ست ده‌چێته لای واته به
به‌رده‌م خوێندنه‌وه‌ی تێده‌په‌ڕی ، هێزی كێشی جوانی
ده‌ق ، ره‌خنه‌گر له خۆی گیر ده‌كاو ده‌ق پێی ده‌ڵێ :
له باره‌م بدوێ ، شتێكم له سه‌ر بنوسه ،
ره‌خنه‌گریش ناتوانێ بڵێ : تۆ ده‌م و چاوێكی ناشیرینت
هه‌یه چۆن ره‌خنه‌گرێكی گه‌وره‌ی وه‌ك من به‌و هه‌موو
گه‌وره‌ییه‌ی خۆمه‌وه ! قسه له‌سه‌ر تۆی نه‌فام و
گێلۆكه ده‌كه‌م . چونكه ئه‌و ده‌قه هه‌ڵگری جوانی و
جیهان بینییه ، به دونیاییه‌ك مه‌عریفه خۆی ئارایشت
كردوه . ده‌ست ده‌كاته منگه منگ
ـ ده‌ڵێ : باشه به‌ته‌نها هاتووی ؟ مه‌به‌ستم
ناسیاوێك ، جیرانێك ، براده‌رێكی ئه‌ودیوی
كۆڵانه‌كه‌مان ، هاوڕێیه‌كی چایخانه‌م ؟
ـ به‌ڵێ
ـ چۆن ده‌بێ نابێ به‌ڕێزم بڕۆ كه‌سێك له گه‌ڵ خۆت
بهێنه ئینجا قسه‌ت له سه‌ر ده‌كه‌م
ـ به‌خوا برا كه‌س ناناسم
ئه‌ی چۆن ده‌بێ ؟ باشه بڕۆ پاكه‌تێك شیرینی یان
میوانداریه‌ك یان مه‌كتوبێك شتێكی تێخه .
ـ هیچم نیه گیرفانم به‌تاڵه‌و كۆڵێك پاره‌ش قه‌رزاری
دوكانه‌كه‌ی سه‌ری كۆڵانی خۆمانم واته گیرفانم خاڵیه
.
ـ باشه تۆ له سه‌ر من بنوسه‌و منیش له سه‌ر تۆ
ده‌نوسم .
ـ نا شتی واناكه‌م ، ئه‌وه مامه‌ڵه‌یه‌كی خراپه .
ـ توڕه‌ده‌بێ و ده‌ڵێ : ئه‌ی باشه تۆچی ؟
ـ ده‌قێكی جوانم
ـ ته‌ڕه‌ماشی ، ناسیاونی ، دراوسێ نی گیرفانت خاڵییه
، جوانی چیه جوانی ؟
ئه‌ی خه‌ڵكی كوێی ؟
ـ دانیشتوی شاری تۆ نیمه
ـ سه‌یری بكه ها ، بڕۆ بابه بڕۆ وازم لێبێنه
ده‌یه‌وێ بڕوا ، ده‌گه‌ڕێته‌وه ده‌ڵێ ـ هه‌رشتێك
نزیكمان بكاته‌وه ؟
ـ نازانم هیچم به خه‌یاڵ دانایه
ـ له چ حیزبێكی ؟
ـ باوڕم به حیزبایه‌تی نیه
ئه‌ی قوڕ به‌سه‌رت چۆن ده‌ژی ؟ هه‌ر له‌به‌رئه‌وه‌یه
گیرفانت خاڵییه
دووباره ده‌یه‌وێ بڕوا ، چه‌ند هه‌نگاوێك ده‌هاوێ ،
ده‌گه‌ڕێته‌وه ده‌ڵێ : هه‌رهیچت به خه‌یاڵ دانایێ
هه‌ر هیچ ؟
ـ نه‌خێر هه‌ر هیچ
ـ هیچ هیچ ؟
ـ نه‌خێر
ره‌خنه‌گری گه‌وره به ده‌قیی بێكه‌س و بێ ناسیاو
گیرفان خاڵی ده‌ڵێ : بڕۆ چاره سه‌رێك بدۆزه‌ره‌وه
ئینجا بۆلام وه‌ره ، جارێكی تر هه‌ڵه‌ی وا گه‌وره
نه‌كه‌ی ، ئه‌گه‌ر نوسه‌رێكی به ناوبانگیش بی
هه‌رباشه له سه‌رت ده‌دوێم گرینگ نیه ئه‌و نوسه‌ره
گه‌وه‌ره‌یه چی ده‌نوسی ، گرینگ ئه‌وه‌یه ناوی
هه‌یه ، من كه شتی له سه‌ر ده‌نوسم هه‌ست به
گه‌وره‌ی خۆم ده‌كه‌م له ته‌نیشت ناوی ئه‌ودا ، ئه‌ی
چۆن ره‌خنه‌گری گه‌وره ده‌بێ له سه‌ر ناوی گه‌وره
بنوسێ ، به باڵای ناوی گه‌وره هه‌ڵبدا ،
ـ تۆ چی ...... ؟
ـ ته‌نها ده‌قێكی جوانم
ـ ئاخ به ده‌ست تۆوه ، تۆ ده‌قێكی خاوه‌نه‌كه‌شت
نێره ، ئه‌گه‌ر خاوه‌نه‌كه‌ت مێ بوایه زۆر باش بوو ،
مامه‌ڵه‌یه‌كمان ده‌كرد، ده‌مكردیه مشته‌ریه‌كی
به‌رده‌وامی لێكۆڵینوه‌كانم ، چۆن ده‌قێك ده‌بویی
گرینگ نه‌بوو ، ئاخ به ده‌ست تۆوه ، ئاخ تۆ چی
......؟
ـ ته‌نها ده‌قێكی جوانم ، ده‌قێكی جوان و هیچی تر
به‌ڕێزم ئه‌ی ره‌خنه‌گری گه‌وره ، ئه‌ی ره‌خنه‌گری
گه‌ورۆنه .
تێبینی : ئه‌م ره‌خنه‌یه‌م به‌ره‌و ڕووی ئه‌و جۆره
ره‌خنه‌گره ناباشانه‌یه كه له سه‌ره‌وه باسم
كردوه ، ئه‌گه‌رنا ره‌خنه‌گری زۆر به‌ڕێزو به
توانامان هه‌یه ، شایسته‌ی ڕێزه ، واتا مه‌به‌ستم
هه‌موو ره‌خنه‌گرێك نیه ، رێزم بۆ هه‌موو قه‌ڵه‌مێكی
جوان هه‌یه .
31/5/2010
|
